PITAS 24:12 - Hakcipta - Biatah Bidayuh

¹² Kuu bisa nang anŭ dŭh har mu, pak Tapa puan ka kiris isi atin mu. Ayŭh nyibatŭh kuu; Ayŭh puan. Ka Ayŭh re maras kuu nanyam kraja pingandai mu.

PITAS 24:12 ပူးပေါင်းရင်းမြစ်များ

JOB 34:11

Ayŭh ngupah daya yŭn kayuh adi ngara ndai ka ndai di ngara nanyam patut ngara trima.

MAZMUR 121:3

Ayŭh dŭh re tandah angān rabu; pinyigrindung ngan dŭh re bŭŭs.

MAZMUR 121:8

Ayŭh re grindung angān darŭm angān mandŭg, ka darŭm angān matak madin ngga ndŭg situi tui.

MAZMUR 17:3

Kaam puan atin ku. Kaam mbŭh mandŭg ka yŭn ku singarŭm; Kaam muko nakit piruh aku ka dapŭd mating pinyiraan adi arap darŭm aku.

MAZMUR 44:21

Kaam tatu mbŭh tui puan, sabab Kaam puan pikir-kira ami adi bisukan.

MAZMUR 62:12

ka pinyirindu-I dŭh bisa birubah. Adŭp Mai, O TUHAN, ngupah barang naan daya nanyam ka kayuh adi mbŭh-i ndai.

MAZMUR 66:9

Ayŭh bada ata babŭ udip ka dŭh bada ata rabu.

MAZMUR 7:9

Kaam inŭh Tapa adi tŭnggŭn ka puan pikir-kira ngga pinyiraan ami. Pirŭŭ urah ginaka bara daya adi arap ka ngupah ngara adi kana.

MAZMUR 94:9

Tapa ndai kajit ta — tatu Ayŭh dingah. Ayŭh ndai batŭh ta — tatu Ayŭh kiris.

PITAS 12:14

Upah mu bisangan di pinganang mu ngga di pingandai mu; kuu re trima baras nimun patut kuu trima.

PITAS 16:2

Kuu bisa nang barang masam kayuh adi kuu ndai batur, pak TUHAN adi puan pinŭtŭn atin mu.

PITAS 21:2

Kuu bisa pikir sopŭrŭg kayuh adi kuu ndai batur, pak ingat nŭh, TUHAN adi puan isi atin manusia.

PITAS 5:21

TUHAN kiris sopŭrŭg kayuh ndai mu. Kamaki maki kuu panu, Ayŭh nyibatŭh kuu.

PITAS 5:22

Dosa daya ginaka inŭh jarat. Ngara rakat di jarat dosa adŭp ngara.

EKLISIASTIS 5:8

Dŭhnyah gŭgŭh kan kuu kiris pritah kinanyuh daya sirata, dŭh pimanu pinyitŭnggŭn yŭn ngara ka dŭh piduri hak ngara. Barang naan pinurung pritah inŭh dog grindung sianŭ adi di tunduh ngara, ka sopŭrŭg ngara dog grindung pinurung adi bigatung dinge so ngara.

JEREMIAH 17:10

Aku, adi TUHAN, kāp pikir manusia ka suba atin manusia. Aku nggen di barang naan daya nanyam ka gaya pimudip-i, nanyam ka kayuh adi-i ndai.”

JEREMIAH 32:19

Kaam ndai atur adi bijak ka ndai kayuh kayuh adi bās; Kaam kiris sopŭrŭg pingandai daya, ka Kaam ngupah ngara nanyam ka pingandai ngara.

PUĀS 3:36

kan pinyitŭnggŭn dŭh dog pimanu di tarun yŭn bisara, Ayŭh puan.

DANIEL 5:23

Kaam mbŭh rawan TUHAN adi pinguasa di rangit. Kaam mbŭh pakai saker ngga makuk adi dog taban so Ramin TUHAN. Kaam, bara pingibās mai, bara sawŭn ami, ka bara dayung nyikŭn mai nok wain so dieh ka muji tapa adi dog ndai so mas, so pirak, so timaga, so basi, so kayuh, ka so batuh — bara tapa adi dŭh kiris tarun, dŭh dingah kayuh, dŭh puan ani ani. Pak kaam dŭh stabi di Tapa adi bada kaam udip bait kabŭs ka adi nguasa sopŭrŭg kayuh adi kaam ndai.

MATTHEW 16:27

Amai Anak Manusia mbŭh re rikas mandŭg darŭm bragah Sama-I ngga bara Malaikat-I, ka-I re ngupah barang naan daya nanyam ka pingandai-i.

PINGANDAI 17:28

nimun adi ko daya nang, ‘Darŭm Ayŭh ata udip, mikitak buang agi di ong.’ Sak adi dog nang kada ngan adi tukang bipatun, ‘Ata gŭh bara anak-I.’

ROME 2:16

Jadi meh, nanyam ka Agah Kana adi aku nyuse, simŭnŭ inŭh-i re di Andu Tapa darŭm Jesus Kristus ngayag pikir-kira manusia adi bisukan.

ROME 2:6

Amai Tapa re maras barang naan ata nanyam pingandai ta.

1 CORINTH 4:5

Ngapŭi angān dŭh patut nang daya sarah bait dŭh sarah diŭ so tipuh-i. Itong dŭh siŭn patŭd sibayuh Tuhan mandŭg; Ayŭh re bada tatŭng sopŭrŭg rusia adi dog sukan darŭm karŭm samŭn pinŭtŭn atin manusia adi bisukan. Ka komŭnŭ barang naan daya re trima puji-i so Tapa nanyam patut.

2 CORINTH 5:10

Amai sopŭrŭg ta dŭh siŭn dŭh mijog bisara di sirung jawin Kristus. Barang naan re trima baras-i nanyam pingandai-i sitadŭn-i udip darŭm pŭrŭng, bait-i kana, bait-i arap.

PINANDŬNG 1:18

Aku ati adi udip! Aku ko kabŭs, pak madin aku ati udip adu adu. Aku biyŭn kuasa di tunduh pinyikabŭs ka di tunduh ong daya adi mbŭh kabŭs.

PINANDŬNG 2:18

“Nuris ka malaikat eklisia di Thyatira: “Ati inŭh agah so Anak Tapa, Ayŭh adi bijireb batŭh-I, Ayŭh adi bringam kaja-I mun timaga ko dog ngusu.

PINANDŬNG 2:23

Aku re siŭ bara pinunda-i gŭh, ka komŭnŭ sopŭrŭg eklisia re puan nang Aku ati inŭh sianŭ adi puan sopŭrŭg pikir-kira ngga pinyiraan manusia. Aku re maras barang naan so bara mu nanyam ka pingandai adŭp ngara.

PINANDŬNG 22:12

“Dingah!” Jesus nang. “Aku re rikas mandŭg! Aku re taban upah, an Ku nggen di barang naan daya nanyam ka pingandai-i.

1 SAMUEL 16:7

Pak TUHAN nang di Samuel, “Dŭhnyah piduri ayŭh bigatung bait ramus. Aku dŭh raan ayŭh, amai Aku dŭh mien mun manusia mien. Manusia tingga sapa pŭrŭng ganan, pak Aku tingga darŭm atin daya.”

1 SAMUEL 2:3

Pirŭŭ pinganang miruap ngan; bada pajam pinganang sambuh ngan. amai TUHAN inŭh Tapa adi puan, ka Ayŭh tingga arap kana di sopŭrŭg kraja pingandai daya.

1 SAMUEL 2:6

TUHAN siŭ ka Ayŭh gŭh adi pari kudip; Ayŭh pait daya ka ong daya adi mbŭh kabŭs ka taban ngara ngga pari dinge.

1 SAMUEL 25:29

Kambŭi daya nyerang kaam ka suba an siŭ kaam, TUHAN adi Tapa mai re grindung kaam, keya ka daya nguan jaga rata adi brega. Jeja ka pinganyu mai, Ayŭh re taran ngara, keya ka daya nyitamŭng batuh ngga sitamŭng.