PITAS 27:10 - Hakcipta - Biatah Bidayuh

¹⁰ Dŭhnyah kambŭt jerā mu bait jerā sama mu. Kambŭi kuu dog pinyusah, dŭhnyah mite turung so madis; rasū dapŭd turung kuu rabis so madis mu adi jo.

PITAS 27:10 ပူးပေါင်းရင်းမြစ်များ

2 SAMUEL 19:24

Komŭnŭ Mephibosheth, sukuh Saul, mandŭg di bidapŭd ngga raja. Ayŭh dŭh ngu kaja-i, gumbak gagap-i bait ngu piraka-i so andu raja bu so Jerusalem ndŭg andu ayŭh pari ngga siramat.

2 SAMUEL 19:28

Sopŭrŭg rawang sama ku taŭn patut dog ukum kabŭs di tangan Tuan Raja, pak kaam mbŭh nyibandar aku man di mija mai. Aku dŭh re tia birani mite tadŭ tadŭ kayuh so Tuan Raja.”

2 SAMUEL 21:7

Amai sabab payu adi ayŭh ngga Jonathan ko ndai ayŭh dŭh bada Mephibosheth anak Jonathan dog siŭ, adi sukuh Saul.

2 KRONIKEL 24:22

Raja mbŭh kambŭt pingandai bās Jehoiada, adi sama Zechariah, mbŭh ndai yŭn-i, ka ayŭh bada Zechariah dog siŭ! Darŭm Zechariah mbŭh re patŭd asŭng-i, ayŭh nang, “Isa-i TUHAN kiris pingandai mu ka ngukum kuu!”

PITAS 17:17

Jerā ari sais rindu. Re ngga mani jurud madis kambŭi dŭh yŭn mite turung di tika susah?

PITAS 18:24

Agi jerā adi dŭh tan tui, pak agi jerā adi tŭtŭd dŭ so jurud.

PITAS 19:7

Daya adi sirata dŭh dog rindu madis adŭp-i; ngapŭi ayŭh dŭh biyŭn jerā. Bandar bandar bait kani ayŭh suba jiroh jerā, dŭh ayŭh dapŭd.

JEREMIAH 2:5

TUHAN nang: “Ani anŭ adi yŭn tayung-babuk ngan nyarah Aku? Ani bada ngara bu tagan Aku? Ngara nyambah tibudo adi dŭh biguna ndŭg ka adŭp ngara jadi dŭh biguna.

PINGANDAI 23:12

Isan isan andu jawa ndi kada daya Jahudi tikuruk ka bipekat. Ngara bipayu dŭh re man nok ndŭg ka ngara ko siŭ Paul.

DITRONOMI 22:1

“Kambŭi angān kiris sapi puan kah biri daya Israel rupas, dŭhnyah tandah-i; taban-i pari ka daya adi dapu-i.