PINYIKIANG 7:10 - Hakcipta - Biatah Bidayuh

¹⁰ Bara pinguru gŭh taban dudu pinganggen ngga sita gawai atur adat nyikudus mija-sambah. Kan ngara mbŭh sidia re jugan pinganggen ngara di mija-sambah,

PINYIKIANG 7:10 ပူးပေါင်းရင်းမြစ်များ

1 RAJA 8:63

Ayŭh nyadis 22, 000 pŭrŭng sapi ka 120,000 pŭrŭng biri ndu sadis bidingan. Jadi raja ngga sopŭrŭg daya nyikudus Ramin TUHAN.

2 KRONIKEL 7:5

Ayŭh nyadis 22,000 pŭrŭng sapi ka 120,000 biri ndu sadis bidingan. Simŭnŭ inŭh ayŭh ngga sopŭrŭg daya nyikudus Ramin TUHAN.

2 KRONIKEL 7:9

Ngara bigawai sita ju andu mija-sambah dog nitah, ka komŭnŭ ngara bigawai ju andu dinge. Andu adi sikasŭn anŭ ngara tŭŭp gawai,

NEHEMIAH 12:27

Kan sindung kupo Jerusalem dog nyikudus, bara daya Levi dog taban kamanŭ so yŭn ngara rŭŭ, isa ngara dapŭd sua darŭm kraja nyikudus anŭ buang nang ragu trima kaseh dog kayak ngga jawŭn sigager ka kachapi.

NEHEMIAH 12:43

Di andu anŭ bagŭ sadis dog jugan, ka bara daya mbŭh raru gaŭn sabab Tapa mbŭh bada ngara pawŭn. Bara dayung ngga anak-anya sua di gawai anŭ, ka dudu adi ngara ndai dapŭd dog dingah so jo.

MAZMUR 30:1

Aku muji Kaam, TUHAN, sabab Kaam mbŭh nyiramat aku ka dŭh bada pinganyu ku tawŭh aku.

PINYIKIANG 7:1

Kan Bari TUHAN mbŭh abo dog pijog Moses, ayŭh nginyo ka nyikudus Bari anŭ ngga sopŭrŭg pingakas-i, samŭn mija-sambah ngga sopŭrŭg pingakas-i.

PINYIKIANG 7:11

TUHAN nang di Moses, “Kidaan di ngara nang barang andu darŭm tipuh simŭng duwŭh andu ndi naan so bara pinguru an jugan pinganggen-i yŭn atur adat nyikudus mija-sambah.”

PINYIKIANG 7:84

Prungun pinganggen adi dog taban simŭng duwŭh pinguru yŭn atur adat nyikudus mija-sambah inŭh simuti: — 12 makuk pirak ngga 12 sambong pirak adi prungun bat-i 27.6 kilogram, — 12 pinggen mas adi prungun bat-i 1.32 kilogram, ka puno ngga kimanyan, — 12 pŭrŭng dari sapi, 12 pŭrŭng dari biri, 12 anak biri adi ndi sawa umbur-i, samah ngga sadis ruwang kayuh, yŭn sadis badang. — 12 kambing yŭn sadis taran dosa, — 24 dari sapi, 60 dari biri, 60 kambing, 60 anak biri adi ndi sawa umbur-i, yŭn sadis bidingan.

DITRONOMI 20:5

“Komŭnŭ bara pingubak soldadu re minyu ngga bara soldadu-i, nang, ‘Agi kah daya digiti adi muran ko pijog ramin-i, pak gibayuh man siramat ramin-i anŭ? Kambŭi agi, ayŭh siŭn mari. Amai sibia ayŭh kabŭs dog siŭ darŭm perang, daya bŭkŭn meh re man siramat ramin-i anŭ.