PUĀS 2:2 - Hakcipta - Biatah Bidayuh

² TUHAN pirabur sopŭrŭg kupo di Judah ngga dŭh kira masi. Ayŭh nyirubuh kuta kuta adi ngibān rais. Ayŭh pimangŭh pritah ngga bara pinguasa-i.

PUĀS 2:2 ပူးပေါင်းရင်းမြစ်များ

JOB 2:3

“Agi kuu kiris urun Ku Job?” TUHAN siken. “Mating daya di ong re tŭtŭd buang kana mun ayŭh. Ayŭh nyambah Aku ka mbŭh nakit ngga adŭp-i dŭh re ndai kayuh arap. Kuu ngasu Aku bada nyibandar kuu nyerang ayŭh ngga dŭh biyŭn pada, pak Job taŭn-i babŭ tŭtŭd.”

MAZMUR 21:9

Mun apui bijagu Ayŭh re pirabur ngara kan Ayŭh tatŭng. TUHAN re man ngara ngga baji-I, ka apui re man ngara.

MAZMUR 74:7

Ngara badang Ramin Mai ndŭg ka rŭpŭg; ngara nyembar tarun yŭn Kaam dog nyambah.

ISAIAH 22:5

Ati inŭh tika daya kandang-kandŭ taru, arah, ka riruk di Rubān Pinandŭng, ka TUHAN Raja Bisa-pŭrŭg inŭh adi bada pinyusah anŭ nyatŭk ata. Sindung kupo ta mbŭh rubuh, ka sandah sandah mbŭh puno bada sirais sien daya mite turung.

ISAIAH 23:9

TUHAN Bisa-pŭrŭg inŭh adi ngatur-i simŭnŭ. Ayŭh ngatur-i simŭnŭ ngga pirŭŭ atin ngara adi mingangŭn di kayuh adi ngara mbŭh ndai ka ngga pimangŭh ngara adi dog stabi.

ISAIAH 25:12

Ayŭh re pirabur kuta Moab ngga sindung sindung-i adi bigatung ka pirubuh-i bada asur jadi dabu.

ISAIAH 26:5

Ayŭh mbŭh pirapat ngara adi sambuh; Ayŭh nyirubuh kupo adi tagap adi yŭn ngara rŭŭ, ka bada sindung-i asur jadi dabu.

ISAIAH 27:11

Daan daan tŭngŭn kayuh mbŭh rayu ka pata, ka bara dayung sun-i ndu uwang. Sabab daya dŭh mirati ani ani, Tapa adi Pinapa ngara dŭh re masi bait apun ngara.

ISAIAH 43:28

ka pimritah ngan nyembar yŭn pinyirŭŭ Ku. Jadi Aku bada pinyirusag nyatŭk Israel; Aku tandah daya Ku dog pimangŭh.”

ISAIAH 47:6

Aku baji di daya Ku; Aku ndai di ngara keya ka ngara mbŭh dŭh tia daya Ku: Aku na ngara darŭm kuasa mu, ka kuu dŭh kiren masi di ngara; ndŭg ka adi minyamba kuu kasar ngga.

JEREMIAH 13:14

Komŭnŭ Aku re mapar ngara mun tipayan papar amai tipaka dupan adŭp-i, adi minyamba ngga adi mara. Aku re pirabur ngara ngga dŭh kira masi bait kira apun.”

JEREMIAH 19:15

nang TUHAN Bisa-pŭrŭg, adi Tapa Israel, mbŭh nang, “Aku re taban ka kupo ati ka di barang kupo adi sindŭk-i sopŭrŭg ukum adi Aku muko nang, sabab angān baking ka abah dingah pinganang Ku.”

JEREMIAH 21:7

Pak kuu, bara pinurung mu, ka ngara adi gibabŭ udip ripas perang, apag, ka andam — sopŭrŭg re Ku bada dog nakap Raja Nebuchadnezzar ngga bara pinganyu mu, adi raan siŭ kuu. Nebuchadnezzar re siŭ kuu. Ayŭh dŭh re tandah tadŭ tadŭ so angān udip bait masi di tadŭ tadŭ ngan. Aku, adi TUHAN, mbŭh minyu.”

JEREMIAH 5:10

Aku re pait pinganyu bada pirusak teya anggor daya Ku, pak dŭh batur batur pirusak-i. Aku re bada ngara kadi daan daan-i, sabab daan daan anŭ dŭh jaku.

PUĀS 2:17

TUHAN mbŭh ndai kayuh adi Ayŭh nang adŭp-I raan ndai: Ayŭh mbŭh pirabur ata ngga dŭh kira masi, nanyam adi mbŭh-I bakan dawŭ-i. Ayŭh nggen pimanang di pinganyu ta, nggen di ngara pinyigaŭn di pinyirabu ta.

PUĀS 2:21

Adi mara ngga adi minyamba kabŭs di aran, dari ngga dayung adi mara, dog siŭ pinganyu ngga pedang. Kaam siŭ ngara ngga dŭh kira masi kan Kaam baji.

PUĀS 2:5

Mun pinganyu, TUHAN pirabur Israel; Ayŭh mbŭh tandah kuta kuta ngga istana-i rubuh. Ayŭh mbŭh bada daya Judah adu adu susah.

PUĀS 3:43

“Kaam tadak kieh ka siŭ kieh; masi Mai dog sukan baji Mai,

EZEKIEL 5:11

“Aku ati inŭh Tapa adi udip — ati inŭh pinganang TUHAN Raja — sabab kuu nyembar Ramin Ku ngga barang masam pingandai arap ngga adi sipŭ, Aku re kapŭg kuu ngga dŭh kira masi.

EZEKIEL 7:4

Aku dŭh re pirupas kuu bait masi di kuu. Aku re ngukum kuu amai pingandai sipŭ adi mbŭh mu ndai, isa kuu puan Aku ati TUHAN.”

EZEKIEL 7:9

Aku dŭh re pirupas angān bait masi di angān. Aku re ngukum angān amai pingandai sipŭ adi mbŭh ngan ndai, isa angān puan Aku ati TUHAN, ka Aku ati adi ngukum angān.”

EZEKIEL 8:18

Ngara re kinyam bisā baji Ku. Aku dŭh re tandah bait masi di ngara. Ngara re nyirais ngga situngang ngara nang dua ka Aku, pak Aku dŭh re dingah ngara.”

EZEKIEL 9:10

Pak Aku dŭh re masi di ngara; Aku re ndai di ngara kayuh adi ngara ndai di daya bŭkŭn.”

MICAH 5:14

Aku re pitumbang gayŭn gayŭn tapa Asherah di tarun tana adŭp ngan ka pirabur kupo kupo ngan.

MALACHI 1:4

Kambŭi sesang sesang Esau, adi bara daya Edom, nang, “Kupo kupo ami mbŭh dog pirabur, pak kieh re pari pijog-i,” ka TUHAN re nam, “Tandah ngara pari pijog-i, ka Aku re pirabur-i dinge. Daya re kadŭn-i ‘Rais adi pirumot’ ka ‘Bangsa adi yŭn TUHAN adu adu baji.’ ”

MATTHEW 18:33

Kuu patut biyŭn atin masi di dingan mu adi samah daya-gaji, nimun aku ko masi di kuu.’

2 CORINTH 10:4

Sinyata adi kieh pakai ngga birawan dŭh-i sinyata ong pak sinyata adi bikuasa so Tapa, adi kieh bisa pakai ngga nyirubuh kuta. Kieh pirarap karit adi dŭh sawŭ;

DITRONOMI 28:52

Ngara re nyerang barang kupo adi agi di tarun tana adi TUHAN adi Tapa ngan nggen di angān, ka sindung sindung kuta adi bigatung adi angān harap dŭh re rubuh, re rubuh.

DITRONOMI 32:22

Baji Ku re bijagu mun apui, ka sigot barang masam kayuh di tunduh tana. Baji Ku re ndŭg ong di sagān ka nyau uat dudu darŭd.