PITAS 17:3 - Hakcipta - Biatah Bidayuh

³ Mas ngga pirak dog suba ngga apui, ka atin daya dog suba TUHAN.

PITAS 17:3 ပူးပေါင်းရင်းမြစ်များ

1 KRONIKEL 29:17

Aku puan nang Kaam suba atin barang naan daya, ka taŭn munos asŭng di daya adi jujur. Ngga atin jujur ka tŭnggŭn aku mbŭh ngga siabo asŭng nggen sopŭrŭg ati ka Kaam, ka aku mbŭh kiris munki masam daya Mai adi agi tikuruk digiti ngga sanang asŭng taban sadis ka Kaam.

JOB 23:10

Pak Tapa puan kayuh adi ndai ku; kambŭi Ayŭh suba aku, Ayŭh re dapŭd aku bisig keya ka mas.

JOB 28:1

Agi tarun yŭn pirak dog kareh; agi tarun yŭn mas dog pibisig.

MAZMUR 139:23

Piruh aku, O Tapa, ka puan meh pikir ku; suba aku, ka puan meh pikir-kira ku.

MAZMUR 26:2

Piruh aku ka suba aku, O TUHAN; pirasa pinyiraan ka pikir-kira ku,

MAZMUR 66:10

Kaam mbŭh suba kieh, Tapa; nimun pirak dog pibisig ngga apui simŭnŭ gŭh Kaam ngga kieh.

PITAS 15:11

Sirabi ka ong daya adi mbŭh kabŭs dŭh gŭh dapŭd sukan so TUHAN kayuh adi jadi diginŭ; simuki meh daya re tungang sukan pikir-kira ngara so Tapa?

PITAS 16:2

Kuu bisa nang barang masam kayuh adi kuu ndai batur, pak TUHAN adi puan pinŭtŭn atin mu.

PITAS 17:2

Urun adi bijak re bikuasa di tunduh anak tuan-i adi dŭh biguna ka re dapŭd kada utung so rata-i.

PITAS 21:2

Kuu bisa pikir sopŭrŭg kayuh adi kuu ndai batur, pak ingat nŭh, TUHAN adi puan isi atin manusia.

PITAS 27:21

Mas ngga pirak dog suba ngga apui; daya dog suba nanyam ka urah adi yŭn-i dog muji.

ISAIAH 48:10

Aku mbŭh suba angān ngga apui sangsara, mun pirak dog suba ngga apui. Pak Aku mbŭh dapŭd angān dŭh biguna.

JEREMIAH 17:10

Aku, adi TUHAN, kāp pikir manusia ka suba atin manusia. Aku nggen di barang naan daya nanyam ka gaya pimudip-i, nanyam ka kayuh adi-i ndai.”

EZEKIEL 22:18

“Manusia, bara daya Israel dŭh biguna yŭn Ku. Ngara keya ka sapok basi — timaga, timah buda, basi, ka timah singŭt — adi dog kadi ripas pirak ko dog pibisig ngga apui.

DANIEL 11:35

Kada so bara pinguru adi bijak anŭ re dog siŭ, pak so ka kayuh adi mun anŭ daya re dog pibisig. Kayuh anŭ re babŭ mun anŭ ndŭg ka pimungan-i, tika adi Tapa mbŭh miratak.

ZECHARIAH 13:9

Ka Aku re suba utung adi taruh adi siramat ka re pibisig ngara mun pirak dog pibisig ngga apui. Aku re suba ngara mun suba mas. Ka ngara re bidua ka Aku, ka Aku re nam ngara. Aku re kidaan di ngara nang ngara inŭh daya Ku, ka ngara re ngaku Aku ati Tapa ngara.”

DITRONOMI 8:16

Di tarun tana-pajam Ayŭh nggen manna di angān bada man, pinguman adi tayung-babuk ngan bŭn man. Ayŭh bada pimudip ngan jera ngga-I suba angān, isa di pinŭbŭn-i Ayŭh bisa nyiberkat angān ngga kayuh kayuh adi kana.

DITRONOMI 8:2

Ingat simuki TUHAN adi Tapa ngan mbŭh nguru angān di pimanu adi raru jo mutas tarun tana-pajam pat puru sawa; bada angān jera ngga-I suba angān, yŭn-I an puan kayuh adi re ngan ndai, ka re ngan tunda kah dŭh pinyipesan-I.

1 PETER 1:7

Tujuan-i inŭh ngga tingga batur kah dŭh pinyabah ngan anŭ. Mas bina, adi bisa dog pirusak babŭ gŭh dog suba ngga apui; ngapŭi pinyabah ngan, adi brega dŭ so mas, dŭh siŭn dŭh gŭh dog suba, isa-i jadi tan. Komŭnŭ angān re trima puji ngga bragah ka stabi di Andu anŭ kan Jesus Kristus dog pinandŭng.

PINANDŬNG 2:23

Aku re siŭ bara pinunda-i gŭh, ka komŭnŭ sopŭrŭg eklisia re puan nang Aku ati inŭh sianŭ adi puan sopŭrŭg pikir-kira ngga pinyiraan manusia. Aku re maras barang naan so bara mu nanyam ka pingandai adŭp ngara.