PITAS 13:16 - Hakcipta - Biatah Bidayuh

¹⁶ Daya bijak ari bipikir diŭ so-i ndai kayuh, pak daya adi budo piranggah budo bawa adŭp-i.

PITAS 13:16 ပူးပေါင်းရင်းမြစ်များ

MAZMUR 112:5

Sanang inŭh daya adi dŭh sibut buang gagā nginjam duit ka daya, adi ndai kraja-i ngga jujur.

PITAS 14:33

Pinyibijak inŭh di barang pikir-kira daya adi pitar; daya adi budo dŭh puan ani ani pasar pinyibijak.

PITAS 15:2

Kan daya bijak minyu, ngara bada pinyipuan tarik atin daya, pak pinganang daya budo kaŭs-i pinganang au-tarun.

PITAS 18:2

Daya budo dŭh piduri bait-i mirati puan kah dŭh kayuh; anŭ adi ayŭh raan inŭh kiren pinyipuan adŭp-i.

PITAS 21:24

Kiren di aku daya adi miruap ka aku re kiren di angān daya adi gambung, sambuh, ka adi dŭh biyŭn atin masi.

EKLISIASTIS 10:13

Ngara piguru minyu ngga pinganang adi dŭh tatu ka pinŭbŭn-i ngara minyu mun daya gira.

EKLISIASTIS 10:3

Pinyibudo ngara taŭn tatŭng, ndŭg ka di batŭh daya saruh adi ngara ngga bidapŭd di aran; ngara kiren adŭp-i budo di barang naan daya.

ISAIAH 52:13

TUHAN nang, “Urun Ku re mujur darŭm kraja-i; ayŭh re bandar dog stabi.

MATTHEW 10:16

“Dingah ati! Aku pait angān keya ka biri ka ruang kasong tarun. Angān dŭh siŭn dŭh an nakit mun jippŭh ka duduh mun manuk asang.

ROME 16:19

Sopŭrŭg daya mbŭh dingah pasar angān adi mbŭh tŭtŭd di Agah Kana anŭ, ka sabab anŭ aku mbŭh sanang asŭng di angān. Aku raan angān bijak jeja ka kayuh adi kana, pak bawa jeja ka kayuh adi arap.

1 CORINTH 14:20

Dŭhnyah bipikir mun anak daya, bara dingan ku. Angān patut keya ka anak-anya jeja ka kayuh adi arap, pak jadi daya tuuh darŭm pikir ngan.

EPHESUS 5:17

Dŭhnyah budo, pak suba jiroh ani anŭ adi Tuhan raan angān ndai.

1 SAMUEL 25:17

Turung bipikir pasar kayuh ati ka matŭd pikir mai yŭn ani patut dog ndai. Kayuh bisa jadi pinyirusag di tuan ami ka di sopŭrŭg rawang-i. Ayŭh anŭ paŭh kapang ka dŭh raan dingah kayuh nang daya!”

1 SAMUEL 25:25

Turung dŭhnyah piduri Nabal. Ayŭh anŭ mating kana-i! Ayŭh batur sak rati dŭn-i gŭh sibudo! Aku mating diginŭ kan daya-gaji mai mandŭg, tuan.