PINANDŬNG 2:3 - Hakcipta - Biatah Bidayuh

³ Kuu tŭtŭd, kuu mbŭh sangsara sabab Aku, pak kuu dŭh jimŭ.

PINANDŬNG 2:3 ပူးပေါင်းရင်းမြစ်များ

MAZMUR 37:7

Tŭtŭd ka kajŭn TUHAN ndai kraja-I; dŭhnyah susah pasar ngara adi mujur puan kah pasar ngara adi mujur di pusar arap ngara.

MAZMUR 69:7

Amai Kaam inŭh aku dog pimangŭh ka aku mbŭh raru mangŭh.

MICAH 7:9

Ata mbŭh bidosa rawan TUHAN, jadi madin ata dŭh siŭn dŭh nyijŭn baji-I dawŭ-i. Pak sikasŭn-i Ayŭh re nyibandar ata ka re pimanu pinyitŭnggŭn rawan sarah adi dog ndai di ata. Ayŭh re taban ata ka jawa, ka ata re kinyam pinyiramat TUHAN.

MARK 15:21

Di aran ngara bidapŭd ngga ndi naan daya dŭn Simon, adi mandŭg ka Kupo so sapa tarun tana rais, ka bara soldadu takan ayŭh da gŭrŭng rigang Jesus. (Simon asar daya Cyrene ka mbŭh sama Alexander ngga Rufus.)

LUKE 14:27

Asi asi adi dŭh gŭrŭng rigang-i ka tunda Aku, dŭh bisa jadi murid Ku.

LUKE 18:1

Komŭnŭ Jesus nyidundan ndi upama di bara murid-I isa ngara siraru simayang ka dŭh jimŭ.

LUKE 21:19

Bada atin ngan tagap, ka angān re siramat.

LUKE 5:5

“Gurū,” Simon nam, “kieh ko bandar nyiraja ndi ngarŭm ngarŭm pak mating dapŭd ami. Pak amai Kaam bada, aku bisa bisor jaring.”

LUKE 8:15

Bine adi rabu di tana adi mandis, rati-i ngara adi dingah agah anŭ ka nyikŭn-i darŭm atin adi kana ka nundok; ngara bijijŭ ndŭg ka ngara buān buwa.”

JOHN 15:21

Pak ngara re ndai di angān anŭ adi ngara ko ndai di Aku, sabab angān mbŭh tung jaku. Ngara re ndai simŭnŭ sabab ngara dŭh puan sianŭ adi bada Aku mandŭg.

ROME 12:12

Bada pingarap ngan taban pinyigaŭn. Sabar di tika angān dog pinyusah ka ari simayang.

ROME 16:12

Tabi ku ka Tryphaena ngga Tryphosa, adi nyiraja yŭn Tuhan, ka dingan ku Persis adi aku rindu, adi ko ndai bagŭ kraja yŭn Tuhan.

ROME 2:7

Agi kada daya piguruh adŭp-i ndai kana, ka jiroh bragah, stabi, ka pimudip adi dŭh puan pinyikabŭs; di ngara Tapa re nggen udip adi sawŭ adi tan adu adu.

ROME 8:25

Pak kambŭi ata harap kayuh adi ata dŭh tungang kiris, ata kajŭn ngga atin sabar.

1 CORINTH 13:7

Pinyirindu inŭh tan di barang masam kayuh; anŭ inŭh sabah di daya, dŭh manyap pingarap, ka siraru sabar.

1 CORINTH 16:16

tunda pinguru adi mun ngara, ka tadŭ daya adi nyiraja ka adi turung bara daya eklisia ayō ngara.

2 CORINTH 10:15

Ngapŭi kieh dŭh mingangŭn di kraja pingandai adi daya ko ndai rabis so adi Tapa ko miratak yŭn ami. Pak kieh harap pinyabah ngan bisa bitambah, buang kieh tungang ndai rabis bās kraja di dupan ngan, di darŭm utung adi Tapa mbŭh miratak.

2 CORINTH 11:23

Ngara urun Kristus kah? Aku sak daya gira, pak aku ati urun adi kana dŭ so ngara! Aku agi bandar dŭ nyiraja, aku mbŭh siraru dŭ dog na darŭm jer, aku mbŭh siraru dŭ dog madŭs, ka mbŭh siraru dŭ dŭm tadŭ re kabŭs.

2 CORINTH 4:1

Ngga pinyirasi-I Tapa mbŭh nggen di kieh kraja ati, ngapŭi kieh dŭh re jimŭ.

2 CORINTH 4:16

Sabab anŭ inŭh kieh bŭn re jimŭ. Sunggu pŭrŭng ami ati mbŭh makin madam, darŭm roh kieh dog pibauh barang andu.

2 CORINTH 5:9

Rabis so kayuh bŭkŭn, kieh raan pimunos Tuhan bait-i darŭm pŭrŭng ami digiti puan kah di ramin arŭn di shorga.

2 CORINTH 6:5

Kieh mbŭh dog pukong, dog jer, dog tawa; kieh mbŭh nyiraja rabis so patut, ndŭg dŭh bŭŭs bait man.

GALATIA 6:2

Turung dingan ngan adi dog pinyusah. Simŭnŭ, angān mbŭh sita ukum-adat Kristus.

GALATIA 6:9

Ka dŭhnyah meh ata kawŭk ndai pingandai kana; amai kambŭi ata dŭh jimŭ, andu-i re mandŭg kan ata re kambat upah-i.

PHILIPPI 2:16

darŭm angān nyuse agah adi nggen udip adi sawŭ adi tan adu adu di ngara. Ka kambŭi angān ndai simŭnŭ, aku re biyŭn sabab yŭn mingangŭn pasar angān di Andu pimandŭg Kristus, amai-i re kiren susah-payah ku ngga kraja pingandai ku dŭh jadi au-tarun.

PHILIPPI 4:3

Ka kuu gŭh, dingan ku adi tŭtŭd darŭm kraja, aku mite kuu turung duwŭh naan dayung anŭ; amai ngara mbŭh bandar nyiraja ngga aku darŭm nyuse Agah Kana, samah ngga Clement samŭn sopŭrŭg adi bŭkŭn di kraja ta. Dŭn ngara mbŭh agi darŭm surat di yŭn dŭn bara daya adi Tapa mbŭh mien dog nuris.

COLOSSAE 1:11

Isa-i angān dog nyibake ngga sopŭrŭg pinyibake adi mandŭg so bragah kuasa-I, isa angān tungang nyijŭn sopŭrŭg kayuh ngga atin sabar. Ka ngga atin gaŭn nggen trima kaseh di Sama, adi mbŭh bada angān tibirang kambat tung jangān utung adi-I mbŭh sidia yŭn daya-I darŭm pinyipritah jawa.

1 THESSALONICA 1:3

Kieh ingat di sirung jawin Tapa adi Sama ta simuki kraja pingandai ngan mbŭh birasŭk ngga pinyabah ngan, simuki pinyirindu ngan mbŭh bada angān bandar nyiraja, ka simuki pingarap ngan mbŭh tagap di Tuhan Jesus Kristus.

1 THESSALONICA 2:9

Tatu angān ingat, angān adi bara dingan ami, munki kieh bandar nyiraja! Kieh nyiraja sandu singarŭm isa kieh dŭh nyusah angān darŭm kieh nyuse Agah Kana so Tapa di angān.

1 THESSALONICA 5:12

Kieh mite angān, bara dingan, stabi di ngara adi nyiraja di dupan ngan, adi nyiruton ka ngajar angān darŭm aran pimudip Kristen.

2 THESSALONICA 3:13

Pak angān, bara dingan, dŭh siŭn kawŭk ndai kana.

2 THESSALONICA 3:5

Isa-i Tuhan kuka atin ngan da rabis mirati pinyirindu Tapa samŭn pinyitŭtŭd atin adi Kristus ko nggen.

2 THESSALONICA 3:8

Kieh bŭn trima pinguman so daya kambŭi dŭh ngga bibayar. Pak adŭp ami mbŭh bandar nyiraja, sandu singarŭm ramŭn ami dŭh an nyusah angān.

1 TIMOTHY 4:10

Ata bandar bandar nyiraja, sabab ata mbŭh na pingarap ta di Tapa adi udip, adi Pinyikudip sopŭrŭg, rabis-i daya adi sabah.

1 TIMOTHY 5:17

Bara nyamba eklisia adi ndai kraja kana darŭm ngara kingat eklisia patut trima duwŭh rupet gaji, rabis-i ngara adi bandar nyiraja tura ka nyuse pinganang Tapa ka ngajar.

HEBREW 10:36

Angān an sabar, siŭn angān tungang ndai pinyiraan Tapa ka kambat kayuh adi-I bijanji an nggen.

HEBREW 12:1

Mun ata ati, ata biyŭn bara saksi maning ata. Ja ata pasan kadi kayuh adi matŭn ata, samŭn dosa adi rakat di ata, ka bikaduh ngga siabo asŭng darŭm rumba adi mbŭh dog sidia yŭn ta.

HEBREW 13:13

Ja ata di ka yŭn-I di sapa tarun yŭn daya bibari ka sua dapu mangŭh-I.

HEBREW 6:10

Tapa, dŭh-I dŭh rada pingandai kana daya. Ayŭh dŭh re kambŭt kayuh adi angān ko ndai puan kah pinyirindu ngan yŭn-I adi angān ko kiren darŭm pinurung adi angān nggen di daya Kristen adi bŭkŭn, bait-i madin puan kah prajah.

HEBREW 6:12

Kieh dŭh raan angān jadi tibanga, pak raan angān jadi mun ngara adi sabah buang sabar, ka dapŭd kayuh adi Tapa ko bijanji an nggen.

HEBREW 6:15

Abraham tŭtŭd, ka sawŭ ayŭh kambat kayuh adi Tapa ko bijanji an nggen.

2 PETER 1:6

di pinyipuan na atin adi an jaga adŭp ngan so pinyiripong adi sarah; di atin adi an jaga adŭp so pinyiripong adi sarah na pinyitŭtŭd atin; di pinyitŭtŭd atin na atin adi an nurut pinyiraan Tapa;

PINANDŬNG 1:9

Aku ati John, madis ngan, ka darŭm aku adi pinunda Jesus aku sua ngga angān darŭm kinyam ngga atin tŭtŭd sangsara anŭ adi nyatŭk sinadan adi dog dapu Pinyipritah Jesus. Aku dog taran ka purau Patmos sabab aku piagah pinganang Tapa samŭn kayuh kayuh adi dog pinandŭng Jesus.

PINANDŬNG 3:10

Sabab kuu mbŭh dingah pinyipesan Ku ngga mu jadi tŭtŭd, Aku re kingat gŭh kuu di tika pinyusah adi re mandŭg ka ong adi ngga sopŭrŭg daya di ong dog suba.