PITAS 21:4 - Hakcipta - Biatah Bidayuh

⁴ Daya ginaka bidosa amai dog nguasa atin sambuh ngara.

PITAS 21:4 ပူးပေါင်းရင်းမြစ်များ

JOB 18:5

Pimudip daya ginaka adi keya ka jawa prita, re dog mura; apui-i re dŭh tia sakŭt.

JOB 18:6

Ngara re keya ka bari adi mbŭh pura prita-i.

MAZMUR 10:4

Daya ginaka dŭh piduri TUHAN; ngga uap-sambuh ngara, ngara pikir Tapa dŭh biguna.

MAZMUR 101:5

Aku re pirŭŭ ngara adi sigayas kayuh arap pasar daya bŭkŭn; aku dŭh re tandah daya adi sambuh ka miruap.

MAZMUR 131:1

TUHAN, aku mbŭh pasan udip sambuh ku ka re dŭh tia gambung. Aku dŭh tia mbit bat jeja ka har adi raru bās bait grua, puan kah har adi mbar aku mirati.

PITAS 15:8

TUHAN munos asŭng kan daya adi kana bidua, pak tiru di sadis adi daya ginaka taban ka Ayŭh.

PITAS 21:27

TUHAN tiru di sadis adi daya ginaka jugan, rabis-i kambŭi ngara jugan-i ngga pinŭtŭn adi sarah.

PITAS 24:20

Daya ginaka re rikas mating; ngara dŭh biyŭn pingarap yŭn pimudip ngara jŭ.

PITAS 30:13

Agi daya pikir adŭp-i raru kana, pak mbŭh jadi raru sambuh!

PITAS 6:16

Agi ju masam kayuh adi TUHAN tiru ka dŭh an tandah: udip gambung, baba adi kadong, tangan adi an siŭ daya adi dŭh sarah, pikir adi mirasang pingandai ginaka, kaja adi rikas ndai kayuh arap, Saksi adi ari nggen taksi kadong, daya adi ndai kaii di dupan jerā.

PITAS 8:13

Stabi di TUHAN inŭh tiru di kayuh arap; Aku tiru di udip sambuh ka udip gambung, udip adi arap ka pinganang tipu.

ISAIAH 10:12

Pak TUHAN nang, “Kan Aku muko ngamas kayuh adi Aku ndai di tunduh Sandah Zion ngga di Jerusalem, Aku re ngukum raja-empaya Assyria amai pinganang gambung-i ka uap sambuh-i.”

ISAIAH 2:11

Andu-i re mandŭg adi ngga uap-sambuh manusia re mungan ka udip mirawa manusia dog pirabur. Komŭnŭ TUHAN sadi adi re dog katuh.

ISAIAH 2:17

Uap-sambuh manusia re mungan, ka udip mirawa manusia re dog pirabur. Tibudo re rarap, ka TUHAN sadi adi re dog katuh di andu anŭ.

ISAIAH 3:16

TUHAN nang, “Tingga munki masam sambuh dayung Jerusalem! Ngara migaŭng buang panu. Ngara ari main batŭh, ka ngutai sakong-i, ka garang kaja-i prikareng jawŭn.

LUKE 11:34

Batŭh ngan mbŭh keya ka prita yŭn pŭrŭng. Kan batŭh ngan kana, ndi pŭrŭng ganan ngan mbŭh puno ngga jawa; pak kan batŭh ngan arap, ndi pŭrŭng ganan ngan mbŭh darŭm karŭm.

LUKE 18:14

Aku kidaan di angān,” Jesus nang, “daya pinsuke anŭ, dŭh-i daya Pharisee anŭ, adi dog trima Tapa kan-i maad ka ramin-i. Amai daya adi katuh adŭp-i re dog pirapat, ka daya adi pirapat adŭp-i re dog katuh.”

ROME 14:23

Pak kambŭi ngara dŭh paŭh puan re ngara man kah dŭh pinguman anŭ, Tapa nunggu ngara kambŭi ngara man-i, sabab pingandai ngara dŭh bisangan di pinyabah. Ka tadŭ kayuh adi dŭh bisangan di pinyabah taŭn-i dosa.

1 PETER 5:5

Simŭnŭ gŭh angān daya adi babŭ mara, dŭh siŭn dŭh an nundok di daya adi tuuh. Ka sopŭrŭg ngan dŭh siŭn dŭh an taban atin tŭkŭn yŭn turung dingan ngan; amai Surat-kudus nang, “Tapa abah di daya adi sambuh, pak turung daya adi pirapat adŭp-i.”