PITAS 23:10 - Hakcipta - Biatah Bidayuh

¹⁰ Dŭhnyah ngana tandā baat adi amba puan kah sirapas tana anak tumang.

PITAS 23:10 ပူးပေါင်းရင်းမြစ်များ

JOB 22:9

Dŭh-i kuu abah turung dayung uban adŭ, pak kuu mbŭh mirupak ka pijera anak tumang ani.

JOB 24:9

Daya arap piurun anak anak daya adi dŭh biyŭn sama ka tambit anak anak daya sirata ngga bayar utang.

JOB 6:27

Ndŭg ka angān taran dadu ngga dapŭd anak tumang jadi urun ngan ka jua jerā ngan ngga dapŭd pinyikaya!

MAZMUR 94:6

Ngara siŭ dayung uban ngga anak tumang, ka siŭ daya saruh adi rŭŭ di tarun tana ngara.

PINYIRUAH 22:22

Dŭhnyah ida ida ngga dayung uban puan kah anak tumang.

PITAS 15:25

TUHAN re nyirubuh ramin daya adi sambuh, pak Ayŭh re grindung tana dayung uban.

PITAS 22:28

Dŭhnyah ngana tandā baat adi tayung-babuk mu mbŭh juman.

JEREMIAH 22:3

“Aku, adi TUHAN, pesan angān bada ndai kayuh adi tŭnggŭn ka batur. Grindung daya adi dog nipu so sianŭ adi nipu ayŭh. Dŭhnyah ida ida bait kinanyuh daya tami, anak tumang, bait dayung uban; ka dŭhnyah siŭ daya adi dŭh sarah di tarun yŭn adi kudus ati.

JEREMIAH 7:5

“Ngubah aran pimudip ngan ka dŭh tia ndai pingandai ngan adi sarah anŭ. Nakit ngga dingan ngan.

JEREMIAH 7:6

Dŭh tia kinanyuh daya saruh, anak tumang, ka dayung uban. Dŭh tia siŭ daya adi dŭh sarah di tarun tana ati. Dŭh tia nyambah tapa tapa bŭkŭn, amai anŭ re pirabur angān.

ZECHARIAH 7:10

Dŭhnyah kinanyuh dayung uban, anak tumang, daya tami adi rŭŭ di ruang ngan, bait tadŭ tadŭ daya adi udip susah. Ka dŭhnyah bipusar an kandam dingan ngan.’

MALACHI 3:5

TUHAN Bisa-pŭrŭg nang, “Aku re nandŭng di ruang ngan an nggen bisara, ka Aku re rasu nggen taksi rawan ngara adi ndai biruri karŭm, rawan ngara adi tanggah, rawan ngara adi nggen taksi kadong, rawan ngara adi dŭh tŭnggŭn di har gaji daya adi nyiraja di ribo adŭp ngara, rawan daya adi nyibudo dayung uban, anak tumang, ka daya tami; rawan sopŭrŭg daya adi dŭh stabi di Aku.”

DITRONOMI 19:14

“Dŭhnyah sigen tandā baat tana dingan ngan, adi mbŭh tui muko dog ngŭtŭ di tarun tana adi TUHAN adi Tapa ngan nggen di angān.

DITRONOMI 27:17

“ ‘Pangu Tapa nyatŭk tadŭ tadŭ daya adi ngana tandā baat dingan-i.’ “Ka sopŭrŭg daya re nam, ‘Amen!’

JAMES 1:27

Adat adi Tapa Sama nyirundeng bisig buang sawŭ batur inŭh simuti: kingat jaga ngara adi tumang ka dayung uban di pinyusah ngara, ka jaga adŭp ngan so dog kinais ong ati.