PITAS 14:31 - Hakcipta - Biatah Bidayuh

³¹ Kambŭi kuu kinanyuh daya sirata, kuu nggen mangŭh di Tapa adi napa ngara; pak mandis ngga daya sirata mbŭh tibiat daya adi nyambah Tapa.

PITAS 14:31 ပူးပေါင်းရင်းမြစ်များ

JOB 24:4

Ngara nagah daya sirata dapŭd hak ngara ka daya adi dŭh biyŭn ani ani an dŭh an bu di bisukan.

MAZMUR 12:5

“Pak madin aku re mandŭg,” nang TUHAN, “sabab ngara adi sirata dog kinanyuh ka adi dog kisiis nyidaing amai mandam. Aku re nggen di ngara pinyipagŭng adi ngara gruwŭn.”

PITAS 14:21

Kambŭi kuu raan sanang, mandis ngga daya sirata; bidosa nŭŭh ngamun daya.

PITAS 17:5

Kambŭi kuu tawŭh daya sirata, kuu ngamun Tapa adi napa ngara. Kuu re dog ukum kambŭi kuu birubi ngga nasip arap daya.

PITAS 19:17

Kan kuu turung daya adi sirata, anŭ inŭh keya ka nginjam kayuh ka TUHAN, ka adŭp TUHAN re bayar kuu.

PITAS 22:16

Kambŭi kuu nggen pinganggen ka daya kaya puan kah kinanyuh daya sirata ngga dapŭd kaya, kuu re jadi sirata.

PITAS 22:2

Kayuh ati inŭh adi brimun di daya kaya ngga daya sirata: soduwŭh ngara dog napa TUHAN.

PITAS 28:8

Kambŭi kuu jadi kaya amai tambit anak duit adi paŭh bigatung asŭng-i ka nyibudo daya, pinyikaya mu re di ka daya adi mandis ngga daya sirata.

EKLISIASTIS 5:8

Dŭhnyah gŭgŭh kan kuu kiris pritah kinanyuh daya sirata, dŭh pimanu pinyitŭnggŭn yŭn ngara ka dŭh piduri hak ngara. Barang naan pinurung pritah inŭh dog grindung sianŭ adi di tunduh ngara, ka sopŭrŭg ngara dog grindung pinurung adi bigatung dinge so ngara.

LEVITICUS 25:17

Dŭhnyah ngakar dingan adŭp ngan adi daya Israel, pak taru meh TUHAN.

LEVITICUS 25:35

Kambŭi tadŭ daya Israel adi rŭŭ bisindŭk ngga angān jadi sirata ka dŭh tungang nyiran adŭp-i, angān dŭh siŭn dŭh nggen di ngara nimun angān nggen di daya-gaji ngan, isa ngara bisa babŭ bisindŭk ngga angān.

JOHN 12:8

Angān re siraru biyŭn daya sirata ngga angān, pak angān dŭh re siraru agi ngga Aku.”

DITRONOMI 24:14

“Dŭhnyah ngakar daya-gaji adi sirata ka adi sutok bagŭ kayuh, bait-i daya Israel puan kah daya pinami adi rŭŭ darŭm ndi so dudu kupo ngan.

1 JOHN 4:21

Pinyipesan adi Kristus ko nggen di ata agi sakati: asi asi adi rindu Tapa dŭh siŭn dŭh rindu dingan-i gŭh.