PITAS 14:6 - Hakcipta - Biatah Bidayuh

⁶ Daya adi sambuh dŭh dapŭd jadi bijak, pak daya adi pitar sanang birajar.

PITAS 14:6 ပူးပေါင်းရင်းမြစ်များ

MAZMUR 119:18

Kuka batŭh ku, isa aku dapŭd kiris pinyawŭ bās di ukum-adat Mai.

PITAS 1:5

Pitas ati dapŭd nambah pinyipuan daya adi bijak ka nggen pinyiruton di daya adi bigatung sikura-i,

PITAS 14:5

Saksi adi bisa dog sabah ari kidaan kayuh adi sawŭ, pak saksi adi dŭh bisa dog sabah ari kadong.

PITAS 14:7

Pijo adŭp mu so daya adi budo; ngara dŭh biyŭn kayuh re-i ngajar di kuu.

PITAS 15:12

Daya adi gambung abah dog ngajar; ngara bŭn mite pinyitayan so ngara adi bijak.

PITAS 17:16

Daya adi budo saat duit adŭ ngga biranja sikura-i, sabab ayŭh dŭh pitar.

PITAS 17:24

Daya adi pitar nŭtŭn ndai pingandai bijak, pak pinŭtŭn daya budo dŭh tatu.

PITAS 18:2

Daya budo dŭh piduri bait-i mirati puan kah dŭh kayuh; anŭ adi ayŭh raan inŭh kiren pinyipuan adŭp-i.

PITAS 24:7

Pinganang bijak inŭh raru tŭrŭp re daya adi budo mirati. Ngara dŭh biyŭn kayuh re-i nang kan kayuh adi biguna dog kirakar.

PITAS 26:12

Daya adi siabo budo inŭh kana dŭ so daya adi pikir adŭp-i bijak pak sibatur-i dŭh.

PITAS 8:8

Barang masam kayuh adi aku nang inŭh sawŭ; mating adi sarah puan kah adi bisa kinanyap daya.

PITAS 8:9

Di ngara adi biyŭn pinyipitar, sopŭrŭg-i tarang; di ngara adi biyŭn pinyipuan, sopŭrŭg-i granan.

ISAIAH 8:20

Angān dŭh siŭn dŭh nam ngara, “Dingah kayuh adi TUHAN ngajar di angān! Dŭhnyah dingah pinganang daya adi minyu ngga simangi daya adi mbŭh kabŭs. Kayuh adi ngara kidaan di angān dŭh dapŭd pijo pinyusah.”

JEREMIAH 8:9

Bara daya ngan adi bijak mbŭh dog pimangŭh; ngara mbŭh riruk buang dŭh dapŭd nang ani ani. Ngara tirawan pinganang Ku; ani meh pinyibijak ngara madin?

1 CORINTH 8:2

Ngara adi pikir adŭp-i puan kayuh sibandar-i dŭh puan kayuh adi-i patut puan.

JAMES 1:5

Pak kambŭi agi so angān dŭh biyŭn pinyibijak, ayŭh patut bidua ka Tapa, adi an nggen-i di ayŭh; sabab Tapa inŭh adi an nggen ngga siabo asŭng-I di sopŭrŭg daya.