PINANDŬNG 11:3 - Hakcipta - Biatah Bidayuh

³ Aku re pait duwŭh naan saksi ku adi nēn piraka guni; ngara re piagah agah so Tapa sitŭkŭd 1,260 andu anŭ.”

PINANDŬNG 11:3 ပူးပေါင်းရင်းမြစ်များ

TIBIRIK 37:34

Jacob darŭm susah nyiratak jipo-i, ka kasŭk banang guni ka ngurid anak-i Joseph mua tian-i.

2 SAMUEL 3:31

Komŭnŭ David mritah Joab ngga bara daya-i bada nyiratak piraka ngara, pakai banang guni, ka muās Abner. Ka di tika nyikubur, Raja David panu di punok tunda arung.

1 RAJA 21:27

Kan Elijah muko minyu, Ahab nyiratak piraka-i, pirukos-i, ka kasŭk banang guni. Ayŭh abah man, ka bŭŭs nēn banang guni, ka panu susah buang bipito.

2 RAJA 19:1

Kan Raja Hezekiah dingah pinganang ngara, ayŭh nyiratak jipo-i darŭm susah, kasŭk banang guni, rasu di ka Ramin TUHAN.

1 KRONIKEL 21:16

David kiris malaikat mijog di au-tarun, digŭng pedang-i, sidia re nyirubuh Jerusalem. Komŭnŭ David ngga bara pinguru — sopŭrŭg mbŭh nēn banang guni — mutu ubak ngara, buang jawin ngara dog tana.

NEHEMIAH 9:1

Andu adi 24 darŭm buran anŭ, daya Israel tikuruk yŭn bipusa ngga kiren atin susah amai dosa ngara. Ngara mbŭh nyidŭrŭ adŭp ngara so sopŭrŭg daya tami. Ngara nēn banang guni ka na apŭk di ubak ndu tandā atin susah. Komŭnŭ ngara mijog ka piguru ngaku dosa adi ngara mbŭh ndai samŭn adi tayung-babuk ngara mbŭh ndai.

JOB 16:15

Aku sien ka nēn piraka adi dog ndai so banang guni, ka aku guru digiti di tana, arah.

MAZMUR 69:11

aku kasŭk piraka daya ngurid, ngara tawŭh aku.

ISAIAH 22:12

Di tika anŭ TUHAN Raja Bisa-pŭrŭg bagan angān bada sien ka muās, bada angān nundo ubak ngan ka nēn banang guni.

JEREMIAH 1:10

Andu ati Aku nggen di kuu kuasa di tunduh bangsa bangsa ka pritah ngga dimbut ka pirabu-i, ngga pirabur ka pitumbang-i, ngga pijog ka purun-i.”

PUĀS 2:10

Bara nyamba daya Jerusalem guru di tana dŭh nang ani ani, na dabu di ubak ka nēn piraka banang guni. Bara dayung adi mara mutu ubak ngara ka tana.

EZEKIEL 4:6

Kan anŭ mbŭh kamas ndai mu, bigiring ka tauh mu ka sangsara sabab sarah Judah pat puru andu — barang andu yŭn barang sawa ukum ngara.

DANIEL 12:7

Malaikat anŭ pakat soduwŭh tangan-i ka rangit ka bipayu ngga adŭn Tapa adi Udip adu adu. Aku dingah ayŭh nang, “Kayuh anŭ re jadi simŭnŭ sitŭkŭd taruh sawa sitangah. Kan daya Tapa muko dog kisiis, sopŭrŭg kayuh anŭ gŭh mbŭh tambus.”

DANIEL 7:25

Ayŭh re minyu rawan Tapa adi Siabo Bigatung ka kinanyuh daya Tapa. Ayŭh re suba ngubah ukum-adat darŭm adat ngga gawai ngara, ka daya Tapa re di ribo kuasa-i sitŭkŭd taruh ngga sitangah sawa.

DANIEL 8:14

Aku dingah malaikat adi bŭkŭn nam, “Ayŭh re babŭ ndŭg 2,300 singumi andu ngga isan isan, ka di tipuh anŭ sadis dŭh re dog jugan. Muko anŭ ka Ramin TUHAN re pari dog pijog mun amba-i.”

JOEL 1:13

Nēn banang guni ka muās, angān bara imam adi nyiraja di mija-sambah! Di mŭrŭt Ramin TUHAN ka muās ndi ngarŭm ngarŭm! Mating gandom puan kah wain re ngan jugan ka Tapa ngan.

JONAH 3:5

Daya Nineveh sabah pinganang Tapa. Jadi ngara bada barang naan daya bipusa, ka sopŭrŭg daya, adi kaya ngga adi sirata, nēn piraka banang guni adi tandā atin nyesar amai dosa.

JONAH 3:8

Sopŭrŭg daya ngga dāng dŭh siŭn dŭh nēn piraka banang guni. Barang naan daya dŭh siŭn dŭh bidua ngga siabo atin ngara ka Tapa ka dŭh siŭn dŭh ko udip ginaka ka dŭh tia ndai pingandai adi arap.

PINYIKIANG 11:26

Duwŭh naan so bara pinguru anŭ adi ju puru naan, Eldad ngga Medad, babŭ di tarun yŭn bibari ka dŭh sua di ka Bari TUHAN. Diginŭ di yŭn bibari roh mandŭg ka ngara, ka ngara gŭh nyirais sak nabi.

MATTHEW 11:21

“Mbŭh raru payah-i re di kuu, Chorazin! Mbŭh raru payah-i gŭh di kuu, Bethsaida! Kambŭi pingandai-nginga adi ko dog ndai di kuu dog ndai di Tyre ngga Sidon, mbŭh tui daya diginŭ pakai banang guni buang ngabu apŭk di adŭp-i, ngga kiren adŭp-i mbŭh marik pimudip-i pari ka Tapa!

MATTHEW 18:16

Pak kambŭi ayŭh abah dingah pinganang mu, taban ndi puan kah duwŭh naan daya bŭkŭn, isa ‘sopŭrŭg itong bisa dog natu taksi so baba duwŭh puan kah taruh naan saksi,’ sak adi nang Surat-kudus.

LUKE 10:13

“Mbŭh raru payah-i re di kuu, Chorazin! Mbŭh raru payah gŭh di kuu, Bethsaida! Kambŭi pingandai-nginga anŭ adi ko dog ndai darŭm angān dog ndai darŭm Tyre ngga Sodom, daya diginŭ mbŭh tui ko guru, nēn piraka guni, ka ngabu apŭk di adŭp-i, ngga kiren adŭp-i mbŭh marik pimudip-i pari ka Tapa!

LUKE 24:48

Angān mbŭh jadi saksi yŭn sopŭrŭg kayuh ati.

JOHN 15:27

Ka angān gŭh, re minyu pasar Aku, sabab angān mbŭh agi ngga Aku so sibungas-i.

JOHN 3:27

John nam, “Mating daya bisa biyŭn kayuh, kambŭi Tapa dŭh nggen.

PINGANDAI 1:8

Pak angān re kambat kuasa kan Roh Kudus mandŭg ka angān; ka angān re jadi saksi Ku di Jerusalem, di ndi tarun tana Judea ngga Samaria, ndŭg bŭngŭn ong.”

PINGANDAI 13:31

ka agi kudu kudu andu Ayŭh agi pinandŭng adŭp-I di ngara adi ko panu bijaruh ngga Ayŭh so Galilee ka Jerusalem. Ngara mbŭh jadi saksi yŭn-I di daya Israel madin.

PINGANDAI 2:32

Tapa mbŭh pakat adŭp Jesus ati so kabŭs, ka kieh mbŭh saksi di kayuh anŭ.

PINGANDAI 3:15

Angān siŭ sianŭ adi nggen aran nuju udip adi sawŭ, pak Tapa mbŭh pakat Ayŭh so kabŭs, ka kieh ati mbŭh bara saksi di kayuh anŭ.

1 CORINTH 12:28

Di eklisia Tapa mbŭh ngatur sopŭrŭg da biyŭn pinura-i: adi numbor ndi bara pinyuruh, adi numbor duwŭh bara nabi, adi numbor taruh bara gurū; adi bŭkŭn inŭh ngara adi ndai pingandai-nginga, ka ngara adi mbŭh dog nggen kuasa ngga pibua puan kah turung daya, puan kah nyiruton daya puan kah minyu darŭm piminyu saruh.

2 CORINTH 13:1

Ati inŭh adi pitaruh saba aku re munan angān. “Tiap pinganang ngga nyarah daya dŭh siŭn dŭh an dog natu duwŭh puan kah taruh naan saksi” sak adi nang Surat-kudus.

EPHESUS 4:11

Ayŭh inŭh adi “nggen pinganggen di manusia”; Ayŭh tijuan kada daya da jadi pinyuruh, adi bŭkŭn jadi nabi, adi bŭkŭn jadi pinyuse Agah Kana, adi bŭkŭn jadi pingingat eklisia ka gurū.

DITRONOMI 17:6

Pak sunggu mŭnŭ, ngara bisa dog ukum kabŭs adŭ-i kambŭi agi duwŭh puan kah rabis daya bisaksi rawan ngara. Ngara dŭh siŭn dog ukum kabŭs kambŭi ndi naan adŭ saksi.

DITRONOMI 19:15

“Ndi naan saksi dŭh-i sadang ngga natu daya sawŭ sarah; an sikurang kurang-i duwŭh naan saksi adi bisa natu daya sawŭ sarah.

PINANDŬNG 1:5

ka so Jesus Kristus, saksi adi tŭtŭd, adi sibungas dog pakat so kabŭs ka adi pimritah di tunduh raja raja di ong. Ayŭh rindu ata, ka ngga pinyikabŭs-I adi sadis Ayŭh mbŭh pirupas ata so dosa ta

PINANDŬNG 11:2

Pak dŭhnyah ngŭkŭd awah, sabab-i mbŭh yŭn daya adi dŭh puan Tapa, adi re bidigang di Kupo Kudus anŭ sitian pat puru-duwŭh buran.

PINANDŬNG 11:6

Ngara biyŭn kuasa ngga tŭŭp rangit isa di tika ngara piagah agah so Tapa andu dŭh ujen. Ngara biyŭn gŭh kuasa di tunduh atak atak piin, da-i marui jadi deya. Ngara biyŭn gŭh kuasa ngga ari taban nanyam pinyiraan adŭp ngara barang masam susah-bās ka ong.

PINANDŬNG 12:6

Dayung anŭ bu ka tarun tana-pajam, ka tarun yŭn adi Tapa mbŭh sidia yŭn-i, di yŭn-i re dog sita sitian siribu duwŭh ratus nŭm puru andu.

PINANDŬNG 13:5

Dāng anŭ dog nyibandar minyu sambuh, pinganang adi nggen mangŭh di Tapa, ka-i mbŭh dog nyibandar biyŭn kuasa sitian pat puru-duwŭh buran.

PINANDŬNG 19:10

Aku sidikang di kaja-i re nyambah ayŭh, pak ayŭh nang di aku, “Dŭhnyah simŭnŭ! Aku ati urun mun kuu gŭh, mun bara adi bŭkŭn adi sabah, sopŭrŭg adi bidigŭng tagap di ajar adi sawŭ adi dog pinandŭng Jesus. Nyambah Tapa nŭh!” Ajar adi sawŭ adi Jesus pinandŭng inŭh adi nyibake bara nabi.

PINANDŬNG 20:4

Komŭnŭ aku kiris takta takta, ka sopŭrŭg adi guru dieh dog nggen kuasa ngga nggen bisara. Aku kiris gŭh simangi ngara adi ko dog nggen ukum kabŭs sabab ngara piagah ajar adi sawŭ adi Jesus ko pinandŭng ka sabab ngara ngajar pinganang Tapa. Ngara mating nyambah dāng anŭ bait tibudo-i, dŭh gŭh kambat tandā dāng anŭ di arŭ puan kah di tangan ngara. Ngara udip dinge ka keya ka raja mritah ngga Kristus sitian siribu sawa.