PITAS 23:7 - Hakcipta - Biatah Bidayuh

⁷ “Bah nambah,” ayŭh nang, pak dŭh ngga siabo atin-i. Pinganang-i mandis pak isi atin-i bŭkŭn.

PITAS 23:7 ပူးပေါင်းရင်းမြစ်များ

MAZMUR 12:2

Sopŭrŭg ngara kadong dingan-i; ngara nipu dingan ngga pinganang nganju.

MAZMUR 55:21

Pinganang-i ruai nang nyibanyis, pak atin-i puno ngga tiru; pinganang-i nyarap keya ka inyo, pak-i kapŭg mun pedang adi reja.

PITAS 19:22

Udip tama re bada nŭŭh mangŭh; udip daya sirata inŭh kana dŭ so jadi pingadong.

PITAS 26:23

Piminyu pinganang adi dŭh jujur adi sukan ani sibatur-i di pikir mu inŭh keya ka priok tana adi dŭh brega dog mutik ngga pirak.

PITAS 26:24

Daya pingadong sukan atin tiru-i ngga pinganang sidi.

PITAS 26:25

Sak adi yŭh, pak dŭhnyah sabah ayŭh, sabab atin-i puno ngga pinyitiru.

DANIEL 11:27

Komŭnŭ duwŭh naan raja anŭ re samah guru man di ndi mija, pak pinŭtŭn ngara re arap, ka re kadong dingan-i. Ngara dŭh re dapŭd kayuh adi ngara raan, sabab tipuh-i gibayuh mandŭg.

LUKE 7:39

Kan daya Pharisee anŭ kiris, ayŭh nang darŭm asŭng-i, “Kambŭi daya ati sawŭ nabi, Ayŭh tatu puan asi dayung anŭ adi tama Ayŭh; Ayŭh tatu puan nang dayung anŭ dayung adi bidosa!”

AKIM 16:15

Jadi ayŭh nang di Samson, “Simuki kuu bisa nang adŭp mu awang aku, kan di atin mu kuu dŭh sawŭ? Kuu mbŭh bada aku mun daya budo pitaruh kari, ka kuu gibabŭ dŭh kidaan di aku ani anŭ adi bada kuu raru bake.”