9 Pinyibijak re jadi makota bragah mu.”
Aku gŭh re nggen di kuu kayuh adi kuu dŭh mite: sitŭkŭd kuu udip kuu re biyŭn pinyikaya ngga stabi, rabis so anŭ adi raja bŭkŭn biyŭn.
Ajar ngara re ngubah urah mu bada kana, keya ka bubok adi ramus puan kah kukong ngubah ayong mu bada ramus.
Daya adi dŭh puan ani ani trima upah budo bawa-i, pak daya adi pandai dog ngupah ngga pinyipuan.
Udip tui inŭh upah daya tŭnggŭn; ubok buda inŭh makota bragah-i.
Anŭ re nggen di kuu pimudip adi tui buang sanang.
Dingah pinganang ku, nak. Mbit bat di kayuh adi aku kidaan di kuu, isa kuu tui udip.
Andu-i re mandŭg kan TUHAN Bisa-pŭrŭg re keya ka bragah makota rarak bunga yŭn bara daya-I adi siramat.
Pinyiramus ngan inŭh patut so tura ka darŭm, pimudip adi dŭh bidudu buang adi duduh. Pinyiramus adi mun anŭ tan tui, ka mbŭh brega dŭ di batŭh Tapa.
Jadi kan Pingubak Pingingat-biri nandŭng, angān re kambat makota bragah adi dŭh re asab jawa-i.
Di ngara adi mbŭh manang Aku re nggen hak da guru ngapid Aku di takta Ku, nimun Aku mbŭh manang ka madin mbŭh guru ngapid Sama Ku di takta-I.
