RAGU 3:3 - Hakcipta - Biatah Bidayuh

³ Ngara adi tukang jaga darŭm-i panu di kupo kiris aku. Aku siken ngara, “Agi angān kiris ayŭh adi aku awang?”

RAGU 3:3 ပူးပေါင်းရင်းမြစ်များ

RAGU 1:7

Kidaan di aku, kuu adi aku awang, kamaki kuu re taban kaban dāng mu di man kupai? Diki dudu dāng mu re rŭŭ so sura batŭh andu yun kumbeng? Re ngga mani aku jiroh kuu di dupan kaban biri pingingat-biri adi bŭkŭn?

RAGU 5:7

Bara adi tukang jaga kupo bidapŭd ngga aku; ngara mukong aku ka bada aku tawan; ngara adi tukang jaga di sindung kupo sirapas jipo ku.

ISAIAH 56:10

Ayŭh nang, “Sopŭrŭg pinguru, adi patut bakan daya Ku, mbŭh karak! Ngara dŭh puan ani ani. Ngara keya ka kasong adi dog bada jaga pak dŭh an ngakang; adŭ-i bŭŭs ka nyipŭmŭh.

ISAIAH 62:6

Di tunduh sindung mu, Jerusalem, aku mbŭh na daya adi tukang jaga; ngara dŭh siŭn pajam sandu ngga singarŭm. Ngara dŭh siŭn dŭh bada TUHAN ingat janji-I ka dŭh tandah Ayŭh kambŭt-i.

EZEKIEL 3:17

“Manusia,” Ayŭh nang, “Aku bada kuu jadi tukang jaga bangsa Israel. Kuu re nggen di ngara pinyibakan adi Aku nggen di kuu.

JOHN 20:15

“Dayung, mani kuu sien?” Jesus siken ayŭh. “Asi jiroh mu?” Pikir Ayŭh tukang-teya, ayŭh nang di Ayŭh, “Kambŭi kaam inŭh adi tambit Ayŭh, bai, kidaan di aku diki kaam na Ayŭh, isa aku di tambit Ayŭh.”

HEBREW 13:17

Tŭtŭd ngga bara pinguru ngan ka nurut pritah ngara. Ngara dŭh masah jaga simangi ngan, amai ngara mbŭh dapu tanggong kraja ngara di sirung jawin Tapa. Kambŭi angān tŭtŭd ngga ngara, ngara re ndai kraja ngara ngga atin gaŭn; kambŭi dŭh, ngara re ndai-i ngga atin susah, ka-i dŭh re jadi utung di angān.