PUĀS 1:9 - Hakcipta - Biatah Bidayuh

⁹ Pinyikais-i tungang dog kiris, pak ayŭh dŭh mbit piduri. Pinyirabu-i re bisā; mating daya re dapŭd nyaduh ayŭh. Pinganyu-i mbŭh manang, ka ayŭh sien mite masi so TUHAN.

PUĀS 1:9 ပူးပေါင်းရင်းမြစ်များ

2 SAMUEL 16:12

Kadŭ TUHAN re kiris pinyusah ku ka nggen di aku berkat ngga gati pangu-i.”

2 RAJA 14:26

TUHAN kiris sangsara daya Israel mbŭh raru sipŭ; ka taŭn mating adŭ daya turung ngara.

NEHEMIAH 9:32

“O Tapa, adi Tapa ami, munki masam bās inŭh Kaam! Kaam inŭh adi dog taru buang bikuasa! Kaam tŭtŭd ingat janji simanya Mai. So jaman raja raja-empaya Assyria kinanyuh kieh, ndŭg madin, munki masam sangsara kieh! Raja raja ami, pinguru pinguru ami, bara imam ami, ka bara nabi ami, bara tayung-babuk ami, ka sopŭrŭg daya ami mbŭh sangsara. Ingat munki masam kieh mbŭh sangsara!

MAZMUR 119:153

Tingga sangsara ku, ka nyiramat aku, sabab aku gi-mating nyibireu ukum-adat Mai.

MAZMUR 140:8

TUHAN, dŭhnyah nggen di daya adi ginaka kayuh adi ngara raan; dŭhnyah bada pekat ngara mujur.

MAZMUR 25:18

Nimbang pinyusah ngga sangsara ku ka apun sopŭrŭg dosa ku.

MAZMUR 69:21

Kan aku sibŭrŭk, ngara nggen di aku rasun; kan aku badŭh asŭng, ngara nggen di aku suka'.

PINYIRUAH 3:17

Aku mbŭh natu adŭp Ku re taban ngara ngga bu so Egypt di yŭn ngara dog kinanyuh; Aku re taban ngara ka tarun tana adi kaya ka damŭn, anŭ inŭh tarun tana daya Canaan, daya Hitti, daya Amor, daya Periz, daya Hivi ngga daya Jebus.

PINYIRUAH 3:7

Jadi TUHAN nang, “Aku mbŭh kiris daya Ku dog pijera di Egypt. Aku mbŭh dingah sidaing ngara bagan mite pinyirupas so tangan bara pinguasa urun adi nguasa ngara. Aku puan sopŭrŭg pinyusah ngara.

PINYIRUAH 4:31

Ngara sabah, ka kan ngara dingah nang TUHAN mbŭh mandŭg ka ngara ka mbŭh kiris munki masam ngara dog pijera, ngara mutu ubak ngara ka nyambah.

EKLISIASTIS 4:1

Komŭnŭ aku tingga dinge ka kiris sopŭrŭg daya dog kinanyuh di barang yŭn di ong. Daya adi dog kinanyuh sien, ka mating daya turung ngara. Mating daya an turung ngara, sabab bara adi kinanyuh ngara inŭh daya adi bikuasa.

ISAIAH 3:8

Sawŭ, Jerusalem mbŭh rabu! Judah mbŭh rubuh! Sopŭrŭg kayuh adi ngara ndai bait nang mbŭh rawan TUHAN; ngga dŭh biyŭn atin taru ngara ngamun Tapa.

ISAIAH 37:17

Madin TUHAN, dingah kieh ka tingga kayuh adi mbŭh jadi di kieh. Dingah sopŭrŭg kayuh adi Sennacherib nang ngga pimangŭh Kaam, Tapa adi udip.

ISAIAH 37:23

Asi sŭn mu nang adi kuu ngamun ka napat? Kuu mbŭh dŭh biradat di Aku, adi Tapa kudus Israel.

ISAIAH 37:29

Aku mbŭh dingah pasar baji mu anŭ samŭn uap-sambuh mu, ka madin Aku re na sikait di undung mu ka basi-gŭngŭm di baba mu ka re tarik kuu pari kadŭg aran adi so kuu mandŭg.”

ISAIAH 37:4

Raja-empaya Assyria mbŭh pait pingubak soldadu-i adi siabo bās pangkat-i bada ngamun Tapa adi udip. Isa-i TUHAN adi Tapa mai dingah pinganang ngamun anŭ ka ngukum ngara adi nang-i. Jadi bidua ka Tapa yŭn daya ta adi gibabŭ udip.”

ISAIAH 40:2

Ngatat daya Jerusalem. Kidaan di ngara nang mbŭh tui ngara sukup sangsara ka dosa ngara mbŭh dog apun madin. Aku mbŭh ngukum ngara ngga sipuno-i amai sopŭrŭg dosa ngara.”

ISAIAH 47:7

Kuu pikir kuu re adu adu jadi rani, ka dŭh suba mirati, bait bipikir munki pinŭbŭn kayuh.

ISAIAH 51:19

Pinyirusag adi duwŭh rupet mbŭh nyatŭk kuu: tarun tana mu mbŭh rusag bada perang, ka daya mu mbŭh sikirau. Mating daya masi di kuu.

ISAIAH 54:11

TUHAN nang, “O Jerusalem, kuu kupo adi sangsara ka adi dŭh dapŭd ndai ani ani, ka mating daya nyaduh kuu, Aku re pari pijog pimŭnŭs mu ngga batuh adi brega.

JEREMIAH 13:27

Ayŭh mbŭh kiris kuu ndai kayuh adi-I tiru. Ayŭh mbŭh kiris kuu tadak tapa tapa adat karŭm di sandah ka di ŭmŭh, mun ndi naan daya ripong di sawŭn rasū-i bait mun dari kuda adi mingaras tadak dayung kuda. Daya di Jerusalem, mŭmbŭh inŭh angān! Sinde meh angān re jadi bisig?

JEREMIAH 16:7

Mating daya re man bait nok ngga nyaduh daya adi dog nyatŭk susah pinyikabŭs. Mating daya adi re tukang kiren masi, bait-i yŭn daya adi kabŭs sama-i puan kah adi kabŭs sindŭ-i.

JEREMIAH 2:34

Piraka mu bitameg ngga deya daya sirata ka deya daya adi dŭh biyŭn sarah, dŭh ngga deya pinaku adi dog nakap, “Pak sunggu-i mun anŭ,

JEREMIAH 48:26

TUHAN nang, “Bada Moab mabuk, sabab-i mbŭh rawan Aku. Moab re bigurai di uta adŭp-i, ka daya re tawŭh.

JEREMIAH 5:31

Sopŭrŭg kayuh adi bara nabi nang inŭh pinganang kadong; bara imam mritah so ka pesan bara nabi anŭ, ka daya Ku mating matah. Pak ani re ngara ndai kan sopŭrŭg-i mungan?”

JEREMIAH 50:29

“Kidaan di bara soldadu adi tukang nimbak reja-panah bada nyerang Babylon. Tijuan barang naan daya adi pandai pakai bawŭh ngga reja-panah. Nyikapung kupo anŭ ka dŭhnyah bada tadŭ daya ruah. Maras di tunduh-i sopŭrŭg kayuh adi muko-i ndai, ka ndai di tunduh-i nimun-i mbŭh ndai di tunduh daya bŭkŭn, sabab-i mbŭh ndai simŭnŭ ngga atin gambung rawan Aku, adi Kudus yŭn Israel.

PUĀS 1:17

“Aku tōn tangan ku, pak mating daya raan turung aku. TUHAN mbŭh bagan pinganyu bada rawan aku so barang parad; ngara ndai aku keya ka aku ati kayuh kais.

PUĀS 1:21

“Dingah sidaing ku; mating daya nyaduh aku. Pinganyu ku gaŭn amai Kaam bada pinyirusag nyatŭk aku. Taban andu anŭ adi Kaam mbŭh janji; bada pinganyu ku sangsara mun aku.

PUĀS 2:13

O Jerusalem, kupo adi dog rindu, ani bisa ku nang? Aku dŭh dapŭd nyaduh kuu. Gi-bŭn daya sangsara mun kuu. Pinyirusag mu raru bayah mun rawŭt; mating pingarap mu tia.

PUĀS 4:1

Mas adi mikirib jadi pirŭnŭk; batuh batuh Ramin TUHAN mbŭh mingare di aran.

PUĀS 5:1

Ingat, O TUHAN, kayuh adi jadi di kieh. Tingga kieh, ka tingga munki masam kieh mbŭh mangŭh.

HOSEA 2:14

Aku re taban ayŭh ka tarun tana-pajam dinge; diginŭ Aku re bada ayŭh pari ka adŭp Ku ngga pinganang pinyirindu.

ZEPHANIAH 2:10

Simŭnŭ inŭh daya Moab ngga daya Ammon re dog ukum amai uap-sambuh ngara ka amai ngara ngamun daya TUHAN Bisa-pŭrŭg.

JOHN 11:19

ka bagŭ daya Judea mbŭh mandŭg tudu Martha ngga Mary, di nyaduh ngara di pinyikabŭs Lazarus.

DITRONOMI 26:7

Ka kieh bagan mite turung so TUHAN, adi Tapa tayung-babuk ami. Ayŭh dingah kieh ka kiris kieh dog pijera, dog kinanyuh, ka dog kisiis.

DITRONOMI 32:27

Pak Aku dŭh bisa bada pinganyu ngara mingangŭn ka nang adŭp ngara mbŭh ngarah daya Ku, amai pŭn ka adŭp Ku inŭh adi pirabur ngara.’

DITRONOMI 32:29

Ngara dŭh tungang rada ani sabab ngara dog ngarah; ngara dŭh tungang mirati ani mbŭh jadi.

1 PETER 4:17

Tipuh-i mbŭh mandŭg yŭn bisara re piguru, ka adŭp daya Tapa inŭh adi re diŭ bisara. Kambŭi-i piguru ngga ata, simuki pinŭbŭn-i re ngga ngara adi dŭh sabah di Agah Kana so Tapa?

1 SAMUEL 1:11

Hannah bipayu nang, “O TUHAN adi Bisa-pŭrŭg, tingga aku ati adi urun Mai! Tingga pinyusah ku ka ingat aku! Dŭhnyah kambŭt aku! Kambŭi Kaam nggen anak dari di aku, aku bijanji aku re nitah ayŭh ka Kaam sitŭkŭd umbur-i ka ayŭh re bŭn kapŭg ubok-i.”