PITAS 28:5 - Hakcipta - Biatah Bidayuh

⁵ Daya arap dŭh puan pinyitŭnggŭn, pak ngara adi nyambah TUHAN inŭh adi batur mirati pinyitŭnggŭn.

PITAS 28:5 ပူးပေါင်းရင်းမြစ်များ

MAZMUR 119:100

Pinyibijak ku bās dŭ so tung ngara adi mbŭh tuuh, sabab aku tunda pesan Mai.

MAZMUR 119:98

Pinyipesan Mai ari agi ngga aku ka bada aku rabis bijak so pinganyu ku.

MAZMUR 25:14

TUHAN inŭh jerā ngara adi tunda pinganang-I ka Ayŭh natu simanya-I ngga ngara.

MAZMUR 92:6

Anŭ inŭh kayuh adi daya budo dŭh puan; ka daya adi bawa dŭh tungang mirati:

PITAS 15:24

Daya bijak panu aran adi maad nuju udip, dŭh aran adi mūn nuju pinyikabŭs.

PITAS 2:9

Kambŭi kuu dingah aku, kuu re puan kayuh adi tŭnggŭn, ka batur. Kuu re puan kayuh adi patut kuu ndai.

PITAS 24:7

Pinganang bijak inŭh raru tŭrŭp re daya adi budo mirati. Ngara dŭh biyŭn kayuh re-i nang kan kayuh adi biguna dog kirakar.

ISAIAH 1:3

Sapi puan asi dapu ngara, ka kaldi puan diki tuan ngara paan ngara, pak daya Ku Israel dŭh puan. Ngara manŭn dŭh mirati!”

ISAIAH 44:18

Daya adi mun anŭ mbŭh raru budo re puan kayuh adi ndai-i. Ngara mŭdŭm ka tŭŭp pikir-i di kayuh adi sawŭ.

ISAIAH 6:9

Jadi Ayŭh bada aku di nggen pinganang ati di daya bagŭ: “Munki masam angān bandar bandar nyiringa, angān dŭh re mirati. Munki masam angān bandar bandar tingga, angān dŭh re tungang puan ani adi mbŭh jadi”

JEREMIAH 4:22

TUHAN nang, “Daya Ku inŭh budo; ngara dŭh puan Aku. Ngara mbŭh keya ka bara anak-sŭ adi budo; ngara dŭh biyŭn atin mirati. Ngara sukup pandai ndai kayuh adi arap, pak dŭh pandai ndai kayuh adi kana.”

AMOS 3:10

TUHAN nang, “Ngara anŭ ngisi ramin bās-i ngga kayuh kayuh adi tambit-i pakai aran adi sarah ka ganas. Ngara taŭn dŭh adŭ puan munki re bada adŭp-i jujur.

JOHN 7:17

Asi asi adi raan ndai pinyiraan Tapa re puan so ki kayuh adi Aku ngajar mandŭg, so Tapa kah so kuasa adŭp Ku.

JAMES 1:5

Pak kambŭi agi so angān dŭh biyŭn pinyibijak, ayŭh patut bidua ka Tapa, adi an nggen-i di ayŭh; sabab Tapa inŭh adi an nggen ngga siabo asŭng-I di sopŭrŭg daya.

1 JOHN 2:20

Pak angān mbŭh trima Roh Kudus adi Kristus ko ren di tunduh ngan; ngapŭi sopŭrŭg ngan puan ajar adi sawŭ.

1 JOHN 2:27

Pak mun angān, Kristus ko ren Roh-I di angān. Sitŭkŭd Roh-I babŭ darŭm angān, angān dŭh biguna di daya da ngajar angān. Amai Roh-I ngajar angān pasar sopŭrŭg kayuh, ka kayuh adi-I ngajar agi sawŭ, dŭh kayuh kadong. Tunda meh garang ajar Roh anŭ, ka bijijŭ darŭm udip ndi ngga Kristus.