PITAS 17:23 - Hakcipta - Biatah Bidayuh

²³ Akim adi arap trima suap, ka pinyitŭnggŭn dŭh dog pimanu.

PITAS 17:23 ပူးပေါင်းရင်းမြစ်များ

PINYIRUAH 23:8

Dŭhnyah trima suap, amai suap nutu batŭh daya so kayuh adi batur ka pirusak daya adi dŭh biyŭn sarah.

PITAS 17:8

Agi daya pikir suap bisa ndai pingandai-nginga; ngara sabah-i bisa ndai bagŭ masam kayuh.

PITAS 18:16

Raan kah kuu bidapŭd ngga daya adi bās? Taban pinganggen yŭn-i ka kuu re kinyam ayŭh sanang ngga bidapŭd.

PITAS 21:14

Kambŭi daya baji di kuu, pinganggen dog nggen darŭm bisukan re kadud atin-i.

EKLISIASTIS 7:7

Kadŭ kuu bijak, pak kambŭi kuu ngakar daya, kuu mbŭh keya ka daya budo. Kambŭi kuu trima suap, kuu pirusak dŭn kana mu.

ISAIAH 1:23

Bara pinguru mu inŭh daya adi an birawan ka jerā bara pinaku; ngara marar trima pinganggen ngga suap. Ngara bŭn ngibān anak tumang di yŭn bisara bait dingah pinganang dayung uban pasar har ngara.

ISAIAH 5:23

Pak ngga suap adi sŭ, angān mbŭh pirupas daya adi sarah, ka angān bitan pinyitŭnggŭn dog pimanu yŭn daya adi dŭh sarah.

EZEKIEL 22:12

Agi kada so daya mu siŭ daya sabab an dog ngupah. Agi adi sun anak duit so duit adi ngara nginjam di daya adi samah daya Israel ka jadi kaya darŭm ngara ndai simŭnŭ. Ngara mbŭh kambŭt Aku.” TUHAN Raja mbŭh minyu.

EZEKIEL 22:27

Bara pinurung pritah mbŭh keya ka kasong tarun nyirigat dāng dāng adi ngara mbŭh siŭ. Ngara siŭ daya ngga pikaya adŭp-i.

MICAH 3:11

Bara pimritah kupo mritah ngga dapŭd suap, bara imam nggen rati Ukum-adat ngga dapŭd upah, bara nabi kidaan pinandŭng ngga dapŭd duit; ka sopŭrŭg ngara samah nang TUHAN agi ngga ngara. “Ata dŭh re dog nyatŭk pinyirusag,” ngara nang. “TUHAN agi ngga ata.”

MICAH 3:9

Dingah aku, angān bara pimritah Israel, angān adi tiru di pinyitŭnggŭn ka adi bada kayuh batur jadi kayuh sarah.

MICAH 7:3

Sopŭrŭg ngara sukup pandai ndai arap. Bara pinurung pritah ngga akim akim mite suap. Daya adi bās kidaan kayuh adi-i raan, ngapŭi meh ngara taŭn bipekat ndai kayuh.

DITRONOMI 16:19

Ngara dŭh siŭn taban atin adi bidikok puan kah marad kambŭi matŭd itong; ka ngara dŭh siŭn trima suap, amai anŭ bada karak batŭh daya adi bijak ngga adi batur, ka bada ngara matŭd itong ngga aran adi sarah.

1 SAMUEL 12:3

Ta aku. Kambŭi aku agi ndai sarah, angān bisa nyarah aku di sirung jawin TUHAN ka di sirung jawin raja adi-I mbŭh mien. Mbŭh kah aku tambit sapi daya bait kaldi daya? Mbŭh kah aku nipu bait kinanyuh daya? Kambŭi aku agi ndai kayuh anŭ, aku bisa bayar pari.”

1 SAMUEL 8:3

Pak ngara dŭh tunda danding sama ngara; ngara gruwŭn adŭp-i dapŭd duit adŭ, sabab anŭ meh ngara trima suap ka dŭh nyirase har daya ngga batur.