PITAS 19:17 - Hakcipta - Biatah Bidayuh

¹⁷ Kan kuu turung daya adi sirata, anŭ inŭh keya ka nginjam kayuh ka TUHAN, ka adŭp TUHAN re bayar kuu.

PITAS 19:17 ပူးပေါင်းရင်းမြစ်များ

2 SAMUEL 12:6

Amai pingandai-i mbŭh raru sarah, ayŭh dŭh siŭn dŭh bayar pari pat rupet kayuh adi-i ko tambit.”

MAZMUR 41:2

TUHAN re grindung ngara ka kudip ngara; Ayŭh re bada ngara sanang di tarun tana ati; Ayŭh dŭh re tagan ngara ka darŭm tangan pinganyu ngara.

MAZMUR 72:13

Ayŭh biyŭn masi di daya adi ramah ngga adi sirata; ayŭh nyiramat asŭng ngara adi dŭh biyŭn ani ani.

PITAS 12:14

Upah mu bisangan di pinganang mu ngga di pingandai mu; kuu re trima baras nimun patut kuu trima.

PITAS 14:21

Kambŭi kuu raan sanang, mandis ngga daya sirata; bidosa nŭŭh ngamun daya.

PITAS 14:31

Kambŭi kuu kinanyuh daya sirata, kuu nggen mangŭh di Tapa adi napa ngara; pak mandis ngga daya sirata mbŭh tibiat daya adi nyambah Tapa.

PITAS 22:9

Daya adi kana atin-i ka kutung pinguman-i ngga daya adi sirata re dog nyiberkat TUHAN.

PITAS 28:27

Nggen di daya sirata ka kuu re ari biyŭn kayuh. Kambŭi kuu dŭh piduri daya sirata, bagŭ daya re mangu kuu.

PITAS 28:8

Kambŭi kuu jadi kaya amai tambit anak duit adi paŭh bigatung asŭng-i ka nyibudo daya, pinyikaya mu re di ka daya adi mandis ngga daya sirata.

EKLISIASTIS 11:1

Nyikŭn duit darŭm dagang di rais tami; agi andu kuu re dapŭd utung.

EKLISIASTIS 11:2

Nyikŭn duit mu di bagŭ yŭn, amai kuu dŭh puan ani nasip arap adi re nyatŭk kuu sundis andu di ong ati.

MATTHEW 25:40

Raja anŭ re nam, ‘Aku kidaan di angān, tiap kari angān ndai simŭnŭ di ndi naan so bara pinunda Ku ati adi siabo sŭ darŭm pangkat-i, angān mbŭh ndai-i di Aku!’

LUKE 6:38

Nggen di daya, ka Tapa re nggen di angān. Sawŭ, angān re kambat takar adi sukup kana, dog nyinjŭn, dog ngugoh, ndŭg ka babas di kŭkŭn ngan. Takar adi angān pakai di daya inŭh takar adi Tapa re pakai di angān.”

DITRONOMI 24:19

“Kan angān sun buwa buwa pimuruh ngan, ka kambŭt taban kada-i, dŭhnyah pari di tambit-i; tandah nŭh adŭ yŭn bara daya pinami, anak tumang, ngga dayung uban; isa TUHAN adi Tapa ngan nyiberkat angān di sopŭrŭg kayuh adi ndai ngan.

PHILIPPI 4:17

Dŭh-i aku gruwŭn pinganggen; sibandar-i, aku raan kiris berkat so pingandai kana ngan dŭ dŭ bitambah yŭn guna adŭp ngan.

HEBREW 6:10

Tapa, dŭh-I dŭh rada pingandai kana daya. Ayŭh dŭh re kambŭt kayuh adi angān ko ndai puan kah pinyirindu ngan yŭn-I adi angān ko kiren darŭm pinurung adi angān nggen di daya Kristen adi bŭkŭn, bait-i madin puan kah prajah.