RAGU 8:1 - Hakcipta - Biatah Bidayuh

¹ Munki kambŭi-i kuu jurud ku, ka sindŭ ku nyisuh kuu di sudo-i. Ka kambŭi aku dapŭd kuu di aran passar, aku bisa sium kuu ka mating daya re ngamun aku.

RAGU 8:1 ပူးပေါင်းရင်းမြစ်များ

MAZMUR 2:12

kimŭtŭr ka mutu ubak ngan ka Ayŭh; kambŭi dŭh Ayŭh re rikas baji, ka angān re rasu kabŭs. Sanang inŭh sopŭrŭg adi tudu Ayŭh yŭn pinyigrindung.

MAZMUR 51:17

Sadis ku inŭh atin rapat ku, O Tapa; Kaam dŭh re tirawan atin rapat ngga atin ku adi raan marik pimudip ku pari ka Kaam.

RAGU 1:2

Bibis mu sium aku; Pinyiawang mu kana dŭ so wain.

RAGU 7:13

Kuu dapŭd kadŭk dagŭn uduh-uri, ka sopŭrŭg buwa adi sidi sindŭk tiban ta. Sayang, aku mbŭh nyikŭn yŭn mu buwa adi bauh ngga adi amba.

RAGU 8:2

Aku dapŭd taban kuu ka ramin sindŭ ku, di yŭn mu dapŭd ngajar aku pinyiawang. Aku bisa nggen di kuu wain gaur rapah, ka ju buwa delima.

ISAIAH 60:14

Sesang sesang ngara adi kinanyuh kuu re mandŭg ka sidikang kiren stabi di kuu. Sopŭrŭg adi ko ngamun kuu re nyambah di kaja mu. Ngara re kadŭn kuu ‘Kupo TUHAN’, ‘Zion, Kupo Tapa Israel, Tapa adi Kudus’.

ISAIAH 7:14

Adŭp TUHAN re nggen tandā di kuu: ndi naan dayung adi mara adi bite re biranak ndi anak dari ka re kadŭn ayŭh ‘Immanuel.’

ISAIAH 9:6

Anak-sŭ dog biranak yŭn ta! Anak dari dog nggen di ata! Ka Ayŭh re jadi pimritah ta. Ayŭh re dog kadŭn, “Tukang-pitayan adi Kana”, “Tapa adi Bikuasa”, “Sama adi tan adu adu”, “Raja Damai”.

HAGGAI 2:7

Aku re pitumbang sopŭrŭg bangsa, ka ratā ngara re dog taban kamati, ka Ramin Ku re puno ngga pinyikaya.

ZECHARIAH 9:9

Gaŭn, gaŭn, daya Zion! Nyirais amai gaŭn, angān daya Jerusalem! Tingga, raja ngan mandŭg! Ayŭh mandŭg ngga bragah ka pimanang, pak pirapat adŭp-i nunggang kaldi ngga anak kaldi.

MALACHI 3:1

TUHAN Bisa-pŭrŭg nam, “Aku re pait pinyisung Ku bada sidia aran yŭn Ku. Komŭnŭ TUHAN adi angān jiroh re gŭgŭh mandŭg ka Ramin-I. Pinyisung adi angān kajŭn re mandŭg ka piagah simanya Ku.”

LUKE 10:16

Jesus nang di bara murid-I, “Daya adi dingah pinganang ngan dingah pinganang Ku; daya adi tirawan angān tirawan Aku; daya adi tirawan Aku tirawan Ayŭh adi bada Aku mandŭg.”

LUKE 12:8

“Ingat nŭh, asi asi adi ngaku adŭp-i murid Ku di sirung jawin daya bagŭ, Anak Manusia gŭh re ngaku ayŭh di sirung jawin bara malaikat Tapa.

LUKE 18:9

Jesus nyidundan upama ati gŭh di ngara adi pikir adŭp-i kana ka ngamun daya bŭkŭn.

LUKE 2:38

Di jam anŭ ayŭh mandŭg ka nggen trima kaseh di Tapa, ka minyu pasar Anak anŭ di sopŭrŭg ngara adi kajŭn Tapa pirupas Jerusalem.

LUKE 9:26

Kambŭi angān mangŭh ngarun Aku samŭn ajar Ku, Anak Manusia re mangŭh gŭh ngarun angān kan Ayŭh mandŭg darŭm bragah-I adi bragah Sama ngga bara malaikat kudus.

JOHN 1:14

Pinganang jadi manusia ka, puno ngga pinyirasi-mandis ngga pinyawŭ, mbŭh rŭŭ di ruang ta. Ata mbŭh kiris bragah-I; bragah adi-I kambat jadi Anak tambŭ Sama-I.

JOHN 13:3

Jesus puan Sama mbŭh nggen di adŭp-I sukup kuasa; Ayŭh puan adŭp-I mandŭg so Tapa ka mbŭh re pari ka Tapa.

JOHN 16:28

Aku sawŭ mandŭg so Sama, ka Aku mbŭh mandŭg ka ong; ka madin Aku re bu so ong di ka Sama.”

JOHN 3:13

Mating daya ko maad ka shorga, adŭ-i Anak Manusia, adi mandŭg so shorga.”

JOHN 8:42

Jesus nang di ngara, “Kambŭi Tapa sawŭ Sama ngan, angān rindu Aku, sabab Aku mandŭg so Tapa ka madin mbŭh agi digiti. Aku dŭh mandŭg ngga pinyiraan adŭp Ku, pak Ayŭh inŭh adi pait Aku.

1 CORINTH 1:28

Ayŭh mbŭh mien kayuh adi ong dŭh biguna ka ngamun ka adi au-tarun ngga pirabur kayuh adi ong nang biguna.

GALATIA 4:26

Pak Jerusalem adi di shorga dŭh urun, ayŭh inŭh sindŭ ta.

GALATIA 6:14

Ka aku ati, kaŭs aku an mingangŭn pasar rigang Tuhan ta Jesus Kristus; amai ngga pinyikabŭs Kristus di atuh rigang, ong ati mbŭh dŭh biyŭn rati di aku, ka aku gŭh mbŭh keya ka kabŭs di kayuh ong.

PHILIPPI 3:3

Dŭh-i ngara pak ata, adi mbŭh kambat sunat adi sawŭ, amai ngga pinurung Roh-I ata nyambah Tapa ka gaŭn darŭm ata udip ndi ngga Kristus Jesus. Ata dŭh bisangan di adat pŭrŭng.

1 TIMOTHY 3:16

Mating daya tungang miman munki masam bās-i rusia adat ta: Ayŭh mandŭg darŭm gayŭn manusia, mbŭh Roh Kudus kiren nang pimunos asŭng Tapa, ka dog kiris bara malaikat. Ayŭh dog nyuse di barang bangsa, ka ndi ong ong mbŭh sabah di Ayŭh, ka Ayŭh mbŭh dog pakat ka shorga.