PINANDŬNG 3:3 - Hakcipta - Biatah Bidayuh

³ Ingat nŭh meh, kayuh adi ko dog ngajar di kuu ka kayuh adi ko mu dingah; tunda-i ka ngubah adŭp mu ka dŭh tia bidosa. Kambŭi kuu dŭh makat, Aku re mandŭg ka yŭn mu keya ka pinaku, ka kuu dŭh re puan tika Ku mandŭg.

PINANDŬNG 3:3 ပူးပေါင်းရင်းမြစ်များ

EZEKIEL 20:43

Angān re ingat sopŭrŭg pingandai ngan adi sipŭ anŭ adi nyembar adŭp ngan. Angān re sidot di adŭp ngan sabab sopŭrŭg arap adi angān mbŭh ndai.

EZEKIEL 36:31

Angān re ingat urah rakah ngan adi arap ka sarah adi angān mbŭh ndai, ka angān re sidot di adŭp ngan sabab dosa ngga pingandai kais ngan.

MATTHEW 25:13

Ka Jesus nang, “Bijaga meh garang, amai angān dŭh puan andu-i bait kah jam-i.

MARK 13:33

Pak bijaga, ka sidia adŭp ngan, amai angān dŭh puan sinde tika-i mandŭg.

MARK 13:36

Kambŭi ayŭh gŭgŭh mandŭg, manyah ayŭh dapŭd angān bŭŭs.

1 THESSALONICA 5:2

Amai adŭp ngan mbŭh puan nang Andu Tuhan re mandŭg keya ka pinaku mandŭg singarŭm.

1 TIMOTHY 6:20

Timothy, nakit jaga kayuh adi mbŭh dog mbas pasan ka darŭm tangan mu. Pijo adŭp mu so piminyu pinganang adi dŭh biguna samŭn karit adi sipadin adi daya kadŭn “Pinyipuan.”

2 TIMOTHY 1:13

Bidigŭng tagap meh di ajar adi sawŭ adi aku ko nggen di kuu, ndu suto danding adi kuu patut tunda, ka bijijŭ darŭm pinyabah ngga pinyirindu adi mbŭh tung jata darŭm ata udip ndi ngga Kristus Jesus.

HEBREW 2:1

Anŭ inŭh sabab ata dŭh siŭn dŭh an rabis tagap bidigŭng di ajar ajar anŭ adi ata ko dingah, isa ata dŭh manyap.

2 PETER 1:13

Sitŭkŭd aku babŭ udip, aku pikir taŭn-i patut aku kies pikir ngan di kayuh anŭ.

2 PETER 3:1

Angān adi aku rindu! Ati adi madin inŭh surat adi duwŭh adi aku nuris ka angān. Ngga so-duwŭh surat ku ati aku suba kies pikir-kira adi bisig darŭm pikir ngan darŭm ku kidaan sopŭrŭg kayuh ati isa angān dŭh kambŭt-i.

2 PETER 3:10

Pak Andu Tuhan re mandŭg mun pinaku. Di Andu anŭ rangit re miyap ngga sak jawŭn adi raru bana, kayuh kayuh di rangit re dog sigot ka dog pirabur, ka ong ngga sopŭrŭg isi-i re mating tia.

PINANDŬNG 16:15

“Dingah! Aku ati mandŭg mun pinaku! Sanang inŭh daya adi burah ka jaga piraka-i, isa ayŭh dŭh panu sitagor ka mangŭh di sirung jawin daya bagŭ!”

PINANDŬNG 2:25

Pak ndŭg ka Aku mbŭh mandŭg, kuu dŭh siŭn dŭh an bidigŭng tagap di anŭ adi kuu mbŭh biyŭn.

PINANDŬNG 2:5

Suba kira munki masam kuu mbŭh rabu! Dŭh tia bidosa pak ndai nimun dawŭ-i di andu kuu babŭ sabah di Aku. Kambŭi dŭh, Aku re mandŭg ka kuu ka tambit rika prita mu so tarun yŭn-i.

PINANDŬNG 22:7

“Dingah!” nang Jesus. “Aku re rikas mandŭg! Sanang inŭh ngara adi tunda pinganang-binabi darŭm surat ati!”

PINANDŬNG 3:11

Aku re rikas mandŭg. Bidigŭng tagap meh di anŭ adi kuu mbŭh biyŭn, isa mating daya bisa sirabut upah pimanang mu.

PINANDŬNG 3:19

Aku nang ka ngukum sopŭrŭg adi Aku rindu. Ndai meh pikir mu yŭn ngubah adŭp mu ka dŭh tia bidosa.

PINANDŬNG 3:2

Makat meh, ka nyibake adi dŭm di adŭp mu sibayuh-i abo kabŭs. Amai di dapŭd Ku kayuh adi kuu mbŭh ndai gibayuh sukup kana di batŭh Tapa Ku.