PINANDŬNG 1:4 - Hakcipta - Biatah Bidayuh

⁴ So John nuju ju eklisia di utung rais Asia: Pinyirasi-mandis ngga damai mbŭh jangān so Tapa, adi madin, adi mbŭh, ka adi re mandŭg, ka so ju roh adi di jawin takta-I,

PINANDŬNG 1:4 ပူးပေါင်းရင်းမြစ်များ

MAZMUR 90:2

Diŭ so Kaam napa dudu sandah bait napa ong, Kaam inŭh mbŭh Tapa adi tan adu adu, ka Tapa ndŭg situi tui.

PINYIRUAH 3:14

Tapa nam, “Aku ati inŭh Aku. Kuu dŭh siŭn dŭh kidaan di ngara, ‘Sianŭ adi adŭn Aku ati inŭh Aku mbŭh pait aku ka angān.’

ISAIAH 11:2

Roh TUHAN re nggen pinyibijak di ayŭh, pinyipuan ka pimandai ngga mritah daya-I. Ayŭh re puan pinyiraan TUHAN ka stabi di Ayŭh

ISAIAH 41:4

Asi anŭ adi bada-i jadi simŭnŭ? Asi adi natu pimanu dundan nyamba? Aku, adi TUHAN, mbŭh agi diginŭ di sibungas-i, ka Aku, adi TUHAN, re agi diginŭ di pinŭbŭn-i.

ISAIAH 57:15

“Aku ati Tapa adi di sambu ka adi kudus. Aku rŭŭ di yŭn adi bigatung ka adi kudus, pak Aku gŭh adi rŭŭ ngga daya adi pirapat adŭp-i ka adi mbŭh marik pimudip-i pari ka Aku, isa Aku dapŭd bada pari tagap pinyabah ngga pingarap ngara.

MICAH 5:2

TUHAN nang, “Bethlehem Ephrathah, kuu inŭh kupo adi siabo sŭ di Judah, pak so kuu Aku re pakat ndi pimritah yŭn Israel, adi taris rawang asar-i inŭh so jaman jah.”

ZECHARIAH 3:9

Aku na ndi batuh adi ju jawin-i di sirung jawin Joshua. Aku re mŭŭt turis dieh, ka darŭm ndi andu Aku re taran dosa rais ati.

ZECHARIAH 4:10

Ngara asa sabab kraja piramin anŭ paŭh sais. Pak ngara re kiris Zerubbabel pijuu pijog Ramin TUHAN, ka anŭ re bada ngara sanang asŭng.” Malaikat anŭ nang di aku, “Rati ju prita anŭ inŭh ju batŭh TUHAN, adi nyibatŭh ndi ong ong.”

ZECHARIAH 6:5

Ayŭh nam, “Ati inŭh pat sabak; sabak ati bauh mandŭg so yŭn TUHAN adi nguasa sopŭrŭg kayuh di ong.”

JOHN 1:1

Diŭ so ong dog napa, Pinganang taŭn mbŭh agi; Pinganang agi ngga Tapa, ka Pinganang mbŭh Tapa.

PINGANDAI 19:10

Kayuh anŭ simŭnŭ sitŭkŭd duwŭh sawa, ndŭg ka sopŭrŭg daya darŭm utung rais Asia, bait-i daya Jahudi puan kah daya adi dŭh bangsa Jahudi, mbŭh dingah pinganang Tuhan.

PINGANDAI 2:9

Ata daya so Parthia, Media, ka so Elam; so Mesopotamia, Judea, ka so Cappadocia; so Pontus ka so Asia,

ROME 1:7

Ngapŭi madin aku nuris ka angān adi di Rome, adi Tapa rindu ka mbŭh bagan da jadi daya-I: Isa-i Tapa Sama ta ngga Tuhan ta Jesus Kristus nggen di angān pinyirasi-mandis ngga damai.

1 CORINTH 1:3

Isa-i Tapa adi Sama ngga Tuhan Jesus Kristus nggen di angān pinyirasi-mandis ngga damai.

2 CORINTH 1:2

Isa-i Tapa adi Sama ta ngga Tuhan Jesus Kristus nggen di angān pinyirasi-mandis ngga damai.

HEBREW 13:8

Jesus Kristus inŭh babŭ mijah, andu ati, ka adu adu.

JAMES 1:17

Sopŭrŭg pinganggen adi sukup kana mandŭg so shorga; ayŭh mūn so Tapa adi Pinapa jawa shorga. Ayŭh Tapa adi dŭh birubah ka bŭn re kinarŭm darŭm-I marik adŭp-I.

PINANDŬNG 1:1

Surat ati inŭh di yŭn kayuh kayuh adi Jesus Kristus pinandŭng dog nuris. Tapa nggen di Ayŭh pinandŭng anŭ ngga kiren di bara urun-I kayuh adi re rikas jadi. Kristus bada urun-I John puan kayuh kayuh anŭ so malaikat-I adi-I pait ka ayŭh,

PINANDŬNG 1:11

Sirŭŭn anŭ nang, “Nuris kayuh adi kuu kiris, ka pait surat anŭ nuju eklisia eklisia di ju kupo ati: Ephesus, Smyrna, Pergamum, Thyatira, Sardis, Philadelphia, ka Laodicea.”

PINANDŬNG 1:17

Kan aku kiris Ayŭh aku suman adŭp ku di kaja-I, mun adi kabŭs. Ayŭh na tangan tauh-I tama aku ka nang, “Dŭhnyah taru! Aku ati adi sibungas ngga adi sikasŭn.

PINANDŬNG 1:20

Ati inŭh rati adi bisukan yŭn ju bitang adi kuu kiris di tangan tauh Ku, samŭn yŭn ju rika-mas prita anŭ: ju bitang inŭh rati-i ju malaikat eklisia, ka ju rika prita inŭh rati-i ju eklisia.

PINANDŬNG 1:8

“Aku ati adi sibungas ngga adi sikasŭn,” nang Tuhan Tapa Bisa-pŭrŭg, adi madin, adi mbŭh, ka adi re mandŭg.

PINANDŬNG 1:9

Aku ati John, madis ngan, ka darŭm aku adi pinunda Jesus aku sua ngga angān darŭm kinyam ngga atin tŭtŭd sangsara anŭ adi nyatŭk sinadan adi dog dapu Pinyipritah Jesus. Aku dog taran ka purau Patmos sabab aku piagah pinganang Tapa samŭn kayuh kayuh adi dog pinandŭng Jesus.

PINANDŬNG 16:5

Aku dingah malaikat adi jaga piin nang, “Ukum adi Kaam nggen inŭh patut, Kaam adi kudus, Kaam adi madin ka adi mbŭh!

PINANDŬNG 2:12

“Nuris surat ati nuju malaikat eklisia di Pergamum: “Ati inŭh agah so sianŭ adi biyŭn pedang adi duwŭh siid-i reja.

PINANDŬNG 2:18

“Nuris ka malaikat eklisia di Thyatira: “Ati inŭh agah so Anak Tapa, Ayŭh adi bijireb batŭh-I, Ayŭh adi bringam kaja-I mun timaga ko dog ngusu.

PINANDŬNG 2:8

“Nuris surat ati nuju malaikat eklisia di Smyrna: “Ati inŭh agah so sianŭ adi sibungas ngga adi sikasŭn, adi kabŭs ka adi udip dinge.

PINANDŬNG 22:16

“Aku, Jesus, mbŭh pait malaikat Ku da kidaan kayuh kayuh ati di barang eklisia. Aku ati sesang David; Aku ati bitang adi jawa nyekar isan isan.”

PINANDŬNG 22:8

Aku John, mbŭh dingah ka kiris sopŭrŭg kayuh ati. Kan aku muko dingah ka kiris sopŭrŭg-i, aku sidikang buang mutu di kaja malaikat anŭ adi mbŭh kiren kayuh kayuh anŭ di aku, ka mbŭh re nyambah ayŭh.

PINANDŬNG 3:1

“Nuris ka malaikat eklisia di Sardis: “Ati inŭh agah so sianŭ adi biyŭn ju roh Tapa ka ju bitang. Aku puan kayuh ndai mu; Aku puan kuu mun adi udip, pak sibandar-i kuu mbŭh kabŭs!

PINANDŬNG 3:14

“Nuris ka malaikat eklisia di Laodicea: “Ati inŭh agah so Amen anŭ, saksi adi tŭtŭd ngga adi sawŭ, adi tibirik puun sopŭrŭg kayuh adi Tapa ko napa.

PINANDŬNG 3:7

“Nuris ka malaikat eklisia di Philadelphia: “Ati inŭh agah so sianŭ adi kudus ka adi sawŭ. Ayŭh biyŭn kusi adi dog dapu David, ka kan Ayŭh kuka tiban, mating daya dapŭd tŭŭp-i, ka kan Ayŭh tŭŭp-i, mating daya dapŭd kuka-i.

PINANDŬNG 4:5

So takta anŭ kijat mikirab ruah ngga jawŭn dudū. Di jawin takta anŭ agi ju prita-siru' adi mbŭh sakŭt, anŭ inŭh ju roh Tapa.

PINANDŬNG 4:8

Barang pat dāng udip anŭ biyŭn nŭm urad-i, ka pŭrŭng ngara puno ngga dudu batŭh, di darŭm ngga di sapa. Sandu singarŭm ngara dŭh ko ko biragu nang: “Kudus, kudus, kudus, Tuhan Tapa Bisa-pŭrŭg, adi mbŭh, adi madin, ka adi re mandŭg.”

PINANDŬNG 5:6

Komŭnŭ aku kiris ndi Anak Biri mijog di yun takta, dog maning pat dāng udip anŭ samŭn bara nyamba. Anak Biri anŭ mun adi ko dog siŭ, ka biyŭn ju tanduk ka ju batŭh, anŭ inŭh ju roh Tapa adi ko dog pait di ndi ong ong.

PINANDŬNG 8:2

Ka aku kiris malaikat adi ju naan anŭ mijog di sirung jawin Tapa, ka ngara dog nggen ju trompet.