PINANDŬNG 2:2 - Hakcipta - Biatah Bidayuh

² Aku puan kayuh adi kuu ko ndai; Aku puan munki masam kuu bandar nyiraja ka munki masam tŭtŭd-i kuu nan pinyusah. Aku puan nang kuu dŭh suka daya adi arap ka mbŭh suba ngara adi nang adŭp-i pinyuruh pak sibandar-i dŭh; kuu mbŭh puan nang ngara daya pingadong.

PINANDŬNG 2:2 ပူးပေါင်းရင်းမြစ်များ

MAZMUR 1:6

Daya tŭnggŭn dog nyiruton ka dog grindung TUHAN, pak daya arap kadŭg aran adi re pirarap ngara.

MATTHEW 7:23

Nganŭ Aku re nang di ngara, ‘Aku dŭh puan angān. Bu so Aku, angān daya adi ginaka!’

JOHN 6:6

Ayŭh nang sakanŭ ngga suba Philip; sibandar adŭp-I puan ani re-I ndai.)

GALATIA 1:7

Sibandar-i, mating “Agah Kana adi bŭkŭn,” pak aku nang sakanŭ sabab daya agi mito angān buang suba an nukar Agah Kana Kristus.

EPHESUS 4:14

Ka ata dŭh re tia mun anak-anya, udah anyut kamati kamanŭ da sabak ajar daya pinipu, adi taban daya ka aran pimudip adi sarah ngga akar tipu adi ngara nimbu.

1 THESSALONICA 1:3

Kieh ingat di sirung jawin Tapa adi Sama ta simuki kraja pingandai ngan mbŭh birasŭk ngga pinyabah ngan, simuki pinyirindu ngan mbŭh bada angān bandar nyiraja, ka simuki pingarap ngan mbŭh tagap di Tuhan Jesus Kristus.

1 THESSALONICA 5:21

Suba sopŭrŭg kayuh: bidigŭng di kayuh adi kana

2 TIMOTHY 2:19

Pak pinagap-rasan adi tagap anŭ adi Tapa ko na dŭh dapŭd dog ngugoh; ka di tunduh pimŭnŭs anŭ agi dog nuris sakati: “Tuhan puan bara daya adi-I dapu” ka “Ngara adi nang adŭp-i mbŭh dog dapu Tapa dŭh siŭn dŭh taran pingandai sarah.”

HEBREW 6:10

Tapa, dŭh-I dŭh rada pingandai kana daya. Ayŭh dŭh re kambŭt kayuh adi angān ko ndai puan kah pinyirindu ngan yŭn-I adi angān ko kiren darŭm pinurung adi angān nggen di daya Kristen adi bŭkŭn, bait-i madin puan kah prajah.

1 JOHN 4:1

Angān adi aku rindu, dŭhnyah sabah tadŭ tadŭ daya adi nang adŭp-i biyŭn Roh Kudus, pak suba ngara yŭn puan sawŭ kah dŭh roh anŭ adi ngara biyŭn mandŭg so Tapa. Amai bagŭ nabi kadong mbŭh tambus barang yŭn.

PINANDŬNG 2:5

Suba kira munki masam kuu mbŭh rabu! Dŭh tia bidosa pak ndai nimun dawŭ-i di andu kuu babŭ sabah di Aku. Kambŭi dŭh, Aku re mandŭg ka kuu ka tambit rika prita mu so tarun yŭn-i.

PINANDŬNG 2:6

Pak ati pinyikana mu: kuu tiru di pingandai bara pinunda Nicolaitan, batur mun Aku gŭh.

PINANDŬNG 2:9

Aku puan pinyusah mu; Aku puan kuu sirata, pak kuu sawŭ kaya! Aku puan pinganang arap adi daya nang maka kuu. Ngara nang adŭp-i daya Jahudi pak sibandar-i dŭh. Ngara inŭh tibaran adi dog dapu Shetan!

PINANDŬNG 3:1

“Nuris ka malaikat eklisia di Sardis: “Ati inŭh agah so sianŭ adi biyŭn ju roh Tapa ka ju bitang. Aku puan kayuh ndai mu; Aku puan kuu mun adi udip, pak sibandar-i kuu mbŭh kabŭs!

PINANDŬNG 3:15

Aku puan kayuh ndai mu; Aku puan kuu dŭh madud dŭh paras. Kana dŭ inŭh kuu ndi so anŭ duwŭh!

PINANDŬNG 3:8

Aku puan kayuh ndai mu; Aku puan kuu biyŭn nisŭ kuasa; kuu agi tunda ajar Ku ka mbŭh tŭtŭd ngga Aku. Aku mbŭh kuka tiban yŭn mu, adi mating daya tungang tŭŭp.