PITAS 15:5 - Hakcipta - Biatah Bidayuh

⁵ Daya adi budo nyibireu ajar sama-i; daya adi bijak trima ajar kan sama-i nyara ngajar ayŭh.

PITAS 15:5 ပူးပေါင်းရင်းမြစ်များ

1 KRONIKEL 28:20

Raja David nang di anak-i Solomon, “Kuu dŭh siŭn bada atin mu arot pak birani. Piguru kraja anŭ ka dŭhnyah bada ani ani matŭn kuu. TUHAN Tapa, adi aku nyambah, re agi ngga kuu. Ayŭh dŭh re tagan kuu, pak re rŭŭ ngga kuu ndŭg ka kuu mbŭh ngamas kraja adi ngga pijadi ramin-I.

1 KRONIKEL 28:9

Ka di Solomon ayŭh nang, “Nak, aku mite ngga siabo asŭng ku kuu ngaku Tapa adi Tapa sama mu ka bituan di Ayŭh ngga atin tagap ka ngga siabo pikir-kira mu. Ayŭh puan sopŭrŭg pikir-kira ngga pinyiraan ta. Kambŭi kuu jiroh Ayŭh, kuu re dapŭd Ayŭh; pak kambŭi kuu nyipunok Ayŭh, Ayŭh re tangan kuu ndŭg situi tui.

MAZMUR 141:5

Daya kana bisa ngukum aku ka ngajar aku ngga mandis, pak aku dŭh re trima stabi so daya adi arap, sabab aku ari bidua rawan pingandai arap ngara.

PITAS 1:23

Dingah kan aku nyara ngajar angān; aku re nggen di angān pinyitayan adi kana ka samah pinyipuan ku ngga angān.

PITAS 1:7

An biyŭn pinyibijak, nŭŭh dŭh siŭn dŭh an diŭ stabi ka taru di TUHAN. Daya adi budo bawa dŭh biyŭn stabi di pinyibijak ka abah-i birajar.

PITAS 10:1

Ati inŭh pitas Solomon: Di anak adi bijak inŭh sama mingangŭn; anak adi budo bada sindŭ-i sangsara!

PITAS 13:1

Anak adi bijak dingah nakit kan sama-i nyara ngajar ayŭh, pak anak adi sambuh abah ngaku adŭp-i sarah.

PITAS 13:18

Daya adi abah birajar re sirata ka dog pimangŭh. Daya adi an dog ngajar dog stabi.

PITAS 15:4

Pinganang mandis nggen udip, pinganang mangah kandam.

PITAS 15:6

Pinyikaya daya tŭnggŭn pagŭng, pak pinyikaya daya ginaka manyap kan tipuh jera mandŭg.

PITAS 19:20

Kambŭi kuu dingah pinyitayan ka raan birajar, pinŭbŭn-i kuu re bijak.

PITAS 25:12

Pinyibakan so daya adi mbŭh sukup pandai dog nggen di daya adi an dingah inŭh rabis brega so sisin mas puan kah pimakai mas adi brega.

PITAS 6:23

Ajar ngara inŭh prita adi jawa; pinganang ngara inŭh adi dapŭd ngajar kuu munki kuu patut udip.

TITUS 2:15

Ngajar sopŭrŭg kayuh anŭ ka ngga sipuno kuasa mu ngatat ka nyibatur bara adi dingah kuu. Dŭhnyah bada daya dŭh bisaya di kuu.