25 Tingga ka jawin kamaki kuu panu. Dŭhnyah kimat bait tauh; nakit ngga adŭp mu darŭm kuu panu.
Aku mbŭh bipayu ka bijanji dŭh re tingga dayung.
Pijo atin ku so kayuh adi dŭh biguna; kana ngga aku, nanyam ka janji Mai.
Daya budo sanang asŭng-i ngga budo bawa adŭp-i, pak daya bijak ndai kayuh adi batur.
Daya tŭnggŭn mirati kayuh adi re-i ndai; daya ginaka situngang tungang-i bada adŭp-i mun adi yŭh.
Batŭh mu re kiris kayuh saruh, ka kuu re dŭh dapŭd bipikir bait minyu ngga tirase.
Duit mu bisa miyap ngga ndi kidap batŭh, mun kah duit anŭ biyŭn urad ka mikabur bu mun beuh.
Dŭhnyah nang kayuh adi dŭh sawŭ. Dŭhnyah kadong daya bait nang kayuh adi kinanyap daya.
Bisatur nakit kan re ndai kayuh, ka ani ani adi ndai mu re jadi batur.
“Batŭh agi keya ka prita yŭn pŭrŭng. Kambŭi batŭh ngan kana, ndi pŭrŭng ganan ngan agi puno ngga jawa;