PITAS 1:7 - Hakcipta - Biatah Bidayuh

⁷ An biyŭn pinyibijak, nŭŭh dŭh siŭn dŭh an diŭ stabi ka taru di TUHAN. Daya adi budo bawa dŭh biyŭn stabi di pinyibijak ka abah-i birajar.

PITAS 1:7 ပူးပေါင်းရင်းမြစ်များ

JOB 28:28

Tapa nang di manusia, “An bijak, angān dŭh siŭn dŭh stabi di TUHAN. An mirati, angān dŭh siŭn dŭh taran kayuh arap.”

MAZMUR 111:10

Aran ngga jadi bijak inŭh stabi di TUHAN; Ayŭh nggen atin mirati di ngara adi dingah pesan-I. Ayŭh dog stabi ndŭg situi tui.

PITAS 1:22

“Daya budo! An tian-ki dinge angān budo? An tian-ki dinge angān ngamun pinyipuan? Sinde angān re birajar?

PITAS 15:32

Kambŭi kuu abah birajar, kuu kandam adŭp mu. Kambŭi kuu trima ajar kan daya nyara ngajar kuu, kuu re jadi rabis bijak.

PITAS 15:33

Taru ka stabi di TUHAN ngajar kuu pinyibijak. Kuu dŭh siŭn dŭh an pirapat adŭp mu kambŭi an dog stabi.

PITAS 15:5

Daya adi budo nyibireu ajar sama-i; daya adi bijak trima ajar kan sama-i nyara ngajar ayŭh.

PITAS 18:2

Daya budo dŭh piduri bait-i mirati puan kah dŭh kayuh; anŭ adi ayŭh raan inŭh kiren pinyipuan adŭp-i.

PITAS 2:5

Kambŭi kuu ndai simŭnŭ, kuu re puan ani rati nŭŭh taru TUHAN ka kuu re mujur darŭm kuu birajar pasar Tapa.

PITAS 23:9

Dŭhnyah minyu bijak ngga daya adi budo; ayŭh dŭh biguna di pinganang mu.

PITAS 9:10

Kambŭi kuu raan jadi bijak kuu dŭh siŭn dŭh diŭ stabi ka taru di TUHAN. Kambŭi kuu puan Ayŭh adi Kudus, kuu biyŭn pinyimirati.

EKLISIASTIS 12:13

Pungus-i, ndi adŭ kayuh an nŭŭh nang: stabi di Tapa, ka tunda pinyipesan-I, amai yŭn anŭ inŭh manusia dog napa.

ROME 1:28

Sabab ngara abah ngaku Tapa, Tapa mbŭh tandah ngara ka darŭm pikir adi arap, isa ngara ndai kayuh adi ngara dŭh patut ndai.

DITRONOMI 4:6

Sita-i ngga atin tŭtŭd, ka simŭnŭ angān re kiren di bangsa bangsa bŭkŭn munki masam bijak angān. Kan ngara dingah sopŭrŭg ukum-adat anŭ, ngara re nang, ‘Sawŭ bijak ngga mirati bangsa adi bās anŭ!’