PITAS 10:8 - Hakcipta - Biatah Bidayuh

⁸ Daya adi bijak trima pinyitayan. Daya adi minyu budo re binasa.

PITAS 10:8 ပူးပေါင်းရင်းမြစ်များ

MAZMUR 119:34

Kidaan rati ukum-adat Mai di aku, ka aku re tunda-i; aku re sita-i ngga siabo atin ku.

PITAS 1:5

Pitas ati dapŭd nambah pinyipuan daya adi bijak ka nggen pinyiruton di daya adi bigatung sikura-i,

PITAS 10:10

Daya adi sukan kayuh adi sawŭ nimbur pito, pak daya adi ngika ngga atin adi sawŭ bada daya bamai.

PITAS 10:14

Daya adi bijak nguruk ngga situngang tungang-i pinyipuan, pak kan daya adi budo minyu, pito marar timbur.

PITAS 12:1

Ngara adi rindu pinyipuan raru raan dog ngajar kan ngara sarah. Daya adi abah dog ngajar taŭn-i budo.

PITAS 12:13

Daya ginaka dog mirakap pinganang adŭp ngara, pak daya adi kana nyiramat adŭp ngara so pinyusah.

PITAS 13:3

Nakit piruah pinganang mu ka jaga adŭp mu. Daya adi dŭh nakit minyu re bada adŭp-i binasa.

PITAS 14:23

Nyiraja ka kuu re dapŭd utung; kambŭi kuu guru kamati kamanŭ kirakar, kuu re sirata.

PITAS 14:8

Mani daya adi pandai bijak? Sabab ayŭh puan kayuh adi an-i ndai. Mani daya adi budo tibudo bada budo bawa adŭp-i? Sabab ayŭh kaŭs-i pikir adŭp-i puan.

PITAS 9:8

Dŭhsah nyara ngajar daya adi sambuh; ngara re tiru di kuu ripas anŭ. Pak kambŭi kuu nyara ngajar daya adi bijak, ngara re stabi di kuu.

PITAS 9:9

Ani ani kayuh nang mu di daya bijak re bada ngara rabis bijak. Tadŭ tadŭ kayuh adi kuu kidaan di daya tŭnggŭn re nambah pinyipuan ngara.

EKLISIASTIS 10:12

Kayuh adi daya bijak nang taban stabi ka adŭp ngara, pak daya budo rusak bada pinganang adŭp ngara.

JAMES 3:13

Agi kah di dupan ngan daya adi bijak buang mirati? Ayŭh an kiren-i ngga aran pimudip-i adi kana, ka ngga kraja pingandai-i adi kana adi dog ndai ngga atin tŭkŭn ka ngga pinyibijak.