PINANDŬNG 7:3 - Hakcipta - Biatah Bidayuh

³ Malaikat anŭ nang, “Dŭhnyah pirusak deyŭh, rawŭt, puan kah tŭngŭn kayuh, sibayuh kieh mbŭh nandā arŭ bara urun Tapa ta.”

PINANDŬNG 7:3 ပူးပေါင်းရင်းမြစ်များ

PINYIRUAH 12:13

Deya dāng adi susen ngan di uros uros tiban re jadi tandā ramin adi yŭn ngan rŭŭ. Kan Aku kiris deya anŭ, Aku re nandan angān ka dŭh re ngukum angān darŭm Aku panu ngukum daya Egypt.

PINYIRUAH 12:23

Kan TUHAN panu kudak tarun tana Egypt di siŭ bara daya Egypt, Ayŭh re kiris deya di parang ka di uros tiban, ka dŭh-I re bada Malaikat Pinyikabŭs mŭrŭt ramin ngan ka siŭ angān.

ISAIAH 27:8

Gaya TUHAN ngukum daya-I inŭh, Ayŭh taran ngara ka rais daya bŭkŭn. Ayŭh taban ngara ngga bu pakai sabak adi ganas so timor.

ISAIAH 54:17

Pak mating sinyata re dapŭd bada kuu kinaman; kuu re biyŭn pinyinam ngga nam daya adi nyarah kuu. Aku re ngibān urun urun Ku ka nggen pimanang di ngara.” TUHAN mbŭh minyu.

ISAIAH 6:13

Kambŭi ndi naan bait kani so simŭng naan babŭ di tarun tana anŭ, ayŭh gŭh re dog pirabur; ayŭh re keya ka tŭŭd tŭngŭn oak adi muko dog tabŭng.” (Tŭŭd inŭh tandā pimudip bauh yŭn daya Tapa.)

ISAIAH 65:8

TUHAN nang, “Mating daya pirusak buwa anggor adi kana; ngga ngara ndai wain kidŭ-i. Dŭh gŭh Aku re pirabur sopŭrŭg daya Ku, pak re nyiramat ngara adi bituan di Aku.

EZEKIEL 9:4

“Panu ka barang yŭn darŭm kupo Jerusalem ka na tandā di arŭ barang naan daya adi susah ka adi bipito sabab sopŭrŭg kayuh sipŭ adi dog ndai darŭm kupo.”

EZEKIEL 9:6

Siŭ daya adi minyamba, adi mara, sindŭ daya, ka anak anak daya. Pak dŭhnyah nyingŭg ngara adi biyŭn tandā di arŭ ngara. Piguru so ti, so Ramin Ku.” Jadi ngara piguru ngga bara pinguru adi mijog diginŭ darŭm Ramin TUHAN.

DANIEL 3:17

Kambŭi Tapa adi yŭn ami bituan dapŭd nyiramat kieh so buwang apui adi bijagu apui dieh ka so kuasa mai, Ayŭh dŭh re dŭh nyiramat kieh.

DANIEL 3:26

Jadi Nebuchadnezzar di ka tiban buwang apui adi bijagu apui dieh ka bagan, “Shadrach! Meshach! Abednego! Urun Tapa adi Siabo Bigatung! Ruah!” Ka ngara rasu ruah.

DANIEL 6:16

Jadi raja nggen ukum bada Daniel dog nakap, ka ayŭh dog taran ka darŭm rubang singah. Ayŭh nang di Daniel, “Isa-i Tapa mu, adi yŭn mu bituan ngga siabo asŭng mu, nyiramat kuu.”

ZEPHANIAH 2:3

Pari ka TUHAN, sopŭrŭg ngan adi di rais ati adi pirapat adŭp ngan, adi tunda pesan-I. Ndai kayuh adi batur, ka pirapat adŭp ngan di sirung jawin TUHAN. Kadŭ angān dapŭd pirupas adŭp ngan so ukum di andu anŭ adi ngga TUHAN kiren baji-I.

MALACHI 3:18

Daya Ku re kiris dinge ka puan ani anŭ adi jadi di daya tŭnggŭn ka ani anŭ adi jadi di daya ginaka, ani anŭ adi jadi di daya adi bituan di Aku ka ani anŭ adi jadi di sianŭ adi dŭh bituan di Aku.”

MATTHEW 24:22

Pak Tapa muko pisigŭt tipuh-i; kambŭi dŭh, mating manusia dŭm. Amai sitagar daya adi-I ko mien, Tapa sunggu mŭnŭ re pisigŭt tipuh anŭ.

MATTHEW 24:31

Trompet bās re jawŭn, ka Ayŭh re pait bara malaikat-I ka pat sikuh ong, ka ngara re nguruk daya adi-I ko mien so ong, so tŭbŭn ndi ndŭg tŭbŭn andi.

JOHN 12:26

Asi asi adi an bituan di Aku dŭh siŭn dŭh an tunda Aku, isa daya-gaji Ku siraru agi ngga Aku di tadŭ yŭn Ku. Ka Sama Ku re kibās barang naan daya adi bituan di Aku.

JOHN 3:33

Pak daya adi sabah pinganang-I mbŭh natu so dieh nang Tapa agi sawŭ.

ROME 6:22

Pak madin angān mbŭh dog pirupas so dosa ka mbŭh jadi urun Tapa. Utung ngan inŭh pimudip adi dog jugan ka Tapa, ka pinŭbŭn-i inŭh udip adi sawŭ adi tan adu adu.

PINANDŬNG 13:16

Dāng ati takan sopŭrŭg daya, sŭ bait bās, kaya bait sirata, daya urun bait daya bebas, da biyŭn tandā di tangan tauh puan kah di arŭ ngara.

PINANDŬNG 13:17

Mating daya siŭn miris kayuh puan kah bijua dŭh ngga tandā anŭ, anŭ inŭh, dŭn dāng anŭ puan kah numbor yŭn dŭn-i anŭ.

PINANDŬNG 14:1

Komŭnŭ aku tingga, ka diginŭ agi Anak Biri mijog di Sandah Zion; ngga Ayŭh agi 144,000 daya adi biyŭn adŭn-I ngga adŭn Sama-I dog nuris di arŭ ngara.

PINANDŬNG 14:9

Ndi naan dinge malaikat adi numbor taruh tunda ngara duwŭh adi diŭ, nang ngga sirŭŭn bana, “Ngara adi nyambah dāng anŭ ngga tibudo-i ka kambat tandā di arŭ ngara puan kah di tangan ngara

PINANDŬNG 19:2

Batur buang tŭnggŭn inŭh ukum-I! Ayŭh mbŭh nunggu dayung sundar anŭ adi kinanyap ong ngga pingandai kais-i. Tapa mbŭh ngukum ayŭh sabab ayŭh ko siŭ bara urun-I.”

PINANDŬNG 20:4

Komŭnŭ aku kiris takta takta, ka sopŭrŭg adi guru dieh dog nggen kuasa ngga nggen bisara. Aku kiris gŭh simangi ngara adi ko dog nggen ukum kabŭs sabab ngara piagah ajar adi sawŭ adi Jesus ko pinandŭng ka sabab ngara ngajar pinganang Tapa. Ngara mating nyambah dāng anŭ bait tibudo-i, dŭh gŭh kambat tandā dāng anŭ di arŭ puan kah di tangan ngara. Ngara udip dinge ka keya ka raja mritah ngga Kristus sitian siribu sawa.

PINANDŬNG 22:4

Ngara re kiris raŭn-I, ka adŭn-I re dog nuris di arŭ ngara.

PINANDŬNG 6:6

Aku dingah kayuh sak sirŭŭn mandŭg so pat dāng udip anŭ, adi nang, “Ndi kilogram gandom yŭn gaji ndi andu, ka taruh kilogram jeri yŭn gaji ndi andu. Pak dŭhnyah pirusak tŭngŭn tŭngŭn kanā ngga teya teya anggor!”

PINANDŬNG 7:1

Ripas anŭ aku kiris pat naan malaikat mijog di pat sikuh ong, bitan pat sabak isa-i dŭh poh di ong, di rawŭt puan kah maka tadŭ tadŭ tŭngŭn kayuh.

PINANDŬNG 7:2

Ka aku kiris agi dinge malaikat mandŭg so timor taban tandā pakai Tapa adi udip ngga nandā daya. Ayŭh bagan ngga sirŭŭn bana pat naan malaikat anŭ adi Tapa ko nggen kuasa ngga pirabur ong ka rawŭt.

PINANDŬNG 9:4

Kadis kadis anŭ dog kidaan da dŭh pirusak uduh puan kah tŭngŭn tŭngŭn kayuh, puan kah tadŭ tadŭ kayuh adi agi timbu. Kadis kadis anŭ bisa pijera daya adi dŭh biyŭn tandā so Tapa di arŭ ngara.