PITAS 17:2 - Hakcipta - Biatah Bidayuh

² Urun adi bijak re bikuasa di tunduh anak tuan-i adi dŭh biguna ka re dapŭd kada utung so rata-i.

PITAS 17:2 ပူးပေါင်းရင်းမြစ်များ

PITAS 10:5

Daya adi bijak nguruk buwa pimuruh kan-i mbŭh tipuh ngatŭm; daya adi bŭŭs di tipuh anŭ re mangŭh.

PITAS 11:29

Ngara adi taban pinyusah di rawang-i re dapŭd au-tarun. Daya budo re ari jadi urun daya bijak.

PITAS 14:35

Raja munos asŭng-i di bara pinurung-i adi pandai ndai kraja, pak ngukum ngara adi dŭh pandai ndai kraja.

PITAS 17:1

Kana dŭ man ruti adi mbŭh badŭh buang riang ngga pikir adi tanang so nŭŭh bigawai di ramin adi puno ngga kaii.

PITAS 17:3

Mas ngga pirak dog suba ngga apui, ka atin daya dog suba TUHAN.

PITAS 19:26

Kaŭs-i anak adi arap ka adi nggen mangŭh inŭh adi arap ngga sama-i, puan kah adi pibu sindŭ-i so ramin-i.

PITAS 29:15

Ngajar ngga disiplin inŭh kana yŭn anak. Kambŭi ngara dog tandah, ngara re nggen mangŭh di sindŭ-i.

EKLISIASTIS 4:13

Daya bisa ruah so udip sirata ka jadi raja di rais-i, puan kah ruah so ramin jer di guru di takta, pak kambŭi darŭm ayŭh mbŭh minyamba ka raru budo abah dingah pinyitayan, ayŭh dŭh re nama daya adi mara adi sirata pak pitar.