PINANDŬNG 7:1 - Hakcipta - Biatah Bidayuh

¹ Ripas anŭ aku kiris pat naan malaikat mijog di pat sikuh ong, bitan pat sabak isa-i dŭh poh di ong, di rawŭt puan kah maka tadŭ tadŭ tŭngŭn kayuh.

PINANDŬNG 7:1 ပူးပေါင်းရင်းမြစ်များ

ISAIAH 11:12

TUHAN re pijog binira-tandā ngga kiren di bangsa bangsa nang adŭp-I nguruk dinge daya Israel ngga daya Judah adi mbŭh papar sasah di barang yŭn di ong ka taban ngara pari.

ISAIAH 27:3

“Aku ari sita teya anggor anŭ ka namuh-i ngga piin. Aku jaga-i sandu singarŭm isa daya dŭh pirusak-i.

ISAIAH 27:8

Gaya TUHAN ngukum daya-I inŭh, Ayŭh taran ngara ka rais daya bŭkŭn. Ayŭh taban ngara ngga bu pakai sabak adi ganas so timor.

JEREMIAH 49:36

Aku re bada sabak poh maka Elam so barang parad, ka Aku re bada daya-i papar sasah di barang yŭn, ndŭg ka mating rais dŭm adi bayuh ngara ka ngga bu mangān rais adŭp-i.

EZEKIEL 37:9

Tapa nang di aku, “Manusia, minyu-binabi di sabak. Kidaan di sabak nang TUHAN Raja pesan-i bada mandŭg so barang parad tarun, bada ngasŭng di pŭrŭng adi dŭh udip anŭ, isa-i pari udip.”

EZEKIEL 7:2

“Manusia,” Ayŭh nang, “ati inŭh kayuh adi Aku, TUHAN Raja, nang di tarun tana Israel: ati inŭh pimungan yŭn ndi tarun tana rais ati!

DANIEL 11:4

Pak kan ayŭh mbŭh sukup bikuasa empaya-i re pape nyikupat. Raja raja adi dŭh sesang-i re mritah gati ayŭh, pak ngara dŭh re biyŭn kuasa mun jangi.

DANIEL 7:2

ngarŭm anŭ: Sabak poh so barang yŭn ka maka tunduh rawŭt.

DANIEL 8:8

Kambing anŭ mbŭh jadi makin gambung, pak di pinyigatung bake-i tanduk-i pata. Komŭnŭ pat tanduk adi bŭkŭn adi rasing ruah, ka tiju barang pat parad rangit.

JONAH 1:4

Pak TUHAN pait sabak adi raru bangat-i ka rawŭt, ka sabak ribut anŭ raru daras-i ndŭg ka kapar anŭ mbŭh re an pape.

ZECHARIAH 6:1

Aku agi dinge kiris keya ka darŭm pŭmŭh. Kari ati aku kiris pat krita kuda ruah so asah duwŭh darŭd timaga.

ZECHARIAH 6:5

Ayŭh nam, “Ati inŭh pat sabak; sabak ati bauh mandŭg so yŭn TUHAN adi nguasa sopŭrŭg kayuh di ong.”

MATTHEW 24:31

Trompet bās re jawŭn, ka Ayŭh re pait bara malaikat-I ka pat sikuh ong, ka ngara re nguruk daya adi-I ko mien so ong, so tŭbŭn ndi ndŭg tŭbŭn andi.

MARK 13:27

Ayŭh re pait bara malaikat ka pat sikuh ong da nguruk bara daya adi Tapa mbŭh mien so ong, so tŭbŭn ndi ndŭg tŭbŭn andi.

PINANDŬNG 20:8

Ayŭh re ruah di nipu barang bangsa adi papar sasah di ndi ong ong, anŭ inŭh, Gog ngga Magog. Shetan re taban sopŭrŭg ngara ngga biperang; sikiang tungang-i taban kiang dudu sumat di pang rawŭt.

PINANDŬNG 6:6

Aku dingah kayuh sak sirŭŭn mandŭg so pat dāng udip anŭ, adi nang, “Ndi kilogram gandom yŭn gaji ndi andu, ka taruh kilogram jeri yŭn gaji ndi andu. Pak dŭhnyah pirusak tŭngŭn tŭngŭn kanā ngga teya teya anggor!”

PINANDŬNG 7:3

Malaikat anŭ nang, “Dŭhnyah pirusak deyŭh, rawŭt, puan kah tŭngŭn kayuh, sibayuh kieh mbŭh nandā arŭ bara urun Tapa ta.”

PINANDŬNG 8:7

Malaikat adi numbor ndi mambak jangi trompet. Ujen batuh ngga apui, bigaur ngga deya, rabu ka ong. Ndi utung darŭm taruh so ong sau, ka ndi utung darŭm taruh so tŭngŭn tŭngŭn kayuh sau, samŭn sopŭrŭg dawŭn kupai barŭm.

PINANDŬNG 9:14

Sirŭŭn anŭ nang di malaikat adi numbor nŭm anŭ, “Pirupas pat naan malaikat anŭ adi dog muak di Sungi bās Euphrates!”

PINANDŬNG 9:4

Kadis kadis anŭ dog kidaan da dŭh pirusak uduh puan kah tŭngŭn tŭngŭn kayuh, puan kah tadŭ tadŭ kayuh adi agi timbu. Kadis kadis anŭ bisa pijera daya adi dŭh biyŭn tandā so Tapa di arŭ ngara.