PITAS 12:15 - Hakcipta - Biatah Bidayuh

¹⁵ Daya budo ari pikir adŭp-i batur. Daya bijak dingah pinyitayan.

PITAS 12:15 ပူးပေါင်းရင်းမြစ်များ

PITAS 1:5

Pitas ati dapŭd nambah pinyipuan daya adi bijak ka nggen pinyiruton di daya adi bigatung sikura-i,

PITAS 13:1

Anak adi bijak dingah nakit kan sama-i nyara ngajar ayŭh, pak anak adi sambuh abah ngaku adŭp-i sarah.

PITAS 13:10

Pinyigambung kaŭs-i nimbur pinyusah. Bijak dŭ nŭŭh mite pinyitayan.

PITAS 14:12

Aran adi kuu pikir batur, pinŭbŭn-i bisa nuju pinyikabŭs.

PITAS 14:16

Daya bijak nakit kingat adŭp-i buang pijo adŭp-i so pinyusah, pak daya budo dŭh nakit kingat adŭp-i buang paŭh girungos ndai kayuh.

PITAS 16:2

Kuu bisa nang barang masam kayuh adi kuu ndai batur, pak TUHAN adi puan pinŭtŭn atin mu.

PITAS 16:25

Aran adi kuu pikir aran adi batur, bisa jadi aran nuju pinyikabŭs.

PITAS 19:20

Kambŭi kuu dingah pinyitayan ka raan birajar, pinŭbŭn-i kuu re bijak.

PITAS 21:2

Kuu bisa pikir sopŭrŭg kayuh adi kuu ndai batur, pak ingat nŭh, TUHAN adi puan isi atin manusia.

PITAS 26:12

Daya adi siabo budo inŭh kana dŭ so daya adi pikir adŭp-i bijak pak sibatur-i dŭh.

PITAS 26:16

Daya tibanga nang adŭp-i rabis pitar so ju naan daya adi dapŭd nam ngga timatŭk.

PITAS 28:11

Daya kaya ari pikir adŭp-i bijak, pak daya adi sirata adi mirati re puan asi ngara.

PITAS 3:7

Dŭhnyah kuu pikir adŭp mu bijak so adi sibatur-i kuu; tunda pinganang TUHAN ka pijo adŭp mu so pingandai sarah.

PITAS 30:12

Agi daya pikir adŭp-i bisig pak sibatur-i ayŭh raru kais.

PITAS 9:9

Ani ani kayuh nang mu di daya bijak re bada ngara rabis bijak. Tadŭ tadŭ kayuh adi kuu kidaan di daya tŭnggŭn re nambah pinyipuan ngara.

EKLISIASTIS 4:13

Daya bisa ruah so udip sirata ka jadi raja di rais-i, puan kah ruah so ramin jer di guru di takta, pak kambŭi darŭm ayŭh mbŭh minyamba ka raru budo abah dingah pinyitayan, ayŭh dŭh re nama daya adi mara adi sirata pak pitar.

LUKE 18:11

Daya Pharisee anŭ mijog sadi-i ka bidua, ‘Aku nggen trima kaseh di Kaam, Tapa, sabab aku dŭh tama, dŭh pinipu, puan kah pinanggah, mun daya bŭkŭn. Aku nggen trima kaseh di Kaam amai aku dŭh mun daya pinsuke ajeh.

GALATIA 6:3

Kambŭi angān pikir adŭp ngan kana, darŭm sibandar-i angān dŭh, angān kadong adŭp ngan.