ROME 1:1 - Hakcipta - Biatah Bidayuh

¹ So Paul, urun Kristus Jesus, pinyuruh adi mbŭh dog mien ka dog bagan Tapa da nyuse Agah Kana-I.

ROME 1:1 ပူးပေါင်းရင်းမြစ်များ

1 KRONIKEL 23:13

Anak dari pinuai-i, Amram, inŭh sama Aaron ngga Moses. (Aaron ngga bara sesang-i mbŭh dog nyidŭrŭ bada adu adu tukang nguasa kayuh kayuh kudus, badang kimanyan yŭn TUHAN di tika simayang, bituan di Ayŭh, ka nyiberkat bara daya ngga adŭn-I.

ISAIAH 49:1

Dingah aku, bangsa bangsa adi jo, angān daya adi rŭŭ di rais adi jo! Diŭ so aku dog biranak, TUHAN mien aku ka tijuan aku bada jadi urun-I.

JEREMIAH 1:5

“Sibayuh Aku napa kuu darŭm tain sindŭ mu, ka sibayuh kuu dog biranak, Aku mbŭh mien kuu ka tijuan kuu bada jadi nabi yŭn bangsa bangsa.”

MARK 1:14

Kan John mbŭh dog jer, Jesus di ka Galilee ka nyuse Agah Kana so Tapa.

JOHN 12:26

Asi asi adi an bituan di Aku dŭh siŭn dŭh an tunda Aku, isa daya-gaji Ku siraru agi ngga Aku di tadŭ yŭn Ku. Ka Sama Ku re kibās barang naan daya adi bituan di Aku.

JOHN 15:15

Aku dŭh tia bagan angān daya-gaji, sabab daya-gaji dŭh puan kayuh adi tuan-i ndai. Pak Aku bagan angān dingan, sabab Aku mbŭh kidaan di angān sopŭrŭg kayuh adi Aku mbŭh dingah so Sama Ku.

JOHN 15:20

Ingat kayuh adi Aku ko kidaan di angān: ‘Daya urun dŭh-i bās dŭ so tuan-i.’ Kambŭi daya kisiis Aku, daya re kisiis gŭh angān; kambŭi daya tunda ajar Ku, daya re tunda gŭh tung jangān.

PINGANDAI 13:9

Pak Saul, adi dog kadŭn gŭh Paul, ngga kuasa Roh Kudus, tirek ayŭh

PINGANDAI 20:24

Pak aku dŭh mbit bat di asŭng adŭp ku, bait aku kabŭs puan kah udip; kaŭs aku gruwŭn an ngamas kraja adi Tuhan Jesus ko nggen di aku, anŭ inŭh kidaan Agah Kana pasar pinyirasi-mandis Tapa.

PINGANDAI 21:40

Pingibās soldadu anŭ nyibandar ayŭh minyu; ka Paul, mijog di tungoh, pakat tangan-i mite daya pajam. Kan ngara mbŭh pajam, Paul minyu di ngara darŭm piminyu Hebrew:

PINGANDAI 22:21

‘Panu meh,’ Tuhan nang di aku, ‘amai Aku re pait kuu jo ka yŭn bara daya adi dŭh bangsa Jahudi.’ ”

PINGANDAI 22:7

Aku rabu ka tana ka dingah sirŭŭn nang di aku, ‘Saul, Saul! Mani kuu kisiis Aku?’

PINGANDAI 26:1

Agrippa nang di Paul, “Kuu bisa minyu ngarun adŭp mu.” Paul pakat tangan-i, komŭnŭ ayŭh minyu nyibandar adŭp-i:

PINGANDAI 26:14

Sopŭrŭg kieh rabu ka tana, ka aku dingah sirŭŭn nang di aku darŭm piminyu Hebrew, ‘Saul, Saul! Mani kuu kisiis Aku? Kuu bada adŭp mu kinaman rawan Aku adi Tuan mu.’

PINGANDAI 27:23

Amai singumi malaikat Tapa ku adi aku nyambah agi mandŭg ka aku.

PINGANDAI 9:15

Tuhan nang di ayŭh, “Panu gŭh nŭh, sabab Aku mbŭh mien ayŭh da taban adŭn Ku ka daya adi dŭh bangsa Jahudi samŭn raja raja ka daya Israel.

ROME 1:16

Aku mingangŭn di Agah Kana anŭ; Agah kana anŭ inŭh kuasa Tapa ngga nyiramat sopŭrŭg adi sabah, daya Jahudi diŭ, komŭnŭ daya adi dŭh bangsa Jahudi.

ROME 1:5

So Ayŭh Tapa mbŭh nggen di aku utung da jadi pinyuruh yŭn adŭn Kristus, siŭn bisa taban daya so barang bangsa da sabah ka tunda pinganang-I.

ROME 1:9

Tapa inŭh saksi kayuh adi aku nang agi sawŭ; darŭm aku nyuse Agah Kana pasar Anak-I aku bituan di Ayŭh adi Tapa ngga siabo atin ku. Tapa puan aku ingat angān

ROME 11:13

Aku ati madin minyu ngga angān adi dŭh bangsa Jahudi: Siragi aku ati pinyuruh yŭn daya adi dŭh bangsa Jahudi, aku re mingangŭn di kraja ku.

ROME 15:16

an bada aku jadi urun Kristus Jesus yŭn daya adi dŭh bangsa Jahudi. Aku kraja keya ka imam nyuse Agah Kana so Tapa, siŭn Roh Kudus bisa bada daya adi dŭh bangsa Jahudi jadi keya ka pinganggen adi tungang dog trima Tapa.

ROME 15:29

Kan aku mandŭg ka angān, aku puan aku re mandŭg ngga berkat Kristus ngga sipuno-i.

ROME 16:18

Amai ngara adi ndai kayuh adi mun anŭ dŭh-i bituan di Kristus Tuhan ta, pak ndai kana yŭn adŭp-i. Ngga bang bang piminyu adi mandis ka ngga pinganang adi nganju katuh daya ngara nipu daya adi dŭh puan ani ani.

ROME 16:25

Ja ata nggen bragah ka Tapa! Ayŭh tungang bada angān mijog tagap darŭm pinyabah ngan, nanyam ka Agah Kana adi aku nyuse pasar Jesus Kristus, ka nanyam ka pinandŭng atur-pinyiraan Tapa adi ko dog sukan bisawa sawa adi mbŭh ripas.

1 CORINTH 1:1

So Paul, adi mbŭh dog bagan nanyam ka pinyiraan Tapa da jadi pinyuruh Kristus Jesus, ka gŭh so dingan ta Sosthenes

1 CORINTH 9:1

Dŭh kah aku ati daya bebas? Dŭh kah aku ati pinyuruh? Gi-bŭn kah aku kiris Jesus adi Tuhan ta? Dŭh kah aku adi ngajar angān da sabah di Tuhan?

2 CORINTH 1:1

So Paul, adi pinyuruh Kristus so ka pinyiraan Tapa, samŭn so dingan ta Timothy. Surat ati dog nuris nuju eklisia Tapa di Corinth, ka sopŭrŭg daya adi Tapa mbŭh mien di ndi tarun tana Achaia:

2 CORINTH 11:5

Aku puan aku dŭh siabo sŭ so ngara adi angān nang “pinyuruh” ngan adi raru kana!

2 CORINTH 11:7

Aku dŭh mite angān bayar kan aku nyuse Agah Kana so Tapa di angān; aku pirapat adŭp ku siŭn angān bisa jadi rabis biguna. Sarah kah aku ndai simŭnŭ?

2 CORINTH 12:11

Angān mbŭh bada aku mun daya budo. Angān inŭh adi patut nyibandar aku. Amai au-tarun bait kani aku ati, aku dŭh kurang kana so bara “pinyuruh” ngan anŭ adi angān nang raru kana.

2 CORINTH 2:12

Kan aku mbŭh ndŭg Troas an nyuse Agah Kana pasar Kristus, aku kiris Tuhan mbŭh kuka aran yŭn ku diginŭ.

2 CORINTH 4:5

Amai dŭh-i kieh nyuse pasar adŭp ami; kieh nyuse Jesus Kristus adi adŭp-I Tuhan, ka adŭp ami ati inŭh urun ngan yŭn Jesus.

GALATIA 1:1

So Paul, adi jadi pinyuruh dŭh so pinyiraan manusia puan kah so pingatur manusia, pak so adŭp Jesus Kristus samŭn so Tapa Sama, adi pakat Ayŭh so kabŭs.

EPHESUS 1:1

So Paul, adi pinyuruh Kristus Jesus so ka pinyiraan Tapa, nuju bara daya adi Tapa mbŭh mien di Ephesus, adi tŭtŭd darŭm pimudip ngara adi ndi ngga Kristus.

EPHESUS 1:13

Ka angān gŭh jadi bara daya adi Tapa mbŭh mien kan angān mbŭh dingah agah pasar ajar adi sawŭ, anŭ inŭh Agah Kana adi taban pinyiramat ka angān. Angān sabah di Kristus, ka Tapa, ngga-I kiren angān mbŭh tung adŭp-I, mbŭh nandā angān ngga Roh Kudus adi-I ko bijanji an nggen.

EPHESUS 4:11

Ayŭh inŭh adi “nggen pinganggen di manusia”; Ayŭh tijuan kada daya da jadi pinyuruh, adi bŭkŭn jadi nabi, adi bŭkŭn jadi pinyuse Agah Kana, adi bŭkŭn jadi pingingat eklisia ka gurū.

DITRONOMI 10:8

Di darŭd anŭ TUHAN tijuan bara dari so tibaran-asar Levi bada dapu tanggong jaga Pati Simanya ka ndai kraja bara imam yŭn-I ka nggen berkat darŭm adŭn-I. Ka anŭ taŭn gibabŭ kraja ngara.

PHILIPPI 1:1

So Paul ngga Timothy, adi urun Kristus Jesus, nuju sopŭrŭg daya adi Tapa mbŭh mien di Philippi adi mbŭh ndi ngga Kristus Jesus, samŭn bara nyamba eklisia ngga bara pinurung:

PHILIPPI 2:11

ka sopŭrŭg re piagah Jesus Kristus Tuhan, yŭn bragah Tapa Sama.

COLOSSAE 1:1

So Paul, adi pinyuruh Kristus Jesus so pinyiraan Tapa, samŭn so dingan ta Timothy,

COLOSSAE 1:25

Ka aku ati mbŭh dog bada Tapa jadi urun eklisia, adi nggen di aku kraja adi patut ku ndai yŭn kana ngan. Kraja anŭ inŭh piagah sopŭrŭg agah Tapa,

1 THESSALONICA 2:2

Angān puan kieh dog pijera ka dog pimangŭh di Philippi diŭ so kieh mandŭg ka yŭn ngan di Thessalonica. Ka sunggu bagŭ daya nyakar, Tapa ta nggen di kieh atin pagan ngga kidaan di angān Agah Kana adi mandŭg so adŭp-I.

1 THESSALONICA 2:8

Sabab pinyirindu ami di angān kieh mbŭh sidia an samah ngga angān dŭh-i Agah Kana so Tapa adŭ pak asŭng adŭp ami ani. Angān adi kieh raru siŭt!

1 THESSALONICA 2:9

Tatu angān ingat, angān adi bara dingan ami, munki kieh bandar nyiraja! Kieh nyiraja sandu singarŭm isa kieh dŭh nyusah angān darŭm kieh nyuse Agah Kana so Tapa di angān.

1 TIMOTHY 1:1

So Paul, adi pinyuruh Kristus Jesus so ka pinyibada Tapa adi Pinyikudip ta ngga Kristus Jesus adi pingarap ta,

1 TIMOTHY 2:7

ka anŭ inŭh sabab aku mbŭh dog pait jadi pinyuruh ka gurū yŭn daya adi dŭh bangsa Jahudi, an piagah di ngara agah pasar pinyabah adi sawŭ. Aku dŭh kadong; aku kidaan kayuh adi sawŭ!

2 TIMOTHY 1:11

Tapa mbŭh tijuan aku jadi pinyuruh ka gurū da piagah Agah Kana anŭ,

TITUS 1:1

So Paul, adi urun Tapa ka pinyuruh Jesus Kristus. Aku mbŭh dog mien ka dog pait da turung nagap pinyabah bara daya adi Tapa mbŭh mien ka nyiruton ngara siŭn ngara natŭng ajar adi sawŭ adi dog ngajar adat ta,

HEBREW 5:4

Mating daya mien yŭn adŭp-i dŭn puan kah pangkat imam bās. Anŭ mbŭh so pinyibagan adŭp Tapa inŭh daya jadi imam bās, nimun Aaron dog bagan Tapa.

HEBREW 7:26

Jesus meh, Imam Bās adi ata biguna. Ayŭh kudus; Ayŭh dŭh biyŭn sarah puan kah dosa; Ayŭh mbŭh dog nyidŭrŭ so bara adi bidosa ka mbŭh dog paad ka yŭn adi rabis bigatung so rangit.

JAMES 1:1

So James, adi urun Tapa ngga Tuhan Jesus Kristus: Tabi ka sopŭrŭg daya adi Tapa mbŭh mien adi papar sasah di ndi ong ong.

1 PETER 4:17

Tipuh-i mbŭh mandŭg yŭn bisara re piguru, ka adŭp daya Tapa inŭh adi re diŭ bisara. Kambŭi-i piguru ngga ata, simuki pinŭbŭn-i re ngga ngara adi dŭh sabah di Agah Kana so Tapa?

2 PETER 1:1

So Simon Peter, urun ka pinyuruh Jesus Kristus, nuju sinadan daya adi mbŭh sabah mun kieh, so pinŭnggŭn Tapa ngga Pinyikudip ta Jesus Kristus.

JUDE 1:1

So Jude, adi urun Jesus Kristus, ka jurud James, nuju ngara adi mbŭh dog bagan Tapa, adi udip darŭm pinyirindu Tapa Sama ka adi dog grindung Jesus Kristus:

PINANDŬNG 1:1

Surat ati inŭh di yŭn kayuh kayuh adi Jesus Kristus pinandŭng dog nuris. Tapa nggen di Ayŭh pinandŭng anŭ ngga kiren di bara urun-I kayuh adi re rikas jadi. Kristus bada urun-I John puan kayuh kayuh anŭ so malaikat-I adi-I pait ka ayŭh,

PINANDŬNG 22:6

Komŭnŭ malaikat anŭ nang di aku, “Pinganang ati sawŭ ka bisa dog sabah. Ka Tuhan Tapa, adi nggen Roh-I di bara nabi, mbŭh pait malaikat-I da kiren di bara urun-I kayuh adi dŭh siŭn dŭh re rikas jadi.”

PINANDŬNG 22:9

Pak ayŭh nang di aku, “Dŭh nŭh simŭnŭ! Aku ati urun mun kuu gŭh. Aku samah ngga bara dingan mu adi bara nabi ka ngga ngara adi tunda pinganang surat ati. Nyambah Tapa nŭh!”