PITAS 18:10 - Hakcipta - Biatah Bidayuh

¹⁰ TUHAN inŭh keya ka tawā adi tagap, di yŭn daya tŭnggŭn dapŭd bisukan.

PITAS 18:10 ပူးပေါင်းရင်းမြစ်များ

TIBIRIK 17:1

Kan Abram mbŭh prii puru-prii sawa umbur-i, TUHAN pinandŭng adŭp-i di ayŭh ka nang, “Aku ati Tapa Bisa-pŭrŭg. Nundok di Aku ka ndai kayuh adi batur.

TIBIRIK 32:11

Aku bidua mite Kaam, tak aku so baji kaka ku Esau. Aku taru ayŭh mandŭg di nyerang ka siŭ sopŭrŭg kieh, samŭn dayung ngga anak anak-sŭ.

2 SAMUEL 22:2

TUHAN inŭh adi grindung aku; ayŭh inŭh kuta ku adi tagap.

2 SAMUEL 22:3

Tapa ku inŭh pinyigrindung ku, aku siramat ngga Ayŭh. Ayŭh grindung aku keya ka pinangin; Ayŭh tak aku ka bada aku siramat. Ayŭh inŭh pinyikudip ku, Ayŭh grindung aku ka nyiramat aku so daya adi ganas.

2 SAMUEL 22:51

Tapa nggen pimanang adi bās di raja-I; Ayŭh kiren pinyirindu adi dŭh bisa birubah di sianŭ adi-I mbŭh mien, di David ngga di bara sesang-i ndŭg situi tui.

MAZMUR 144:2

Ayŭh grindung ka ngibān aku, kuta ku ngga pinyikudip ku, di Ayŭh aku bisangan yŭn pinyigrindung. Ayŭh na bangsa bangsa di ribo kuasa ku.

MAZMUR 18:2

TUHAN inŭh adi grindung aku; Ayŭh inŭh kuta ku adi tagap. Tapa ku inŭh pinyigrindung ku, ngga Ayŭh aku siramat. Ayŭh grindung aku keya ka pinangin; Ayŭh ngibān aku ka kingat aku.

MAZMUR 20:2

Isa-i Ayŭh pait pinurung ka kuu so Ramin-I ka nggen pinyibatu di kuu so Sandah Zion.

MAZMUR 27:1

TUHAN inŭh jawa ku ka pinyiramat ku; aku dŭh re taru asi asi. TUHAN grindung aku so sopŭrŭg pinyusah; aku dŭh re taru.

MAZMUR 91:14

Tapa nang, “Aku re nyiramat ngara adi rindu Aku ka grindung ngara adi ngaku Aku TUHAN.

MAZMUR 91:2

dapŭd nang di Ayŭh, “Kaam inŭh pingibān ngga pinyigrindung ku. Kaam inŭh Tapa ku; di Kaam aku sabah.”

PINYIRUAH 6:3

Aku nandŭng di Abraham, di Isaac, ka di Jacob nimun Tapa Bisa-pŭrŭg, pak Aku dŭh bada ngara puan Aku ngga adŭn kudus Ku, adi TUHAN.

PITAS 14:26

Stabi buang taru di TUHAN bada daya ngga rawang-i pagŭng ka siramat.

PITAS 29:25

Taru kayuh adi daya pikir pasar kuu, bisa nyusah kuu. Sabah di TUHAN bisa nyiramat kuu.

ISAIAH 26:4

Sabah di TUHAN adu adu; Ayŭh re ari grindung ata.

ISAIAH 57:15

“Aku ati Tapa adi di sambu ka adi kudus. Aku rŭŭ di yŭn adi bigatung ka adi kudus, pak Aku gŭh adi rŭŭ ngga daya adi pirapat adŭp-i ka adi mbŭh marik pimudip-i pari ka Aku, isa Aku dapŭd bada pari tagap pinyabah ngga pingarap ngara.

ISAIAH 9:6

Anak-sŭ dog biranak yŭn ta! Anak dari dog nggen di ata! Ka Ayŭh re jadi pimritah ta. Ayŭh re dog kadŭn, “Tukang-pitayan adi Kana”, “Tapa adi Bikuasa”, “Sama adi tan adu adu”, “Raja Damai”.

JEREMIAH 23:6

Kan Ayŭh jadi raja, daya Judah re siramat, ka daya Israel re udip darŭm damai. Ayŭh re dog kadŭn ‘TUHAN adi Pinyikudip Ta’.

HABAKKUK 3:19

TUHAN Raja nggen di aku pinyibake. Ayŭh bada kaja ku bake mun kaja peyu, ka bada aku siramat di darŭd.

MATTHEW 1:23

“Ndi naan dayung tibŭn re bite ka biranak ndi anak dari, ka Ayŭh re dog kadŭn Immanuel” (rati-i, “Tapa agi ngga ata”).

PINANDŬNG 1:8

“Aku ati adi sibungas ngga adi sikasŭn,” nang Tuhan Tapa Bisa-pŭrŭg, adi madin, adi mbŭh, ka adi re mandŭg.

1 SAMUEL 17:45

David nam, “Kuu mandŭg rawan aku ngga pedang, jarok, sigaru, pak aku mandŭg rawan kuu ngga adŭn TUHAN Bisa-pŭrŭg, adi Tapa bara soldadu daya Israel, adi kuu mbŭh pimangŭh.

1 SAMUEL 30:6

David madin mbŭh dog pinyusah bās, sabab bara daya-i mbŭh baji di ayŭh amai anak anak ngara mbŭh mating, ka ngara mbŭh re an manjan ayŭh ngga batuh. Pak TUHAN Tapa nŭtŭd atin-i.