PITAS 3:6 - Hakcipta - Biatah Bidayuh

⁶ Ingat TUHAN darŭm sopŭrŭg kayuh adi kuu ndai, ka Ayŭh re kiren di kuu aran adi batur.

PITAS 3:6 ပူးပေါင်းရင်းမြစ်များ

1 KRONIKEL 28:9

Ka di Solomon ayŭh nang, “Nak, aku mite ngga siabo asŭng ku kuu ngaku Tapa adi Tapa sama mu ka bituan di Ayŭh ngga atin tagap ka ngga siabo pikir-kira mu. Ayŭh puan sopŭrŭg pikir-kira ngga pinyiraan ta. Kambŭi kuu jiroh Ayŭh, kuu re dapŭd Ayŭh; pak kambŭi kuu nyipunok Ayŭh, Ayŭh re tangan kuu ndŭg situi tui.

EZRA 7:27

Ezra nang, “Puji ka TUHAN, adi Tapa tayung-babuk ta! Ayŭh mbŭh kies atin raja-empaya bada stabi ka tambit bat di Ramin TUHAN di Jerusalem.

NEHEMIAH 1:11

Dingah meh dua ku, ka dua urun urun Mai adi bŭkŭn adi raan stabi di Kaam. Bada aku mujur andu ati ka bada raja-empaya masi di aku.” Dawŭ-i aku muko jadi tukang pingidang wain raja-empaya.

NEHEMIAH 2:4

Raja siken, “Kambŭi sakanŭ, ani meh raan mu?” Aku bidua ka Tapa adi pinguasa di Shorga,

NEHEMIAH 7:5

Tapa bada aku biyŭn atin raan nguruk bara daya ngga bara pinguru ka bara pinurung ngara ka pirasa rekod rawang ngara. Aku dapŭd rekod ngara adi diŭ pari so dog taran, ka ati inŭh kayuh adi dog nuris dieh:

MAZMUR 32:8

TUHAN nang, “Aku re ngajar kuu aran adi patut kuu kadŭg; aku re ngajar ka pitayan kuu.

PITAS 11:5

Udip daya adi jujur sanang sabab atin jujur-i, pak daya ginaka re pirabu adŭp-i.

PITAS 16:3

Mite TUHAN nyiberkat kayuh adi kuu mbŭh bisatur an ndai, ka kuu re mujur di kayuh ndai mu anŭ.

PITAS 16:9

Kuu bisa bisatur ndai kayuh, pak Tapa inŭh adi natu munki kuu pimanu-i.

PITAS 23:17

Dŭhnyah sina di daya adi bidosa; bada atin taru ka atin stabi di TUHAN biguna dŭ darŭm pimudip mu,

ISAIAH 26:7

Aran adi daya adi kana kadŭg inŭh tŭnggŭn; sabab Kaam, TUHAN, adi nŭnggŭn-i yŭn ngara.

ISAIAH 30:21

Kambŭi angān miriseu so aran di ka tauh puan kah di ka bait, angān re dingah sirŭŭn-I di punok ngan nang, “Ta digiti aran. Kadŭg-i.”

ISAIAH 45:13

Adŭp Ku mbŭh kiruyok atin Cyrus bada ayŭh makat bada pijadi pinŭtŭn kraja Ku ka bada kayuh batur. Aku re bada tŭnggŭn sopŭrŭg aran adi-i kadŭg. Ayŭh re pari pijog kupo Ku, Jerusalem, ka pirupas daya Ku adi dog nakap, dŭh ngga bibayar bait dog nyuap.” TUHAN Bisa-pŭrŭg mbŭh minyu.

ISAIAH 48:17

Tapa kudus Israel, TUHAN adi nyiramat angān, nang: Aku ati TUHAN adi Tapa ngan, adi raan ngajar angān yŭn kana adŭp ngan ka nyiruton angān di aran adi patut angān kadŭg.

JEREMIAH 10:23

TUHAN, aku puan mating daya bikuasa di tunduh pimudip adŭp-i; mating daya dapŭd nguasa aran pimudip adŭp-i.

JEREMIAH 42:3

Bidua mite TUHAN adi Tapa ta kiren di kieh aran adi patut ami kadŭg ka kayuh adi patut ami ndai.”

PINYIKIANG 9:20

Agi andu abun anŭ yŭn yŭn nyirungan Bari TUHAN batur duwŭh taruh andu adŭ; mŭnŭ bait kani, pinyirŭŭ ngara puan kah makat bipindah, mbŭh nanyam ka pesan TUHAN.

1 CORINTH 10:31

Ani ani adi angān ndai, bait-i man puan kah nok, ndai-i yŭn bragah Tapa.

2 CORINTH 8:16

Kieh nggen trima kaseh di Tapa amai Ayŭh mbŭh bada Titus graŭh mun kieh an turung angān!

PHILIPPI 4:6

Dŭhnyah gapang pasar tadŭ kayuh, pak siraru mite di Tapa darŭm simayang kayuh adi angān biguna ngga atin trima kaseh.

COLOSSAE 3:17

Sopŭrŭg kayuh adi angān ndai bait nang, patut dog ndai ngga adŭn Tuhan Jesus, darŭm angān nggen trima kaseh di Tapa Sama so Ayŭh.

COLOSSAE 3:23

Ani ani adi angān ndai, ndai-i ngga siabo atin ngan, mun angān nyiraja yŭn Tuhan ka dŭh yŭn manusia.

JAMES 1:5

Pak kambŭi agi so angān dŭh biyŭn pinyibijak, ayŭh patut bidua ka Tapa, adi an nggen-i di ayŭh; sabab Tapa inŭh adi an nggen ngga siabo asŭng-I di sopŭrŭg daya.

1 SAMUEL 30:8

David siken TUHAN, “Bisa kah aku tadak bara pirupak anŭ? Bisa kah aku nakap ngara?” Ayŭh nam, “Tadak ngara; kuu re nakap ngara ka nyiramat bara adi dog nakap.”