PINYIKIANG 15:3 - Hakcipta - Biatah Bidayuh

³ Ndi dari sapi, ndi dari biri, ndi biri puan kah kambing bisa dog jugan ka TUHAN ndu sadis badang, puan kah ndu sadis ngga pijadi payu, puan kah ndu sadis adi dog jugan so pinyiraan atin adŭp, puan kah ndu sadis adi angān ndai di tika gawai adat; dagŭn sadis pinguman anŭ pimunos asŭng TUHAN.

PINYIKIANG 15:3 ပူးပေါင်းရင်းမြစ်များ

TIBIRIK 8:21

Tapa mbŭh raru munos asŭng-I kan-I kadŭk dagŭn sadis anŭ, ka-i nang di adŭp-I, “Dŭh Aku re tia mangu ong sitagar kraja pingandai manusia; Aku puan so andu ngara gi-sŭ mara pikir-kira ngara taŭn mbŭh arap. Aku dŭh re tia pirusak tadŭ tadŭ kayuh adi udip, mun ati.

EZRA 7:17

“Angān an pakai duit anŭ ngga nakit ka miris dari sapi, dari biri, anak biri, gandom, ngga wain ka jugan-i di mija-sambah Ramin TUHAN di Jerusalem.

MAZMUR 54:6

Aku re ngga sanang asŭng jugan sadis ka Kaam, O TUHAN; aku re nggen trima kaseh ka Kaam sabab Kaam inŭh kana.

PINYIRUAH 29:18

Badang pŭrŭng dari biri anŭ di tunduh mija-sambah ndu sadis pinguman. Dagŭn sadis anŭ pimunos asŭng Ku.

PINYIRUAH 29:25

Komŭnŭ tambit pinguman anŭ so ngara ka badang-i di tunduh mija-sambah, nunduh sadis badang, ndu sadis pinguman ka Aku. Dagŭn sadis anŭ pimunos asŭng Ku.

PINYIRUAH 29:41

Nyadis anak biri anŭ adi numbor duwŭh ngga singumi andu, ka jugan samah ngga kiang adi tejah gŭh tibaduk gandom, inyo kanā, ka wain bada nyikiang sukad-i ngga anŭ adi mbŭh dog jugan ngga isan isan. Anŭ inŭh sadis pinguman adi dog jugan ka Aku, adi TUHAN, ka dagŭn-i pimunos asŭng Ku.

LEVITICUS 10:13

Man-i di tarun yŭn adi kudus, amai anŭ inŭh utung yŭn mu ngga bara anak dari mu so sadis pinguman adi mbŭh dog jugan ka TUHAN. Anŭ inŭh kayuh adi TUHAN ko pesan di aku.

LEVITICUS 27:2

atur-adat ati yŭn daya Israel: Kan tadŭ so angān mbŭh dog nggen ka TUHAN ngga pijadi payu, daya anŭ siŭn dog pirupas ngga rega nimun adi dog nyusud simuti,

LEVITICUS 7:16

Kambŭi daya taban sadis bidingan ngga pijadi payu, puan kah ndu sadis adi dog jugan so pinyiraan atin adŭp, dŭh sopŭrŭg-i siŭn dog man di andu-i dog jugan, pak kambŭi agi tadŭh-i ayŭh siŭn dog man di andu sipagi.

PINYIKIANG 28:27

Jugan sadis badang adi dagŭn-i pimunos asŭng TUHAN: duwŭh dari sapi adi gi-mara, ndi dari biri, ka ju anak dari biri adi mbŭh ndi sawa umbur-i; sopŭrŭg-i an adi pidanah.

PINYIKIANG 29:8

Jugan sadis badang ka TUHAN, adi dagŭn-i pimunos asŭng-I: ndi dari sapi adi gi-mara, ndi dari biri, ka ju anak dari biri adi ndi sawa umbur-i; sopŭrŭg-i an adi pidanah.

PINYIKIANG 6:15

Ayŭh siŭn jugan gŭh ndu sadis ndi bakur ruti adi dŭh biragi: baru ruti adi tabar adi dog ndai so tibaduk bigaur ngga inyo kanā ka biskit adi dog susen inyo kanā dieh, ngga nambah sadis gandom ngga sadis wain nimun adi mbŭh dog miratak.

MATTHEW 3:17

Komŭnŭ agi dog dingah sirŭŭn Tapa minyu, nang, “Ati inŭh Anak nyirot Ku, di Ayŭh asŭng Ku munos.”

2 CORINTH 2:15

Amai kieh agi keya ka kayuh adi buuh ramak dog jugan Kristus ka Tapa, di dupan ngara adi mbŭh siramat ka ngara adi mbŭh manyap.

2 CORINTH 2:16

Amai di ngara adi mbŭh manyap, anŭ mbŭh dagŭn madam adi bisa siŭ; pak di ngara adi siramat, anŭ mbŭh dagŭn wangi adi nggen udip. Asi meh garang, daya adi tungang ndai kraja bās anŭ?

EPHESUS 5:2

Pimudip ngan dŭh siŭn dŭh dog nguasa pinyirindu, nimun Kristus mbŭh rindu ata ka mbŭh nggen asŭng-I yŭn ta adi keya ka pinganggen adi buuh ramak ngga sadis adi pimunos asŭng Tapa.

DITRONOMI 12:11

TUHAN re mien ndi adŭ tarun adi yŭn adŭp-I re dog nyambah, ka diginŭ angān dŭh siŭn dŭh taban ka yŭn-I sopŭrŭg kayuh adi aku mbŭh pesan di angān: sadis ngan adi re dog badang ngga sadis ngan adi bŭkŭn, pinganggen ndi utung-so-simŭng ngan ngga pinganggen ngan adi bŭkŭn, ka pinganggen adi grua adi angān mbŭh bijanji an jugan ka TUHAN.

DITRONOMI 12:17

Mating kayuh adi jugan ngan ka TUHAN siŭn dog man di tarun adi yŭn ngan rŭŭ: pinganggen ndi utung-so-simŭng so gandom ngan dŭh gŭh, wain, puan kah inyo kanā ngan dŭh gŭh, puan kah anak bungas sapi ngga biri ngan, pinganggen adi angān muko bijanji an jugan ka TUHAN, sadis adi dog jugan so pinyiraan atin adŭp, puan kah tadŭ tadŭ pinganggen adi bŭkŭn.

DITRONOMI 12:6

Diginŭ angān siŭn jugan dudu sadis ngan adi an dog badang ngga sadis ngan adi bŭkŭn, pinganggen ndi utung-so-simŭng ngga pinganggen ngan adi bŭkŭn, pinganggen adi angān bijanji an jugan ka TUHAN, sadis adi dog jugan so pinyiraan atin adŭp, ka anak bungas sapi ngga anak bungas biri ngan.

PHILIPPI 4:18

Aku ngaku agi trima sopŭrŭg kayuh adi angān nggen, adi mbŭh rabis so sadang! Aku mbŭh trima sopŭrŭg pinganggen ngan so tangan Epaphroditus, ka madin aku mbŭh biyŭn sopŭrŭg-i adi aku biguna. Pinganggen ngan anŭ mbŭh keya ka pinganggen adi buuh ramak adi dog jugan ka Tapa, sadis adi tibirang buang pimunos asŭng-I.