PITAS 13:7 - Hakcipta - Biatah Bidayuh

⁷ Agi daya ngakar mun daya kaya, pak dŭh biyŭn ani ani. Agi adi ngakar mun daya sirata, pak biyŭn bagŭ buat-rata.

PITAS 13:7 ပူးပေါင်းရင်းမြစ်များ

PITAS 11:24

Agi daya adi barang ka mun-i pakai duit-i ka babŭ gŭh bitambah kaya. Adi bŭkŭn raru nakit, pak babŭ gŭh bitambah sirata.

PITAS 12:9

Kana dŭ nŭŭh jadi daya saja adi nyiraja jiroh man, so nŭŭh ngakar jadi daya bās pak sibŭrŭk.

PITAS 13:11

Pinyikaya adi udah nŭŭh dapŭd, rikas abo; pak buat-rata adi nisŭ nisŭ nŭŭh dapŭd re dŭ dŭ bitambah.

PITAS 13:8

Daya kaya pakai duit-i ngga nyiramat asŭng-i, pak daya sirata dŭhsah ndai simŭnŭ.

LUKE 12:20

Pak Tapa nang di ayŭh, ‘Kuu budo! Ngarŭm ati simangi mu re tingge kuu; ka asi meh re dapu kayuh kayuh anŭ adi kuu ko nyikŭn yŭn adŭp mu?’ ”

LUKE 12:21

Ngga kubo dundan-I, Jesus nang, “Simŭnŭ inŭh kayuh di daya adi nugung buat-rata yŭn adŭp-i, pak dŭh-i kaya di batŭh Tapa.”

LUKE 12:33

Jua sopŭrŭg kayuh adi angān biyŭn ka nggen duit anŭ di daya sirata. Ndai yŭn adŭp ngan kambut duit adi dŭh bisa rusak, ka nyikŭn buat-rata ngan di shorga. Diginŭ rata ngan dŭh bisa kurang, amai pinaku dŭh dapŭd nyindŭk-i ka gŭgŭt dŭh dapŭd pirusak-i.

1 CORINTH 4:8

Angān mbŭh biyŭn kah sopŭrŭg kayuh adi angān biguna? Angān mbŭh kaya kah? Angān mbŭh jadi raja kah darŭm kieh jadi daya au-tarun? Batang ku an bada angān sawŭ mbŭh jadi raja, isa kieh bisa jadi raja ngga angān.

2 CORINTH 4:7

Pak kieh adi biyŭn rata roh ati agi keya ka tipayan biasa, siŭn-i kiren kuasa adi siabo bās taŭn mbŭh tung Tapa, dŭh tung jami.

2 CORINTH 6:10

Sunggu dog pinyusah, kieh siraru gaŭn; mun adi sirata, pak kieh bada bagŭ daya kaya; mun adi dŭh biyŭn kayuh, pak kieh biyŭn sopŭrŭg kayuh.

JAMES 2:5

Ingat nŭh, angān adi aku rindu! Tapa mbŭh mien daya sirata di ong ati da jadi kaya darŭm pinyabah. Ngara re dapu pinyipritah Tapa nimun adi-I ko bijanji an nggen di ngara adi rindu di Ayŭh.

2 PETER 2:19

Ngara bijanji an nggen pinyirupas di ngara pak adŭp-i urun pimudip adi sipŭ; amai sawŭ, ata taŭn urun tadŭ kayuh adi mbŭh ngarah ata.

PINANDŬNG 2:9

Aku puan pinyusah mu; Aku puan kuu sirata, pak kuu sawŭ kaya! Aku puan pinganang arap adi daya nang maka kuu. Ngara nang adŭp-i daya Jahudi pak sibandar-i dŭh. Ngara inŭh tibaran adi dog dapu Shetan!

PINANDŬNG 3:17

Kuu nang, ‘Aku ati kaya ka mbŭh udip sanang; aku biyŭn sopŭrŭg kayuh adi aku biguna.’ Pak kuu dŭh puan munki masam payah ka susah-i kuu! Kuu sirata, sitagor, ka karak.