PITAS 18:3 - Hakcipta - Biatah Bidayuh

³ Dosa ngga mangŭh dŭh bisa jo so dingan-i. Ndai sarah ka kuu dog pimangŭh.

PITAS 18:3 ပူးပေါင်းရင်းမြစ်များ

NEHEMIAH 4:4

Aku bidua, “Dingah ngara ngamun kieh, O Tapa! Isa kayuh adi ngara nang nyatŭk adŭp ngara. Isa sopŭrŭg kayuh adi ngara biyŭn dog sirapas so ngara, ka isa ngara dog taban ka rais tami jadi daya-takap.

MAZMUR 69:20

Pinganang pimangŭh mbŭh kandam atin ku, ka aku mbŭh jimŭ. Aku harap di pinyirasi, pak mating; di saduh, pak mating.

MAZMUR 69:9

Pinyirindu ku di Ramin Mai bijagu keya ka apui darŭm aku; pinganang pimangŭh adi maka Kaam mbŭh rabu nyatŭk aku.

PITAS 11:2

Daya adi sambuh re rikas dog pimangŭh. Daya adi pirapat adŭp-i inŭh bijak.

PITAS 13:5

Daya adi jujur tiru di pinganang kadong, pak pinganang daya ginaka nggen mangŭh.

PITAS 18:2

Daya budo dŭh piduri bait-i mirati puan kah dŭh kayuh; anŭ adi ayŭh raan inŭh kiren pinyipuan adŭp-i.

PITAS 18:4

Pinganang daya bisa jadi atak pinyipuan, tŭrŭp mun rawŭt, tibŭn mun piin sungi adi aman.

PITAS 22:10

Sān daya adi gagā ngamun, ka re mating tia karit, kaii, puan kah pinganang adi dŭh biradat.

PITAS 29:16

Kan daya arap bikuasa, pingandai sarah dog mirasang. Pak daya tŭnggŭn re kiris pinyirabu ngara.

1 PETER 4:14

Sanang inŭh angān kambŭi angān dog pimangŭh sitagar angān mbŭh pinunda Kristus; sirati-i, Roh adi bragah, anŭ inŭh Roh Kudus, agi ngga angān.

1 PETER 4:4

Ka madin daya adi dŭh puan Tapa mbŭh inga inga kiris angān mbŭh dŭh tia agi ngga ngara darŭm pimudip arap adi mun anŭ. Anŭ meh sabab ngara ngamun angān.

1 SAMUEL 20:30

Saul mbŭh raru bangok di Jonathan ka nang di ayŭh, “Batur mun sindŭ mu kuu! Madin aku puan kuu marad ka David ka mbŭh pimangŭh adŭp mu ngga sindŭ mu anŭ!