PUĀS 2:9 - Hakcipta - Biatah Bidayuh

⁹ Tiban tiban rubuh, parang parang-i mbŭh asur. Madin raja ngga bara daya adi bās mbŭh dog taran ka rais tami. Ukum-adat mbŭh dŭh tia dog ngajar, ka bara nabi mbŭh dŭh tia kiris keya ka darŭm pŭmŭh kayuh so TUHAN.

PUĀS 2:9 ပူးပေါင်းရင်းမြစ်များ

2 RAJA 25:7

Di sirung jawin adŭp Zedekiah, anak anak dari-i dog siŭ. Komŭnŭ Nebuchadnezzar bada ruwang batŭh Zedekiah dog kadi, muak ayŭh ngga parik basi, ka taban ayŭh ka Babylon.

2 KRONIKEL 15:3

Mbŭh raru tui daya Israel udip dŭh biyŭn Tapa adi sawŭ, dŭh biyŭn imam adi ngajar ngara, ka dŭh biyŭn ukum-adat.

NEHEMIAH 1:3

Ngara kidaan di aku nang ngara adi gibabŭ udip ka adi mbŭh mari ka rais adŭp mbŭh udip jera ka daya bangsa bŭkŭn adi rŭŭ dŭh jo so ngara arap ngga ngara. Ngara gŭh kidaan di aku nang sindung sindung Jerusalem babŭ rusak ka tiban tiban-bās gibayuh pari dog ndai so andu-i dog sigot.

MAZMUR 74:9

Sopŭrŭg tandā pinatŭng adi kudus yŭn ami mbŭh mating; nabi mbŭh mating tia, ka mating daya puan ndŭg sinde kayuh ati simuti.

ISAIAH 24:12

Kupo mbŭh rusag, ka tiban tiban-bās kupo mbŭh rubuh.

JEREMIAH 14:14

Pak TUHAN nam, “Bara nabi pakai adŭn Ku ngga kadong daya; Aku mating pait ngara, mating gŭh Aku pesan bait minyu ngga ngara. Ngara minyu pasar kayuh adi ngara kiris keya ka darŭm pŭmŭh, pak anŭ dŭh so Aku. Kayuh adi ngara ninjau inŭh kayuh adi dŭh biguna, kayuh adi adŭp ngara nimbur.

JEREMIAH 23:16

TUHAN Bisa-pŭrŭg nang di daya di Jerusalem, “Dŭhnyah dingah pinganang bara nabi anŭ; ngara anŭ nggen di angān pingarap adi dŭh sawŭ. Ngara kidaan di angān kayuh adi adŭp ngara nimbur, ka dŭh pinganang so Aku.

JEREMIAH 39:2

Di andu adi prii darŭm buran adi pat darŭm sawa adi simŭng ndi Zedekiah jadi raja, pinganyu dapŭd miratos sindung kuta kupo.

JEREMIAH 39:8

Atan anŭ, bara soldadu Babylonia badang istana raja, ramin ramin daya ka nyirubuh sindung Jerusalem.

JEREMIAH 51:30

Bara soldadu daya Babylonia mbŭh dŭh tia biperang ka rŭŭ darŭm kuta ngara. Ngara mbŭh dŭh tia pagan ka mbŭh mun dayung. Tiban-bās kupo mbŭh rubuh, ka ramin ramin mbŭh dog man apui.

JEREMIAH 52:14

ka bara soldadu-i nyirubuh sindung sindung kupo.

PUĀS 1:3

Daya Judah mbŭh jadi urun adi dŭh bigaya, dog pibu so ramin arŭn ngara. Ngara rŭŭ di rais bŭkŭn, ngga mating tarun adi bisa dog kadŭn tung adŭp ngara. Ngara rŭŭ di dupan bara pinganyu, ngga mating aran re bu.

PUĀS 4:15

“Bu so ti!” daya nyirais nang. “Angān sembar! Dŭhnyah tama aku!” Jadi ngara bigandon so rais ndi di ka rais andi, dŭh dog trima daya.

PUĀS 4:20

Ngara nakap daya adi atak pimudip ami, raja adi dog mien TUHAN, daya adi kieh sabah bada grindung kieh so pinyerang.

EZEKIEL 12:13

Pak Aku re tŭŭn jaring Ku ka nakap ayŭh. Komŭnŭ Aku re taban ayŭh ka kupo Babylon, di yŭn ayŭh re kabŭs buang dŭh kiris kupo anŭ.

EZEKIEL 17:20

Aku re tŭŭn jaring adi dog pakai ngga ngasū ngga nakap ayŭh. Aku re taban ayŭh ka Babylonia ka ngukum ayŭh diginŭ, sabab ayŭh dŭh tŭtŭd di Aku.

EZEKIEL 7:26

Pinyirusag re bitunda nyatŭk angān, ka agah arap re adu adu mandŭg. Angān re bada nabi nabi pinandŭng kayuh adi ngara diŭ kiris. Imam imam re dŭh biyŭn kayuh re-i ngajar di bara daya, ka bara nyamba re dŭh biyŭn pinganang pitayan re-i nggen.

HOSEA 11:6

Perang re nyarab kupo kupo ngara ka nyirubuh tiban tiban-bās kupo. Ngara re rabur sabab ngara ndai kayuh nanyam ka pinyiraan adŭp ngara.

HOSEA 3:4

Ka simŭnŭ inŭh daya Israel re tui dŭh biyŭn raja puan kah pinguru, dŭh jugan sadis, dŭh biyŭn uros uros pirapu', ka dŭh biyŭn gayŭn re-i ngga nanung.

AMOS 1:5

Aku re nyirubuh tiban-bās kupo Damascus ka pibu bara daya adi rŭŭ di Rubān Aven ngga pimritah Betheden. Daya Syria re dog taban ngga bu jadi daya-takap ka tarun tana Kir.”

DITRONOMI 28:36

“TUHAN re taban angān ngga raja ngan ngga bu ka tarun tana tami, adi taŭn gi-bŭn angān ngga tayung-babuk ngan yŭn rŭŭ dawŭ-i; diginŭ angān re bituan di tapa tapa adi dog ndai so kayuh ngga batuh.

DITRONOMI 28:63

Nimun ka TUHAN ngga sanang asŭng-I bada angān mujur, ka bada gŭh angān papah bagŭ, simŭnŭ gŭh Ayŭh re ngga sanang asŭng-I pirabur angān ndŭg ka rŭpŭg. Angān re dog dimbut so tarun tana adi angān re ngisi.

1 SAMUEL 28:6

ka ayŭh rasu siken TUHAN ani re-i ndai. Pak TUHAN taŭn dŭh adŭ nam ayŭh, bait-i pakai pŭmŭh, puan kah pakai Urim ngga Thummim, puan kah so baba nabi.