Ngapŭi nggen di aku pinyibijak adi aku biguna ngga mritah daya Mai ngga pinyitŭnggŭn ka ngga ngatŭn kayuh adi kana ngga adi arap. Kambŭi dŭh, simuki aku re bisa mritah daya Mai adi bās ati?”
“Kuu, Ezra, ngga pinyibijak adi Tapa mu mbŭh nggen di kuu, an tijuan daya bada jadi pingubak ka akim da nguasa sopŭrŭg daya adi di Euphrates Barat adi udip tunda Ukum-adat Tapa mu. Kuu dŭh siŭn dŭh ngajar Ukum-adat anŭ di tadŭ tadŭ ngara adi gibayuh puan-i.
Tapa bada aku biyŭn atin raan nguruk bara daya ngga bara pinguru ka bara pinurung ngara ka pirasa rekod rawang ngara. Aku dapŭd rekod ngara adi diŭ pari so dog taran, ka ati inŭh kayuh adi dog nuris dieh:
Tapa nggen pinyibijak, pinyipuan, ka pinyanang di ngara adi pimunos asŭng-I, pak Ayŭh bada daya bidosa nyiraja, trima gaji ngara ka nyikŭn duit, isa kayuh adi ngara dapŭd bisa dog nggen di ngara adi pimunos asŭng-I. Sopŭrŭg-i dŭh biyŭn rati, keya ka tadak sabak.
Angān dŭh siŭn dŭh nam ngara, “Dingah kayuh adi TUHAN ngajar di angān! Dŭhnyah dingah pinganang daya adi minyu ngga simangi daya adi mbŭh kabŭs. Kayuh adi ngara kidaan di angān dŭh dapŭd pijo pinyusah.”
Tapa nggen di pat naan dari adi mara anŭ pinyipuan, atin mirati yŭn surat adi ngara basa, ka aran birajar bagŭ masam kayuh, ka Daniel biyŭn pimandai kidaan rati kayuh adi dog kiris keya ka adi darŭm pŭmŭh samŭn barang masam pŭmŭh.
Aku muji Kaam ka stabi di Kaam, Tapa tayung-babuk ku. Kaam mbŭh nggen di aku pinyibijak ngga pinyibake; Kaam mbŭh nam dua ku ka mbŭh kidaan di kieh kayuh adi re ami kidaan di raja.”
Sopŭrŭg pinganggen adi sukup kana mandŭg so shorga; ayŭh mūn so Tapa adi Pinapa jawa shorga. Ayŭh Tapa adi dŭh birubah ka bŭn re kinarŭm darŭm-I marik adŭp-I.
Pak kambŭi agi so angān dŭh biyŭn pinyibijak, ayŭh patut bidua ka Tapa, adi an nggen-i di ayŭh; sabab Tapa inŭh adi an nggen ngga siabo asŭng-I di sopŭrŭg daya.