PITAS 22:23 - Hakcipta - Biatah Bidayuh

²³ TUHAN re birawan yŭn ngara ka an tambit asŭng daya adi an tambit asŭng ngara.

PITAS 22:23 ပူးပေါင်းရင်းမြစ်များ

MAZMUR 103:6

Yŭn ngara adi dog kinanyuh, TUHAN taban pinyitŭnggŭn ka nggen hak ngara.

MAZMUR 12:5

“Pak madin aku re mandŭg,” nang TUHAN, “sabab ngara adi sirata dog kinanyuh ka adi dog kisiis nyidaing amai mandam. Aku re nggen di ngara pinyipagŭng adi ngara gruwŭn.”

MAZMUR 12:6

Janji TUHAN dapŭd dog sabah; sopŭrŭg-i manŭn keya ka pirak adi mbŭh dog pibisig ju kari ngga apui.

MAZMUR 140:12

TUHAN, aku puan Kaam kingat ngga pinyitŭnggŭn daya adi misakin ka kingat hak daya adi sirata.

MAZMUR 140:13

Daya tŭnggŭn re sawŭ muji Kaam; ngara re rŭŭ di yŭn pinyirŭŭ Mai.

MAZMUR 35:1

Matah ngara adi matah aku, TUHAN, ka rawan ngara adi rawan aku!

MAZMUR 35:10

Ngga siabo atin ku aku re nang di TUHAN, “Mating daya re keya ka Kaam. Kaam grindung daya adi ramah so daya adi bake, daya adi sirata so daya adi kinanyuh ngara.”

MAZMUR 43:1

O Tapa, kiren aku dŭh sarah, ka ngibān aku so daya adi dŭh stabi di Tapa; pirupas aku so daya adi pingadong ngga adi arap!

MAZMUR 68:5

Tapa, adi rŭŭ di Ramin kudus-I, kingat anak tumang ka grindung dayung uban.

PINYIRUAH 22:22

Dŭhnyah ida ida ngga dayung uban puan kah anak tumang.

PINYIRUAH 22:23

Kambŭi angān ida ida ngga ngara, Aku, adi TUHAN, re nam ngara kan ngara bagan mite turung so Aku,

PITAS 21:7

Daya ginaka re rabur bada kraja pingandai adŭp ngara; ngara abah ndai kayuh adi batur.

PITAS 23:11

TUHAN adi bikuasa inŭh pingibān ngara, ka Ayŭh re turung ngara rawan kuu.

ISAIAH 33:1

Mbŭh payah inŭh pinganyu ta! Ngara mirupak ka jua daya, pŭn ka mating daya mirupak bait jua ngara. Pak tika ngara mirupak ka jua daya re mating tia, ka adŭp ngara inŭh adi re dog mirupak ka dog jua.

JEREMIAH 30:16

Pak madin, sopŭrŭg adi man angān re dog man, ka sopŭrŭg pinganyu ngan re dog taban ngga bu jadi daya-takap. Sopŭrŭg adi kinanyuh angān re dog kinanyuh, ka sopŭrŭg adi pirinda angān re dog pirinda.

JEREMIAH 50:34

Pak sianŭ adi re nyiramat ngara inŭh bake; adŭn-I inŭh TUHAN Bisa-pŭrŭg. Adŭp-i re ngarun ngara ka re taban damai ka ong, pak Ayŭh re taban pinyusah ka daya Babylonia.”

JEREMIAH 51:36

Ngapŭi meh TUHAN nang di daya Jerusalem, “Aku re ngarun angān ka re maras di tunduh pinganyu ngan kayuh adi ngara mbŭh ndai di tunduh ngan. Aku re nyibadŭh atak piin Babylonia ka bada sungi sungi-i badŭh.

MICAH 7:9

Ata mbŭh bidosa rawan TUHAN, jadi madin ata dŭh siŭn dŭh nyijŭn baji-I dawŭ-i. Pak sikasŭn-i Ayŭh re nyibandar ata ka re pimanu pinyitŭnggŭn rawan sarah adi dog ndai di ata. Ayŭh re taban ata ka jawa, ka ata re kinyam pinyiramat TUHAN.

HABAKKUK 2:8

Angān muko sirapas ratā bangsa bangsa, pak madin ngara adi babŭ udip re sirapas ratā ngan sabab pinyiŭ ngan, ka sabab pinyiganas ngan di tunduh daya di ong ngga kupo kupo-i.

MALACHI 3:5

TUHAN Bisa-pŭrŭg nang, “Aku re nandŭng di ruang ngan an nggen bisara, ka Aku re rasu nggen taksi rawan ngara adi ndai biruri karŭm, rawan ngara adi tanggah, rawan ngara adi nggen taksi kadong, rawan ngara adi dŭh tŭnggŭn di har gaji daya adi nyiraja di ribo adŭp ngara, rawan daya adi nyibudo dayung uban, anak tumang, ka daya tami; rawan sopŭrŭg daya adi dŭh stabi di Aku.”

1 SAMUEL 24:12

Isa-i TUHAN tingga asi so ata duwŭh manak adi sarah! Isa-i Ayŭh ngukum kaam sabab pingandai mai di tunduh aku, amai aku manŭn dŭh re kinaman kaam.

1 SAMUEL 24:15

TUHAN re tingga asi so ata duwŭh manak adi sarah. Isa-i Ayŭh nakit tingga kayuh ati, grindung aku, ka nyiramat aku so kaam.”

1 SAMUEL 25:39

Kan David dingah Nabal mbŭh kabŭs, ayŭh nang, “Puji ka TUHAN! Ayŭh mbŭh maras Nabal amai-i pimangŭh aku, ka mbŭh bitan aku adi urun-I so ndai sarah. TUHAN mbŭh ngukum Nabal amai arap-i.” Komŭnŭ David pait pinganang ka Abigail yŭn re tambit ayŭh ndu sawŭn.