PINYIKIANG 12:2 - Hakcipta - Biatah Bidayuh

² Ngara nang, “Agi kah TUHAN kaŭs-i minyu so baba Moses adŭ? Dŭh kah Ayŭh agi gŭh minyu so baba ta?” TUHAN dingah kayuh adi ngara nang.

PINYIKIANG 12:2 ပူးပေါင်းရင်းမြစ်များ

TIBIRIK 29:33

Ayŭh bite dinge ka biranak ndi anak dari dinge. Ayŭh nang, “TUHAN mbŭh nggen anak ati di aku gŭh, amai Ayŭh mbŭh dingah aku dŭh dog rindu”; ka-i kadŭn anak anŭ Simeon.

2 SAMUEL 11:27

Kan tipuh ngurid mbŭh ripuan, David bada ayŭh dog taban ka istana; ayŭh jadi sawŭn-i ka biranak ndi anak dari yŭn-i. Pak TUHAN dŭh munos asŭng-i di kayuh adi David mbŭh ndai.

2 RAJA 19:4

Raja-empaya Assyria mbŭh pait pingubak soldadu-i adi siabo bās pangkat-i bada ngamun Tapa adi udip. Isa-i TUHAN adi Tapa mai dingah pinganang pimangŭh anŭ ka ngukum ngara adi nang pinganang anŭ. Ka bidua meh yŭn daya ta adi gibabŭ udip.”

PINYIRUAH 4:14

TUHAN mbŭh baji di Moses ka nang, “Munki ngga jurud mu Aaron, adi daya Levi? Aku puan ayŭh pandai minyu. Sibandar-i ayŭh madin darŭm pimanu-i di dapŭd kuu ka re raru gaŭn bidapŭd ngga kuu.

PINYIRUAH 4:30

Aaron kidaan di ngara sopŭrŭg kayuh adi TUHAN ko kidaan di Moses, ka diginŭ gŭh Moses ndai sopŭrŭg pingandai-nginga di sirung jawin bara daya.

PINYIRUAH 5:1

Jadi Moses ngga Aaron di ka yŭn raja Egypt ka nang, “TUHAN adi Tapa Israel, nang, ‘Bada bara daya Ku ruah so Egypt, isa ngara bisa nyambah Aku di tarun tana-pajam.’ ”

PINYIRUAH 7:10

Jadi Moses ngga Aaron di ka yŭn raja ka ndai nimun TUHAN mbŭh pesan di ngara. Aaron taran sikud-i di sirung jawin raja, ngga di sirung jawin bara pinurung-i, ka-i marui jadi jippŭh.

PITAS 13:10

Pinyigambung kaŭs-i nimbur pinyusah. Bijak dŭ nŭŭh mite pinyitayan.

ISAIAH 37:4

Raja-empaya Assyria mbŭh pait pingubak soldadu-i adi siabo bās pangkat-i bada ngamun Tapa adi udip. Isa-i TUHAN adi Tapa mai dingah pinganang ngamun anŭ ka ngukum ngara adi nang-i. Jadi bidua ka Tapa yŭn daya ta adi gibabŭ udip.”

MICAH 6:4

Aku taban angān ngga ruah so Egypt; Aku nyiramat angān so dog piurun; Aku pait Moses, Aaron, ka Miriam bada nguru angān.

PINYIKIANG 11:1

Bara daya piguru mingungut di TUHAN pasar pinyusah ngara. Kan TUHAN dingah ngara, Ayŭh jadi baji ka pait apui bada nyatŭk ngara. Apui anŭ bijagu di ruang ngara ka man ndi bŭngŭn tarun yŭn bibari.

PINYIKIANG 11:29

Moses nam, “Bipikir kah kuu di kayuh ati? Kasi kambŭi TUHAN an nggen Roh-I di sopŭrŭg daya-I ka bada sopŭrŭg ngara nyirais sak bara nabi!”

PINYIKIANG 12:3

(Moses inŭh daya adi pirapat adŭp-i. Ayŭh pirapat adŭp-i rabis so daya bŭkŭn adi di ong.)

PINYIKIANG 16:3

Ngara tikuruk di yŭn Moses ngga Aaron ka nang di ngara, “Angān mbŭh rabis so patut! Sopŭrŭg daya Israel mbŭh tung TUHAN, ka TUHAN mbŭh agi ngga sopŭrŭg ta. Mani meh kaam, Moses, katuh adŭp mai bada bigatung so bara daya TUHAN?”

ROME 12:10

Rindu di dingan ngan nimun daya Kristen, ka gruwŭn adŭp ngan stabi di dingan ngan.

ROME 12:3

Ka sabab pinganggen-I adi sukup mandis di aku, aku nang di barang naan angān: Dŭhnyah nyikatuh adŭp ngan. Bada adŭp ngan sadang sadang di aran pikir-kira ngan, ka pirasa adŭp ngan nanyam ka pinyabah adi Tapa mbŭh nggen di angān.

PHILIPPI 2:14

Ndai sopŭrŭg kayuh dŭh ngga mingungut puan kah bikarit,

PHILIPPI 2:3

Dŭhnyah ndai kayuh so atin sibut puan kah so atin miruap sambuh, pak pirapat adŭp ngan buang siraru nyirundeng daya bŭkŭn agi kana dŭ so adŭp ngan.

1 PETER 5:5

Simŭnŭ gŭh angān daya adi babŭ mara, dŭh siŭn dŭh an nundok di daya adi tuuh. Ka sopŭrŭg ngan dŭh siŭn dŭh an taban atin tŭkŭn yŭn turung dingan ngan; amai Surat-kudus nang, “Tapa abah di daya adi sambuh, pak turung daya adi pirapat adŭp-i.”