PITAS 30:9 - Hakcipta - Biatah Bidayuh

⁹ Kambŭi aku biyŭn bagŭ, kadŭ-i aku nang aku dŭh biguna di Kaam. Pak kambŭi aku sirata, kadŭ-i aku naku ka nggen mangŭh di Tapa ku.

PITAS 30:9 ပူးပေါင်းရင်းမြစ်များ

MAZMUR 125:3

Daya ginaka dŭh re ari mritah tarun tana daya tŭnggŭn; isa daya tŭnggŭn dŭh ndai pingandai arap.

PINYIRUAH 20:7

“Dŭhnyah pakai adŭn Ku yŭn kayuh adi arap, amai Aku, TUHAN adi Tapa ngan, re ngukum tadŭ tadŭ daya adi sarah pakai adŭn Ku.

PINYIRUAH 5:2

“Asi TUHAN anŭ?” raja siken. “Re ngga mani aku tunda pinganang-I ka bada daya Israel bu ruah so ti? Aku dŭh puan TUHAN anŭ; ka aku dŭh re bada daya Israel ruah so rais ati.”

PITAS 29:24

Daya adi biayo ngga pinaku, rati-i ayŭh tiru di adŭp-i. Kambŭi ayŭh ngaku adŭp-i di yŭn bisara, ayŭh re dog ukum; kambŭi ayŭh dŭh ngaku, Tapa re mangu ayŭh.

ISAIAH 59:13

Kieh mbŭh rawan Kaam, tirawan Kaam, ka abah tunda Kaam. Kieh mbŭh kinanyuh daya bŭkŭn ka nyipunok Kaam. Pikir-kira ami sarah; pinganang ami pinganang kadong.

JEREMIAH 2:31

Daya Israel, dingah kayuh adi Aku nang. Mbŭh kah Aku mun tarun tana-pajam di kuu, mun tarun tana adi karŭm buang rapā yŭn masam masam pinyusah? Mani, meh, kuu nang adŭp mu raan ndai kayuh nanyam raan asŭng adŭp mu, ka dŭh re pari ka Aku?

JEREMIAH 5:12

Daya TUHAN mbŭh nyipunok Ayŭh ka mbŭh nang, “Ayŭh re dŭh ndai ani ani. Kieh re dŭh dog nyatŭk pinyusah; kieh re dŭh kiris perang bait dog apag.”

EZEKIEL 23:35

Jadi ati inŭh kayuh adi TUHAN Raja nang: “Sabab kuu kambŭt Aku ka mbŭh nyipunok Aku, kuu re sangsara amai pinyiripong pŭrŭng mu ngga kraja nyundar mu.”

DANIEL 4:17

Anŭ inŭh pingatur bara malaikat adi gringet ka adi marar bijaga. Jadi meh, isa-i sopŭrŭg daya di barang yŭn puan Tapa adi Siabo Bigatung biyŭn kuasa di tunduh pritah manusia ka biyŭn kuasa nggen-i di tadŭ daya adi-I mien, samŭn ngara adi siabo sŭ darŭm pangkat.’

DANIEL 4:30

ayŭh nang, “Tingga munki masam bās-i Babylon! Aku pijog-i ndu sindŭ kupo ngga kiren kuasa ka pinyibake ku, ngga kiren bragah ka sangŭn ku.”

HOSEA 13:6

Pak kan angān mŭrŭt tarun tana adi kana, angān bisoh, angān jadi sambuh ka kambŭt Aku.

LEVITICUS 5:1

Sadis taran dosa dog biguna yŭn sarah adi mun ati: Kambŭi angān dog bagan bada nggen taksi di yŭn daya bisara ka dŭh nggen puan pasar kayuh adi angān mbŭh kiris ka dingah, angān re dapu tanggong di sarah anŭ.

MATTHEW 26:72

Babŭ gŭh Peter miman ka nam, “Aku bipayu aku dŭh puan daya anŭ!”

MATTHEW 26:74

Jadi Peter nang, “Aku bipayu aku dŭh puan daya anŭ! Isa-i Tapa ngukum aku kambŭi aku kadong! Dŭh aku puan daya anŭ!” Nganŭ gŭh babang kukok,

DITRONOMI 31:20

Aku re taban ngara ka tarun tana anŭ adi kaya ngga damŭn, nimun adi Aku muko janji di tayung-babuk ngara. Diginŭ ngara re biyŭn sopŭrŭg pinguman adi ngara raan, ka ngara re udip darŭm sanang. Pak ngara re nyipunok Aku ka nyambah tapa tapa adi bŭkŭn. Ngara re tirawan Aku ka miranggar simanya Ku,

DITRONOMI 32:15

“Daya TUHAN jadi kaya, pak raru an birawan; ngara gamu ka badŭg ngga pinguman. ngara tagan Tapa adi Pinapa ngara, ka tirawan pinyikudip ngara adi bikuasa.

JOSHUA 24:27

Ayŭh nang di sopŭrŭg daya, “Batuh ati re jadi saksi yŭn ta. Batuh ati muko dingah sopŭrŭg pinganang adi TUHAN mbŭh nang di ata. Ngapŭi-i jadi saksi di tunduh ngan, isa angān dŭh rawan Tapa ngan.”