PITAS 1:24 - Hakcipta - Biatah Bidayuh

²⁴ Mbŭh tian-ti aku bagan angān, ngaja angān, pak angān abah dingah. Angān dŭh piduri aku.

PITAS 1:24 ပူးပေါင်းရင်းမြစ်များ

2 KRONIKEL 33:10

Sunggu TUHAN bakan Manasseh ngga bara daya-i, ngara abah dingah pinyibakan anŭ.

2 KRONIKEL 36:16

Pak ngara napat bara pinyisung Tapa, dŭh tambit piduri di pinganang-I ka tawŭh bara nabi-I, ndŭg ka pinŭbŭn-i TUHAN mbŭh raru baji di daya-I ka mating aran ngara re tungang pirupas adŭp-i so ukum-I.

JOB 33:14

Sunggu Tapa pari pari minyu, daya mating piduri kayuh nang-I.

MAZMUR 31:20

Kaam sukan ngara di yŭn pinyirŭŭ Mai so pekat daya; darŭm pinyigrindung adi siramat Kaam sukan ngara so dog pimangŭh pinganyu ngara.

PITAS 29:1

Kambŭi kuu bitambah baking tiap kari kuu dog nyara, agi andu kuu re binasa ka re dŭh dapŭd makat.

ISAIAH 50:2

“Mani daya Ku abah kambat Aku kan Aku mandŭg tudu ngara an nyiramat ngara? Mani ngara abah nam kan Aku bagan? Aku ati ramah kah, ka dŭh dapŭd nyiramat ngara? Aku bisa nyibadŭh rawŭt ngga ndi bang piminyu ka marik sungi sungi bada jadi tarun tana-sumat, isa iken iken adi darŭm-i kabŭs dŭh biyŭn piin.

ISAIAH 65:12

Angān re kabŭs dog siŭ ngga pedang, sabab angān dŭh nam kan Aku bagan bait dingah kan Aku minyu. Angān mbŭh raan dŭ nyibireu Aku ka ndai arap.

ISAIAH 65:2

Aku mbŭh ari sidia an kambat daya Ku, adi baking buang ngandŭ ndai kayuh adi sarah ka tunda pinyiraan adŭp-i.

ISAIAH 66:4

Jadi Aku re bada pinyirusag nyatŭk ngara, kayuh adi ngara taru, sabab mating daya nam kan Aku bagan bait dingah kan Aku minyu. Ngara raan dŭ nyibireu Aku ka ndai arap.”

JEREMIAH 35:17

Jadi madin, Aku, adi TUHAN Bisa-pŭrŭg, adi Tapa Israel, re taban ka angān adi daya Judah ngga daya Jerusalem sopŭrŭg pinyirusag adi Aku mbŭh nang re nyatŭk angān kambŭi angān dŭh an dingah pinganang Ku. Aku re ndai anŭ sabab angān abah dingah kan Aku minyu ngga angān, ka angān abah nam kan Aku bagan angān.”

JEREMIAH 44:16

“Kieh dŭh an dingah kayuh adi kuu nang ngga adŭn TUHAN.

JEREMIAH 7:13

Angān mbŭh ndai sopŭrŭg dosa anŭ, ka sunggu Aku pari pari minyu ngga angān, angān abah dingah. Angān abah nam kan Aku bagan angān.

EZEKIEL 8:18

Ngara re kinyam bisā baji Ku. Aku dŭh re tandah bait masi di ngara. Ngara re nyirais ngga situngang ngara nang dua ka Aku, pak Aku dŭh re dingah ngara.”

ZECHARIAH 7:13

Sabab ngara abah dingah kan Aku minyu, Aku dŭh nam kan ngara bidua.

PINGANDAI 4:30

Ton tangan Mai pibua daya adi birandam, ka bada pingandai-saruh ngga pingandai-nginga dog ndai ngga adŭn Jesus, Urun Mai adi kudus.”

ROME 10:21

Pak pasar Israel ayŭh nang, “Ndi andu andu Aku mbŭh ton tangan Ku an kambat daya adi tangek ka adi gagā birawan.”

1 SAMUEL 28:6

ka ayŭh rasu siken TUHAN ani re-i ndai. Pak TUHAN taŭn dŭh adŭ nam ayŭh, bait-i pakai pŭmŭh, puan kah pakai Urim ngga Thummim, puan kah so baba nabi.