ROME 1:14 - Hakcipta - Biatah Bidayuh

¹⁴ Amai aku biyŭn pinura adi dŭh siŭn dŭh aku ndai yŭn sopŭrŭg bangsa daya, di daya adi biradat ngga daya adi dŭh biradat, di daya adi pitar-pandai ngga daya adi dŭh pitar-pandai.

ROME 1:14 ပူးပေါင်းရင်းမြစ်များ

PITAS 1:22

“Daya budo! An tian-ki dinge angān budo? An tian-ki dinge angān ngamun pinyipuan? Sinde angān re birajar?

PITAS 8:5

Angān adi babŭ bipikir mun anak daya? Birajar meh bipikir mun daya adi mirati kayuh. Angān budo kah? Birajar meh pinyipitar.

ISAIAH 35:8

Re agi aran raya diginŭ, dog kadŭn “Aran Pinyikudus”. Mating daya bidosa re an panu kadŭg aran anŭ; mating daya budo re kinanyap daya adi panu kadŭg-i.

MATTHEW 11:25

Di tika anŭ Jesus nang, “Sama, Kaam adi nguasa rangit ngga ong! Aku nggen trima kaseh di Kaam sabab Kaam mbŭh kiren di ngara adi dŭh pitar-pandai kayuh adi Kaam sukan so ngara adi bijak buang pitar-pandai.

LUKE 10:21

Di tika anŭ Jesus gaŭn amai brisi ngga Roh Kudus, ka nang, “Sama, adi nguasa rangit ngga ong! Aku nggen trima kaseh di Kaam sabab Kaam mbŭh kiren di ngara adi dŭh pitar pandai kayuh adi Kaam sukan so ngara adi bijak ka pitar pandai. Sawŭ, Sama, simŭnŭ inŭh ayŭh patut jadi nanyam ka adi munos di asŭng Mai.”

PINGANDAI 22:21

‘Panu meh,’ Tuhan nang di aku, ‘amai Aku re pait kuu jo ka yŭn bara daya adi dŭh bangsa Jahudi.’ ”

PINGANDAI 28:2

Daya adi rŭŭ di purau anŭ mbŭh raru kana ngga kieh. Nganŭ gŭh andu mbŭh piguru ujen ka mbŭh madud, jadi ngara ndai apui ka kambat kieh sopŭrŭg.

PINGANDAI 28:4

Daya purau anŭ kiris jippŭh anŭ bikideng di tangan Paul, minyu dupan adŭp ngara, “Manyah-i daya ati pinyiŭ. Sunggu ayŭh tungang rupas so pinyusah rawŭt, nasip-i taŭn ayŭh re kabŭs.”

PINGANDAI 9:15

Tuhan nang di ayŭh, “Panu gŭh nŭh, sabab Aku mbŭh mien ayŭh da taban adŭn Ku ka daya adi dŭh bangsa Jahudi samŭn raja raja ka daya Israel.

ROME 1:22

Ngara nang adŭp-i bijak, pak ngara budo;

ROME 11:25

Agi kayuh adi sawŭ adi dog sukan, bara dingan ku, adi aku raan angān puan, amai-i re bada angān dŭh pikir adŭp ngan bijak. Anŭ inŭh pinyibaking daya Israel dŭh-i re tan adu adu, pak kaŭs-i re tan ndŭg andu adi ngga sukup kiang daya adi dŭh bangsa Jahudi mandŭg ka Tapa.

ROME 12:16

Udip darŭm ndi itong dupan adŭp ngan. Dŭhnyah sambuh, pak pirapat adŭp ngan ndai kraja adi biasa. Dŭhnyah pikir adŭp ngan bijak.

ROME 13:8

Dŭhnyah birutang di tadŭ daya. Kaŭs-i angān patut birutang darŭm pinyirindu yŭn dingan ngan. Asi asi adi ndai simŭnŭ mbŭh sita Ukum-adat.

ROME 16:19

Sopŭrŭg daya mbŭh dingah pasar angān adi mbŭh tŭtŭd di Agah Kana anŭ, ka sabab anŭ aku mbŭh sanang asŭng di angān. Aku raan angān bijak jeja ka kayuh adi kana, pak bawa jeja ka kayuh adi arap.

ROME 8:12

Ngapŭi inŭh meh, bara dingan ku, ati inŭh kayuh adi dŭh siŭn ata ndai: ata dŭh siŭn udip nunda ka pinyiraan tibiat manusia.

1 CORINTH 14:11

Pak kambŭi aku dŭh puan piminyu anŭ adi dog pakai, ngara adi minyu-i mbŭh keya ka daya tami di aku, ka aku daya tami di ngara.

1 CORINTH 14:16

Kan angān nggen trima kaseh darŭm roh, simuki daya biasa adi sua simayang re nang “Amen” yŭn dua trima kaseh ngan? Ngara dŭh puan kayuh adi angān nang.

1 CORINTH 2:13

Ngapŭi meh, kieh dŭh minyu ngga bang bang piminyu adi dog ngajar so ka pinyibijak manusia, pak ngga bang bang piminyu adi dog ngajar Roh Kudus, darŭm kieh ngajar kayuh adi sawŭ pasar Ayŭh di ngara adi mbŭh biyŭn Roh Kudus.

1 CORINTH 3:18

Angān patut dŭhnyah nyibudo adŭp ngan. Kambŭi agi so angān pikir adŭp ngan bijak so ka gaya ong ati, angān patut jadi budo, siŭn angān dapŭd jadi sawŭ bijak.

2 CORINTH 10:12

Sawŭ, kieh dŭh birani re kadŭn adŭp ami asi asi puan kah danding adŭp ami ngga ngara adi muji adŭp-i. Ngara budo! Ngara ndai takar ngga nakar adŭp-i, ka nyadŭng adŭp-i pakai takar anŭ!

2 CORINTH 11:19

Adŭp ngan mbŭh raru bijak, ngapŭi angān raan bigaur ngga bara adi budo!

COLOSSAE 3:11

Ka darŭm-i mun anŭ, re mating katŭn daya bangsa Greek ngga daya bangsa Jahudi, bisunat ngga adi dŭh bisunat, bangsa tami, bangsa daya adi babŭ amba aran pimudip-i, daya urun bait adi dŭh urun, pak Kristus mbŭh sopŭrŭg-i ka mbŭh agi darŭm sopŭrŭg.

2 TIMOTHY 2:10

Ngapŭi aku nyijŭn sopŭrŭg-i yŭn kana bara daya adi Tapa mbŭh mien, siŭn ngara dapŭd pinyiramat adi mandŭg so ka Kristus Jesus samah ngga bragah adi tan adu adu.

TITUS 3:3

Amai adŭp ta ko gŭh budo, dŭh an dingah pinganang, buang sarah. Ata ko jadi urun bagŭ masam pinyiripong ka bagŭ masam pinyiraan. Pimudip ta ko puno ngga dendam ka sina; daya tiru di ata ka ata tiru di daya.