PUĀS 2:3 - Hakcipta - Biatah Bidayuh

³ Darŭm baji-I Ayŭh pirandŭk pinyibake Israel; Ayŭh abah turung ata kan pinganyu mandŭg. Ayŭh magā di ata mun apui pirabur sopŭrŭg kayuh.

PUĀS 2:3 ပူးပေါင်းရင်းမြစ်များ

2 KRONIKEL 34:25

Ngara mbŭh tirawan Aku ka mbŭh jugan sadis ka tapa tapa bŭkŭn, ka mbŭh kinuas Aku ngga sopŭrŭg pingandai ngara. Jerusalem mbŭh kinuas Aku ka baji Ku dŭh re pura.

JOB 16:15

Aku sien ka nēn piraka adi dog ndai so banang guni, ka aku guru digiti di tana, arah.

MAZMUR 132:17

Di Zion aku re bada ndi so sesang David jadi raja adi bās; di Zion aku re bada tan pinyipritah raja adi Aku muko mien.

MAZMUR 74:11

Mani Kaam abah turung kieh? Mani Kaam na tangan Mai di punok Mai?

MAZMUR 75:10

Ayŭh re bada asur kuasa daya ginaka, pak kuasa daya tŭnggŭn re dog nambah.

MAZMUR 75:5

Aku kidaan di ngara bada dŭh tia gambung.”

MAZMUR 79:5

TUHAN, re adu adu kah Kaam baji ngga kieh? Re adu adu mun apui kah baji Mai?

MAZMUR 89:24

Aku re rindu ayŭh ka nundok di ayŭh; Aku re bada ayŭh siraru manang darŭm biperang.

MAZMUR 89:46

TUHAN, re Kaam sukan kah adŭp Mai ndŭg situi tui? Ndŭg sinde baji Mai bijagu mun apui?

ISAIAH 1:31

Mun siriyang sau bada sirah bŭtŭp apui, simŭnŭ gŭh daya bikuasa re rabur bada pingandai arap adŭp ngara, ka mating daya re dapŭd pirŭŭ pinyirusag anŭ.

ISAIAH 42:25

Jadi Ayŭh baji ka ngukum ata ka bada ata sangsara bada perang. Mun apui baji-I badang Israel, pak ata bŭn puan kayuh adi mbŭh jadi; ata dŭh birajar ani ani so dieh.

JEREMIAH 21:14

Pak Aku re ngukum kuu amai kayuh adi kuu mbŭh ndai. Aku re badang istana mu, ka apui anŭ re bada rŭpŭg sopŭrŭg kayuh adi maning-i. Aku, adi TUHAN, mbŭh minyu.”

JEREMIAH 4:4

Sita simanya adi angān ndai ngga Aku adi TUHAN ngan, ka nitah adŭp ngan ka Aku, angān daya Judah ngga daya Jerusalem. Kambŭi dŭh, baji Ku re bijagu mun apui adi dŭh tungang dog mura, sabab pingandai arap ngan.”

JEREMIAH 48:25

Pinyibake Moab mbŭh dog nyirubuh; kuasa-i mbŭh dog pirabur. Aku, adi TUHAN, mbŭh minyu.”

JEREMIAH 7:20

Ngapŭi Aku, adi TUHAN Raja, re bada bisā baji Ku nyatŭk Ramin TUHAN ati. Aku re bada-i nyatŭk manusia ngga dāng dāng, samŭn tŭngŭn tŭngŭn kayuh ngga pimuruh. Baji Ku re mun apui adi dŭh daya tungang mura.

PUĀS 1:13

“Ayŭh pait apui so sambu, apui adi bijagu darŭm aku. Ayŭh tŭŭn jarat ngga nakap aku ka pirabu aku ka tana. Komŭnŭ Ayŭh tandah aku sangsara ndi andu andu.

PUĀS 4:11

TUHAN mbŭh raru baji; Ayŭh sigot kupo Zion ndŭg ka rŭpŭg.

EZEKIEL 13:13

Ati inŭh kayuh adi TUHAN Raja nang: “Darŭm baji Ku Aku re pait sabak adi daras, ujen adi bangat, ka ujen batuh bada pirusak sindung anŭ.

EZEKIEL 7:14

Trompet jawŭn, ka barang naan mbŭh sidia. Pak mating daya matak di biperang, amai baji Tapa re nyatŭk barang naan daya

NAHUM 1:6

Kan Ayŭh baji, asi tan? Asi dapŭd rupas so bisā baji-I? Ayŭh piruah baji-I keya ka apui adi bijagu; batuh ruruh kan situra ngga Ayŭh.

MALACHI 4:1

TUHAN Bisa-pŭrŭg nang, “Andu re mandŭg adi ngga sopŭrŭg daya adi sambuh ngga adi arap re dog badang keya ka siriyang dog badang. Di andu anŭ ngara re abo dog badang, ndŭg ka mating ani ani dŭm so ngara.

LUKE 1:69

Ayŭh mbŭh nggen di ata Pinyikudip adi bikuasa, adi sesang urun-I David.

LUKE 3:17

Ayŭh biyŭn tapan di tangan-I. Ayŭh re nguruk gandom adi bisig darŭm panggau; pak aping, Ayŭh re badang di apui adi dŭh bisa pura.”

DITRONOMI 32:22

Baji Ku re bijagu mun apui, ka sigot barang masam kayuh di tunduh tana. Baji Ku re ndŭg ong di sagān ka nyau uat dudu darŭd.