PITAS 14:3 - Hakcipta - Biatah Bidayuh

³ Daya budo adi sambuh dog ukum sabab-i minyu rabis so patut, pak pinganang daya adi bijak grindung adŭp-i.

PITAS 14:3 ပူးပေါင်းရင်းမြစ်များ

JOB 5:21

Tapa re pirupas kuu so dog kinarap; Ayŭh re nyiramat kuu kan pinyirusag mandŭg.

MAZMUR 12:3

Bada pajam jura adi nganju, O TUHAN! Mapot baba sambuh ngara adi nang,

MAZMUR 31:18

Bada pajam ngara anŭ adi pingadong — sopŭrŭg adi sambuh ngga adi miruap adi ngamun daya tŭnggŭn.

MAZMUR 57:4

Aku dog kirurung bara pinganyu, adi keya ka singah sikirau an man dagin manusia. Jipŭh ngara keya ka jarok ngga reja-panah; jura ngara keya ka pedang adi reja.

PITAS 12:6

Pinganang daya adi ginaka siŭ, pak pinganang daya tŭnggŭn nyiramat daya.

PITAS 13:3

Nakit piruah pinganang mu ka jaga adŭp mu. Daya adi dŭh nakit minyu re bada adŭp-i binasa.

PITAS 14:4

Panggau mu re dŭh brisi kambŭi kuu dŭh biyŭn sapi ngga majak; pak-i re puno ngga gandom kambŭi kuu biyŭn sapi.

PITAS 18:6

Kan daya budo nimbur karit, ayŭh mite pukong.

PITAS 18:7

Kan daya budo minyu, ayŭh pirusak adŭp-i; ayŭh kudog adŭp-i ngga piminyu adŭp-i.

PITAS 21:24

Kiren di aku daya adi miruap ka aku re kiren di angān daya adi gambung, sambuh, ka adi dŭh biyŭn atin masi.

PITAS 22:8

Daya adi ndai pinyusah re dog nyatŭk pinyusah, ka baji ngara adi sipŭ anŭ re mating tia.

PITAS 28:25

Atin bidagis taban pinyusah. Kana dŭ nŭŭh sabah di TUHAN.

DANIEL 7:20

Ka aku raan puan pasar simŭng tanduk anŭ di tunduh ubak-i ka tanduk anŭ adi ruah ripas anŭ adi dimbut taruh tanduk adi bŭkŭn. Tanduk anŭ biyŭn batŭh ka baba ka mbŭh minyu gambung. Tanduk anŭ mbŭh rabis taru nŭŭh kiris so adi bŭkŭn.

2 PETER 2:18

Ngara piruah piminyu sambuh ka sipadin, ka pakai pinyiripong pŭrŭng ngga kudog daya adi aŭn suba an pirupas adŭp-i so bara daya adi udip darŭm sarah.

PINANDŬNG 12:11

Bara dingan ta manang rawan ayŭh da deya Anak Biri ka da agah so Tapa adi ngara piagah. Ngara sanggup ruban asŭng-i.

PINANDŬNG 3:10

Sabab kuu mbŭh dingah pinyipesan Ku ngga mu jadi tŭtŭd, Aku re kingat gŭh kuu di tika pinyusah adi re mandŭg ka ong adi ngga sopŭrŭg daya di ong dog suba.

1 SAMUEL 2:3

Pirŭŭ pinganang miruap ngan; bada pajam pinganang sambuh ngan. amai TUHAN inŭh Tapa adi puan, ka Ayŭh tingga arap kana di sopŭrŭg kraja pingandai daya.