PINYIKIANG 18:3 - Hakcipta - Biatah Bidayuh

³ Di ribo kuu ngara an pijadi kraja ngara samŭn pinanggong ngara di Bari Ku, pak ngara dŭh siŭn nyingŭg kayuh kayuh kudus di Yŭn Kudus puan kah mija-sambah. Kambŭi ngara miranggar atur anŭ, kuu ngga ngara re dog ukum kabŭs.

PINYIKIANG 18:3 ပူးပေါင်းရင်းမြစ်များ

EZEKIEL 44:13

Ngara dŭh siŭn jadi imam Ku bait nyindŭk tadŭ tadŭ kayuh adi kudus yŭn Ku bait mŭrŭt Yŭn adi Siabo Kudus. Ati inŭh ukum yŭn pingandai sipŭ adi ngara mbŭh ndai.

PINYIKIANG 1:51

Kan angān mindah bari bari ngan, daya Levi siŭn natas Bari-Ku ka pijog-i dinge di barang tarun yŭn bibari adi bauh. Tadŭ daya adi nyindŭk Bari-Ku siŭn dog ukum kabŭs.

PINYIKIANG 1:53

Pak daya Levi siŭn bibari kirurung Bari-Ku, isa mating daya mandŭg nyindŭk ka bada baji Ku nyatŭk barang naan daya Israel.”

PINYIKIANG 16:40

Kayuh anŭ jadi pinyibakan di daya daya Israel nang mating daya adi dŭh so sesang Aaron bisa mandŭg ka mija-sambah di badang kimanyan yŭn TUHAN. Te ayŭh dog pirabur rai-i mun Korah ngga bara daya-i. Sopŭrŭg anŭ mbŭh dog ndai nimun TUHAN ko pesan Eleazar so Moses.

PINYIKIANG 18:4

Ngara siŭn nyiraja ngga kuu ka pijadi pinanggong ngara yŭn sopŭrŭg kraja pingandai di Bari Ku, pak daya adi dŭh dog nggen hak ndai kraja diginŭ dŭh siŭn nyiraja ngga kuu.

PINYIKIANG 18:7

Pak kuu ngga anak anak dari mu sadi adŭ siŭn pijadi sopŭrŭg pinanggong imam tura ka mija-sambah ka kayuh adi di Yŭn adi Siabo Kudus. Kayuh kayuh anŭ inŭh pinanggong mu, sabab Aku mbŭh nggen di kuu kraja imam. Tadŭ daya adi dŭh dog nggen hak mandŭg nyindŭk kayuh kayuh adi kudus anŭ dŭh siŭn dŭh dog ukum kabŭs.”

PINYIKIANG 3:25

Ngara inŭh dapu tanggong di Bari TUHAN, sindung adi tura ka darŭm, sindung adi tura ka sapa, tabir tiban,

PINYIKIANG 3:31

Ngara dapu tanggong di Pati Simanya, mija, rika prita, mija mija-sambah, pingakas pingakas adi imam pakai di Yŭn Kudus, ka tabir adi di tiban Yŭn adi Siabo Kudus. Ngara inŭh adi dapu tanggong di sopŭrŭg kraja pingandai adi bigagit ngga kayuh kayuh anŭ.

PINYIKIANG 3:36

Ngara mbŭh dog tijuan bada dapu tanggong di sibukah Bari TUHAN, dudu parang, tiang, bangan, ka sopŭrŭg pingakas-i. Ngara inŭh adi dapu tanggong di sopŭrŭg kraja pingandai adi bigagit ngga kayuh kayuh anŭ.

PINYIKIANG 31:30

So utung adi bara daya Israel adi bŭkŭn dapu, tambit yŭn TUHAN ndi naan so barang rimŭh puru naan daya-takap, ka simŭnŭ gŭh ngga sapi, kaldi, biri, ka kambing. Nggen-i di bara daya Levi adi sita Bari TUHAN.”

PINYIKIANG 4:15

Kan-i mbŭh tika adi ngga bari dog natas, manak Kohath siŭn mandŭg di gŭrŭng kayuh kayuh kudus anŭ adŭ-i kan Aaron ngga anak anak dari-i muko nutu-i samŭn sopŭrŭg pingakas-i. Manak Kohath dŭh siŭn tama kayuh kudus anŭ; ngara kabŭs rai-i. Anŭ inŭh tah kraja pingandai manak Kohath kan Bari TUHAN dog mindah.