PITAS 8:17 - Hakcipta - Biatah Bidayuh

¹⁷ Aku rindu ngara adi rindu aku; asi adi jiroh aku re dapŭd aku.

PITAS 8:17 ပူးပေါင်းရင်းမြစ်များ

2 KRONIKEL 34:3

Di sawa adi mai darŭm pinyipritah Josiah, darŭm ayŭh gibabŭ mara, ayŭh piguru nyambah Tapa babuk-i David. Pat sawa ripas anŭ ayŭh piguru nyirubuh tarun yŭn bisambah adat karŭm, tandā tandā pinatŭng tapa Asherah, ngga sopŭrŭg tibudo adi bŭkŭn.

MAZMUR 91:14

Tapa nang, “Aku re nyiramat ngara adi rindu Aku ka grindung ngara adi ngaku Aku TUHAN.

PITAS 1:28

Nganŭ angān re bagan pinyibijak, pak aku re dŭh nam. Angān re jiroh aku di barang yŭn, pak angān dŭh re dapŭd aku.

PITAS 2:4

Bandar jiroh-i mun jiroh pirak puan kah rata adi dog sukan.

PITAS 2:5

Kambŭi kuu ndai simŭnŭ, kuu re puan ani rati nŭŭh taru TUHAN ka kuu re mujur darŭm kuu birajar pasar Tapa.

PITAS 4:6

Dŭhnyah tagan pinyibijak, ka-i re grindung kuu; rindu-i, ka-i re bada kuu siramat.

PITAS 8:16

Sopŭrŭg pimritah di ong mritah ngga pinurung ku, simŭnŭ gŭh bara pinurung ka daya adi bās.

EKLISIASTIS 12:1

Ngapŭi ingat meh Pinapa mu darŭm kuu gibabŭ mara, ka diŭ so tipuh sangsara anŭ mandŭg kan kuu nang, “Aku mating kinyam pimudip ku pawŭn.”

RAGU 3:4

Kan aku bu so yŭn ngara, aku dapŭd ayŭh. Aku dakŭp ayŭh ka abah aku pasan ayŭh ndŭg ka aku mbŭh taban ayŭh ka ramin sindŭ ku, di ka birit adi yŭn aku dog biranak.

ISAIAH 45:19

Aku bŭn minyu darŭm bisukan bait sukan pinŭtŭn kraja Ku. Aku dŭh bada daya Israel jiroh Aku ngga dŭh biyŭn rati. Aku ati TUHAN, ka Aku minyu kayuh adi sawŭ; Aku bada dog puan kayuh adi batur.”

ISAIAH 55:6

Marik pimudip ngan pari ka TUHAN ka bidua ka Ayŭh, san Ayŭh agi sindŭk.

MATTHEW 6:33

Pak mbit bat di Pinyipritah Tapa ka ndai pinyiraan-I, ka Ayŭh re nggen di angān sopŭrŭg kayuh anŭ.

MARK 10:14

Kan Jesus kiris, Ayŭh tuas ka nang di bara murid-I, “Bada bara anak-sŭ anŭ mandŭg ka Aku, ka dŭhnyah kijaman ngara, sabab daya adi keya ka ngara inŭh adi kinyam Pinyipritah Tapa.

JOHN 14:21

“Daya adi trima Pinyipesan Ku ka sita-i, ngara anŭ inŭh adi rindu Aku. Sama Ku re rindu ngara adi rindu Aku, ka Aku re rindu ngara ka pinandŭng adŭp Ku di ngara.”

JOHN 14:23

Jesus nam ayŭh, “Asi asi adi rindu Aku re tunda ajar Ku. Sama Ku re rindu ayŭh, ka Sama Ku ngga Aku re mandŭg ka rŭŭ darŭm ayŭh.

JOHN 16:27

amai adŭp Sama mbŭh rindu angān. Ayŭh rindu angān sabab angān rindu Aku ka mbŭh sabah Aku taŭn mandŭg so Tapa.

JOHN 5:4

sabab malaikat Tuhan agi andu-i mūn ka pagong anŭ ka kiruyok piin anŭ. Adi diŭ bisor adŭp-i ka darŭm pagong kan piin dog kiruyok dapŭd bua so barang masam andam-i.]

JOHN 7:37

Di sikasŭn andu gawai, andu adi rabis biguna darŭm tipuh gawai anŭ, Jesus mijog ka nang ngga sirŭŭn bana, “Asi asi adi badŭh asŭng-i patut mandŭg ka Aku di nok.

JAMES 1:5

Pak kambŭi agi so angān dŭh biyŭn pinyibijak, ayŭh patut bidua ka Tapa, adi an nggen-i di ayŭh; sabab Tapa inŭh adi an nggen ngga siabo asŭng-I di sopŭrŭg daya.

1 JOHN 4:19

Ata rindu sabab Tapa diŭ rindu ata.

1 SAMUEL 2:30

Aku, adi TUHAN Tapa Israel, muko bijanji jah nang rawang mu ngga manak mu re adu adu jadi imam yŭn Ku. Pak madin Aku nang Aku dŭh tia raan-i simŭnŭ! Aku re stabi di sinadan daya adi stabi di Aku, ka ngara adi ngamun Aku re dog ngamun.