PINYIRUAH 7:3 - Hakcipta - Biatah Bidayuh

^3-4 Pak Aku re bada raja baking, ka dŭh re dingah pinganang mu, sunggu munki masam bagŭ kayuh adi pitaru Aku ndai di Egypt. Komŭnŭ Aku re bada ukum adi bisā nyatŭk Egypt ka taban bara tibaran-asar daya Ku ruah so nŭ.

PINYIRUAH 7:3 ပူးပေါင်းရင်းမြစ်များ

NEHEMIAH 9:10

Kaam ndai pingandai-nginga ngga rawan raja, ka rawan bara pinurung-i ka bara daya tarun tana-i, sabab Kaam puan munki daya Mai dog kinanyuh. Di tika anŭ Kaam bada adŭn Mai timagah, ndŭg andu ati.

MAZMUR 135:9

Diginŭ Ayŭh ndai pingandai-nginga ngga pingandai saruh ngga ngukum raja samŭn bara pinurung-i.

MAZMUR 78:12

Di sirung jawin tayung-babuk ngara, Tapa ndai pingandai-nginga di rabak Zoan di tarun tana Egypt.

PINYIRUAH 11:10

Moses ngga Aaron ndai sopŭrŭg pingandai-nginga anŭ di sirung jawin raja, pak TUHAN bada ayŭh baking ka abah-i bada daya Israel ruah so rais-i.

PINYIRUAH 11:9

TUHAN mbŭh nang di Moses, “Raja re babŭ dŭh raan dingah pinganang mu, isa Aku bisa nambah pingandai-nginga Ku di Egypt.”

PINYIRUAH 14:4

Aku re bada ayŭh baking, ka ayŭh re tadak angān, ka pimanang Ku ngarah raja ngga bara tibaran soldadu-i re taban bragah ka adŭp Ku. Nganŭ daya Egypt re puan nang Aku ati TUHAN.” Daya Israel ndai nimun adi mbŭh dog kidaan.

PINYIRUAH 3:20

Pak Aku re pakai kuasa Ku ka re ngukum Egypt ngga pingandai adi bisā diginŭ. Ripas anŭ ayŭh re bada angān panu.

PINYIRUAH 4:21

TUHAN nang di Moses dinge, “Amai madin kuu pari ka Egypt, kuu dŭhnyah dŭh ndai sopŭrŭg pingandai-nginga adi Aku muko nggen kuasa di kuu ngga ndai, di sirung jawin raja. Pak Aku re bada atin raja anŭ baking, ka ayŭh dŭh re bada daya Israel bu so Egypt.

PINYIRUAH 4:29

Jadi Moses ngga Aaron matak ka Egypt ka bagan sopŭrŭg pinguru daya Israel da tikuruk.

PINYIRUAH 4:7

Ka TUHAN nang, “Kasŭk tangan mu dinge ka darŭm jipo-ambu mu.” Ayŭh kasŭk, ka kan ayŭh piruah tangan-i kari ati, tangan-i anŭ bua, nimun parad ganan-i adi bŭkŭn.

PINYIRUAH 7:13

Pak raja gibabŭ gŭh baking ka, sak adi TUHAN ko nang, raja dŭh an dingah pinganang Moses ngga Aaron.

PINYIRUAH 9:16

Pak ngga Aku kiren kuasa Ku di kuu, Aku mbŭh tandah kuu udip isa Adŭn Ku dog puan di ndi ong ong.

PITAS 21:1

TUHAN sanang nguasa pikir-kira raja mun Ayŭh ngatur kamaki sungi aman.

ISAIAH 51:9

Makat, TUHAN, ka turung kieh! Nyiramat kieh pakai kuasa Mai; pakai-i mun Kaam pakai-i ndun jah. Kaam inŭh adi pirŭsŭb Rahab.

MICAH 7:15

Ndai pingandai-nginga yŭn ami, TUHAN, nimun adi muko Mai ndai di tika Kaam taban kieh ngga ruah so Egypt.

JOHN 4:48

Jesus nang di ayŭh, “Kambŭi dŭh kiris pingandai-nginga ka pingandai-saruh, angān dŭh an sabah.”

PINGANDAI 2:22

“Dingah pinganang ku ati, angān adi bara dingan ku daya Israel! Jesus so Nazareth, pimandŭg-I so Tapa mbŭh dog natu di angān darŭm pingandai-nginga ngga pingandai-saruh adi Tapa mbŭh ndai so Ayŭh. Adŭp ngan mbŭh puan kayuh anŭ, amai-i mbŭh jadi di ruang ngan.

PINGANDAI 7:36

Ayŭh taban bangsa Israel ruah so Egypt, ndai pingandai-nginga ngga pingandai-saruh di Egypt ka di Rawŭt Bireh ka sitadŭn pat puru sawa di tarun tana-pajam.

ROME 15:19

so kuasa pingandai-nginga ngga pingandai-saruh, ka so kuasa Roh Kudus. Ngapŭi meh, darŭm panu bijaruh so Jerusalem ndŭg Illyricum, aku agi piagah Agah Kana pasar Kristus.

ROME 9:18

Jadi meh, Tapa kiren masi di tadŭ daya Ayŭh raan, ka Ayŭh bada baking tadŭ daya Ayŭh raan.

DITRONOMI 4:34

Agi kah tapa adi pagan tambit daya so bangsa bŭkŭn ka bada ngara jadi daya adŭp-i, nimun adi TUHAN adi Tapa ngan mbŭh ndai yŭn ngan di Egypt? Angān mbŭh kiris ngga batŭh adŭp ngan Ayŭh pakai kuasa bās-I ngga pinyibake-I. Ayŭh nimbur sesak-andam ngga perang. Ayŭh ndai pingandai-nginga ngga pingandai saruh, ka bada kayuh adi bisā timbur.

DITRONOMI 7:19

Ingat nŭh sesak-andam adi angān mbŭh kiris ngga batŭh adŭp ngan, pingandai-nginga, ngga pingandai saruh, ka kuasa bās ngga pinyibake adi ngga TUHAN adi Tapa ngan pirupas angān. Simŭnŭ Ayŭh pirabur daya Egypt, simŭnŭ gŭh Ayŭh re pirabur sopŭrŭg daya anŭ adi angān taru madin.