RAGU 1:3 - Hakcipta - Biatah Bidayuh

³ Dagŭn mu buuh ramak; dŭn mu mbŭh keya ka wangi adi dog susen. Mating katŭn dayung re dŭh awang kuu.

RAGU 1:3 ပူးပေါင်းရင်းမြစ်များ

MAZMUR 133:2

Anŭ inŭh keya ka inyo adi brega, adi dog ren di tunduh ubak Aaron, aman ka gagap ngga tungo jipo ambu-i.

MAZMUR 45:14

Ngga gaon-i adi bagŭ masam kala-i ayŭh dog taban ka yŭn raja, dog tunda bara dingan-i adi dayung, ka ngara gŭh dog taban ka yŭn raja.

PINYIRUAH 33:12

Moses kidaan di TUHAN, “Taŭn Kaam mbŭh kidaan di aku da nguru bara daya ati ka tarun tana anŭ. Pak Kaam dŭh kidaan asi re Mai pait ayō aku. Kaam mbŭh nang Kaam puan aku ka asŭng Mai munos di aku.

PINYIRUAH 33:19

TUHAN nam, “Aku re bada jawa bragah Ku murah di sirung jawin mu ka di sirung jawin mu Aku re kidaan adŭn kudus Ku. Aku adi TUHAN, ka Aku kiren pinyirindu ngga pinyirasi Ku di daya adi Aku mbŭh mien.

PITAS 27:9

Wangi ngga inyo adi buuh ramak bada yang mu sanang, pak pito nyusah pikir mu.

EKLISIASTIS 7:1

Dŭn kana inŭh kana dŭ so wangi adi brega; ka andu mu kabŭs inŭh kana dŭ so andu mu dog biranak.

RAGU 3:6

Ani anŭ adi mandŭg so tarun tana-pajam mun jambung asuh, buuh kimanyan ngga myrrh, kimanyan adi dog jua daya dagang?

RAGU 4:10

Pinyiawang mu bada atin ku gaŭn, kuu pingaten dayung ku adi aku siŭt. Pinyiawang mu kana dŭ so wain; wangi mu buuh ramak dŭ so tadŭ tadŭ rapah.

RAGU 5:13

Paŭp-i ramus mun teya adi puno ngga rapah ka wangi. Bibis-i keya ka bunga lili, bisa ngga piin myrrh.

RAGU 5:5

Aku makat an bada ayŭh mŭrŭt. Tangan ku muko dog susen inyo myrrh dieh, trinju ku bisa bada piin myrrh, darŭm aku tama abŭt tiban.

RAGU 6:8

Bada raja biyŭn nŭm puru rani, mai dayung nyikŭn, ka dayung mara adi rabis so tungang dog mirang!

ISAIAH 61:3

bada nggen di ngara adi ngurid di Zion pinyigaŭn ngga pawŭn, ka dŭh pinyusah, ragu puji, ka dŭh ragu pinyusah. Ngara re keya ka tŭngŭn tŭngŭn kayuh adi adŭp TUHAN mbŭh purun. Sopŭrŭg ngara re ndai kayuh adi batur, ka Tapa re dog muji amai kayuh adi Ayŭh mbŭh ndai.

MATTHEW 25:1

“Di tipuh anŭ, kan Anak Manusia mandŭg darŭm kuasa-I, kayuh agi keya ka di upama ati: Agi ndi sidah, simŭng naan dayung bujang taban prita ngga ruah re di kambat pingaten dari.

JOHN 12:3

Mary mbit sitangah lita inyo wangi adi mbar rega-i adi dog ndai so ndi masam kayuh adi buuh ramak dagŭn-i, ka susen-i di kaja Jesus. Ayŭh ngutos kaja Jesus ngga ubok-i. Ka ramin mbŭh puno ngga dagŭn wangi anŭ.

2 CORINTH 11:2

Aku mbit bat di angān nimun Tapa mbit bat di angān; angān agi keya ka dayung tibŭn adi aku mbŭh nunang ngga ndi naan daya adŭ, adŭp Kristus.

PHILIPPI 4:18

Aku ngaku agi trima sopŭrŭg kayuh adi angān nggen, adi mbŭh rabis so sadang! Aku mbŭh trima sopŭrŭg pinganggen ngan so tangan Epaphroditus, ka madin aku mbŭh biyŭn sopŭrŭg-i adi aku biguna. Pinganggen ngan anŭ mbŭh keya ka pinganggen adi buuh ramak adi dog jugan ka Tapa, sadis adi tibirang buang pimunos asŭng-I.

PINANDŬNG 14:4

Ngara inŭh bara dari adi bŭn kinais adŭp ngara ngga dayung; ngara daya tibŭn. Ngara tunda Anak Biri ka barang yŭn-i panu. Ngara mbŭh dog nubos so rayat manusia adi bŭkŭn ka mbŭh adi sibungas dog jugan ka Tapa ngga Anak Biri.